ଦିଲ୍ଲୀରେ AQI 354 ପାର୍, ବିଷାକ୍ତ ହେବାରେ ଲାଗିଛି ଦିଲ୍ଲୀ ଜଳବାୟୁ
ଜାତୀୟ ରାଜଧାନୀ ଦିଲ୍ଲୀରେ ଜଳବାୟୁ ଖରାପ ହେବାରେ ଲାଗିଛି । ଦୀପାବଳି ପରଠାରୁ ଦିଲ୍ଲୀରେ AQI ଅତ୍ୟନ୍ତ ଖରାପ ବର୍ଗରେ ପହଞ୍ଚିଛି । ଏହ ସହିତ ଦିଲ୍ଲୀରେ ଘନ କୁହୁଡ଼ି ମଧ୍ୟ ଦେଖିବାକୁ ମିଳିଛି ।
ନୂଆଦିଲ୍ଲୀ : ଜାତୀୟ ରାଜଧାନୀ ଦିଲ୍ଲୀରେ ଜଳବାୟୁ ଖରାପ ହେବାରେ ଲାଗିଛି । ଦୀପାବଳି ପରଠାରୁ ଦିଲ୍ଲୀରେ AQI ଅତ୍ୟନ୍ତ ଖରାପ ବର୍ଗରେ ପହଞ୍ଚିଛି । ଏହ ସହିତ ଦିଲ୍ଲୀରେ ଘନ କୁହୁଡ଼ି ମଧ୍ୟ ଦେଖିବାକୁ ମିଳିଛି । ଲୋକମାନେ ସକାଳୁ ବାହାରକୁ ଯିବାରେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି । ତେବେ ଆଜି ଏଠାରେ ବର୍ଷା ହେବାର ସମ୍ଭାବନା ରହିଛି ଏବଂ ଯଦି ଏହା ହୁଏ ତେବେ ପ୍ରଦୂଷଣରେ ହ୍ରାସ ଘଟିବ ବୋଲି ପାଣିପାଗ ବିଭାଗ କହିଛି । ଆପଣଙ୍କୁ କହିରଖୁଛୁ ଯେ ପ୍ରଦୂଷଣ ହେତୁ ଦୃଶ୍ୟମାନତା ହ୍ରାସ ପାଇଛି ଏବଂ ଏହି କାରଣରୁ ଦିଲ୍ଲୀ ଅନ୍ତର୍ଜାତୀୟ ବିମାନବନ୍ଦର ଲିମିଟେଡ୍ (DIAL) ଯାତ୍ରୀମାନଙ୍କ ପାଇଁ ଏକ ଆଡଭାଇଜରି ଜାରି କରିଛି ।
ଆପଣଙ୍କୁ କହି ରଖୁଛୁ ଆଜି ମଧ୍ୟ ଦିଲ୍ଲୀର AQI 354 ରୁ ଅଧିକ ରହିଛି ।
ଆଜି ମଧ୍ୟ ଦିଲ୍ଲୀର ସର୍ବନିମ୍ନ ତାପମାତ୍ରା 16 ଡିଗ୍ରୀ ଏବଂ ସର୍ବାଧିକ ତାପମାତ୍ରା 29 ଡିଗ୍ରୀ ହୋଇପାରେ ବୋଲି ପାଣିପାଗ ବିଭାଗ କହିଛି । ଅନ୍ୟପକ୍ଷରେ ହିମାଚଳ ପ୍ରଦେଶରେ ତୁଷାରପାତ ହୋଇଛି, ଯେଉଁଥିପାଇଁ ତାପମାତ୍ରା ହ୍ରାସ ପାଇଛି । ଆଜି ମଧ୍ୟ ଏଠାରେ ତୁଷାରପାତ ହେବାର ସମ୍ଭାବନା ରହିଛି ବୋଲି ପାଣିପାଗ ବିଭାଗ କହିଛି । ହିମାଚଳ ସହିତ ଉତ୍ତରପ୍ରଦେଶ ଏବଂ କାଶ୍ମୀରରେ ବର୍ଷା ହେବାର ସମ୍ଭାବନା ରହିଛି । ଅନ୍ୟପକ୍ଷରେ, ନଭେମ୍ବର 10 ରୁ 12 ପର୍ଯ୍ୟନ୍ତ ପଞ୍ଜାବ, ହରିୟାଣା, ରାଜସ୍ଥାନ, ଦିଲ୍ଲୀ ଏବଂ ପଶ୍ଚିମ ଉତ୍ତରପ୍ରଦେଶରେ ହାଲୁକା ରୁ ମଧ୍ୟମ ବର୍ଷା ହେବାର ସମ୍ଭାବନା ରହିଛି ।
Click it and Unblock the Notifications
Sign in with Google