ଧର୍ମ ସଂସଦରେ ମୁସଲମାନମାନଙ୍କ ବିରୁଦ୍ଧରେ କେହି ଗୋଟିଏ ଶବ୍ଦ କହି ନାହାଁନ୍ତି - ସୁପ୍ରିମକୋର୍ଟରେ କହିଲା ଦିଲ୍ଲୀ ପୋଲିସ
ଗତ ବର୍ଷ ରାଜଧାନୀରେ ଆୟୋଜିତ ଧର୍ମ ସଂସଦରେ ମୁସଲମାନମାନଙ୍କ ବିରୋଧରେ କୌଣସି ଉତ୍ତେଜନାମୂଳକ ଭାଷଣ ଦିଆଯାଇ ନ ଥିବା ଦିଲ୍ଲୀ ପୋଲିସ ସୁପ୍ରିମକୋର୍ଟଙ୍କୁ କହିଛି ।
ନୂଆଦିଲ୍ଲୀ : ଗତ ବର୍ଷ ରାଜଧାନୀରେ ଆୟୋଜିତ ଧର୍ମ ସଂସଦରେ ମୁସଲମାନମାନଙ୍କ ବିରୋଧରେ କୌଣସି ଉତ୍ତେଜନାମୂଳକ ଭାଷଣ ଦିଆଯାଇ ନ ଥିବା ଦିଲ୍ଲୀ ପୋଲିସ ସୁପ୍ରିମକୋର୍ଟଙ୍କୁ କହିଛି । ଦିଲ୍ଲୀରେ 19 ଡିସେମ୍ବର 2021 ରେ ଆୟୋଜିତ ବିବାଦୀୟ ଧର୍ମ ସଂସଦ କାର୍ଯ୍ୟକ୍ରମରେ ଘୃଣ୍ୟ ଭାଷଣର ଯାଞ୍ଚ ପାଇଁ ସୁପ୍ରିମ କୋର୍ଟରେ ଏକ ଆବେଦନ କରାଯାଇଛି । ଏହା ଉପରେ ସୁପ୍ରିମକୋର୍ଟ ଦିଲ୍ଲୀ ପୋଲିସକୁ ଉତ୍ତର ମାଗିଥିଲେ । ଦିଲ୍ଲୀ ପୋଲିସ ସୁପ୍ରିମକୋର୍ଟରେ ଦାଖଲ କରିଥିବା ଆଫିଡେଭିଟ୍ରେ କୁହାଯାଇଛି ଯେ ଏହି କାର୍ଯ୍ୟକ୍ରମରେ କୌଣସି ଉତ୍ତେଜନାମୂଳକ ଭାଷଣ ଦିଆଯାଇ ନାହିଁ ଏବଂ ମାମଲା ବନ୍ଦ ହେବା ଉଚିତ୍ ।
ସୁପ୍ରିମକୋର୍ଟରେ ଦାଖଲ ହୋଇଥିବା ଆବେଦନରେ କୁହାଯାଇଛି ଯେ, ଡିସେମ୍ବର 17 ରୁ 19, 2021 ମଧ୍ୟରେ, ଦିଲ୍ଲୀ ସମେତ ଅନେକ ସହରରେ ଧର୍ମ ସଂସଦର ଆୟୋଜନ କରାଯାଇଥିଲା । ଯେଉଁଥିରେ ମୁସଲମାନ ସମାଜ ବିରୁଦ୍ଧରେ ଘୃଣ୍ୟ ଭାଷା ବ୍ୟବହାର କରାଯାଇଥିଲା । ଏହାର ଅନେକ ଭିଡିଓ ମଧ୍ୟ ଭାଇରାଲ୍ ହୋଇଛି ।
ଦକ୍ଷିଣ ପୂର୍ବ ଦିଲ୍ଲୀର ଡିସିପି ଇଶା ପାଣ୍ଡେ ସୁପ୍ରିମକୋର୍ଟରେ ଏକ ଆଫିଡେଭିଟ୍ ଦାଖଲ କରିଥିବାବେଳେ କହିଛନ୍ତି ଯେ ଗତ ବର୍ଷ ଡିସେମ୍ବର 19 ରେ ଦିଲ୍ଲୀରେ ଆୟୋଜିତ ଧର୍ମ ସଂସଦ କାର୍ଯ୍ୟକ୍ରମରେ ମୁସଲମାନମାନଙ୍କ ବିରୋଧରେ କୌଣସି ଉତ୍ତେଜନାମୂଳକ ଭାଷଣ ଦିଆଯାଇ ନାହିଁ । ଧର୍ମ ସଂସଦର ଭିଡିଓ ଯାଞ୍ଚ କରିବା ପରେ ଏହି କାର୍ଯ୍ୟକ୍ରମରେ କୌଣସି ସମ୍ପ୍ରଦାୟ ବିରୋଧରେ କୌଣସି ଉତ୍ତେଜନାମୂଳକ ଭାଷଣ ଦିଆଯାଇ ନ ଥିବା ପୋଲିସ କହିଛି । ମୁସଲମାନମାନଙ୍କ ନରସଂହାର କରିବା ଭଳି ଅର୍ଥ ପ୍ରକାଶ କରୁଥିବା କୌଣସି ଶବ୍ଦ ବ୍ୟବହାର କରାଯାଇନଥିଲା ।
Click it and Unblock the Notifications
Sign in with Google