ବିଜେପିରୁ ନିଲମ୍ବିତ ନୁପୁର ଶର୍ମାଙ୍କୁ ମିଳୁଛି ମୃତ୍ୟୁ ଧମକ, ସୁରକ୍ଷା ଦେଲା ଦିଲ୍ଲୀ ପୋଲିସ
ପ୍ରୋଫେଟ୍ ମହମ୍ମଦଙ୍କ ଉପରେ ବିବାଦୀୟ ମନ୍ତବ୍ୟ ପାଇଁ ନୁପୁର ଶର୍ମାଙ୍କ ସମସ୍ୟା ଏବେ ବଢିବାରେ ଲାଗିଛି । ଧମକ ପାଇବା ଅଭିଯୋଗ ପରେ ଦିଲ୍ଲୀ ପୋଲିସ ନୁପୁର ଶର୍ମାଙ୍କୁ ସୁରକ୍ଷା ଯୋଗାଇ ଦେଇଛି ।
ନୂଆଦିଲ୍ଲୀ : ପ୍ରୋଫେଟ୍ ମହମ୍ମଦଙ୍କ ଉପରେ ବିବାଦୀୟ ମନ୍ତବ୍ୟ ପାଇଁ ନୁପୁର ଶର୍ମାଙ୍କ ସମସ୍ୟା ଏବେ ବଢିବାରେ ଲାଗିଛି । ଧମକ ପାଇବା ଅଭିଯୋଗ ପରେ ଦିଲ୍ଲୀ ପୋଲିସ ନୁପୁର ଶର୍ମାଙ୍କୁ ସୁରକ୍ଷା ଯୋଗାଇ ଦେଇଛି । ମହମ୍ମଦଙ୍କ ଉପରେ ବିବାଦୀୟ ମନ୍ତବ୍ୟ ପାଇଁ ବିଜେପି ଏହାର ଜାତୀୟ ମୁଖପାତ୍ର ନୁପୁର ଶର୍ମାଙ୍କୁ ନିଲମ୍ବିତ କରିଛି ।
ବିଜେପିରୁ ନିଲମ୍ବିତ ହେବା ପରେ ନୁପୁର ଶର୍ମା ଦିଲ୍ଲୀ ପୋଲିସ ନିକଟରେ ଅଭିଯୋଗ କରିଥିଲେ ଯେ ତାଙ୍କୁ ଏବଂ ତାଙ୍କ ପରିବାରକୁ ମୃତ୍ୟୁ ଧମକ ଦିଆଯାଉଛି । ଏହା ପରେ ଦିଲ୍ଲୀ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ଏବେ ଦିଲ୍ଲୀ ପୋଲିସ ନୁପୁର ଶର୍ମା ଏବଂ ତାଙ୍କ ପରିବାରର ସୁରକ୍ଷା ବୃଦ୍ଧି କରିଛି ।
ବିଜେପିରୁ ନିଲମ୍ବିତ ହୋଇଥିବା ନୁପୁର ଶର୍ମା ଦୀର୍ଘ ଦିନ ଧରି ରାଜନୀତିରେ ସକ୍ରିୟ ଥିଲେ । ଏକ ଟିଭି ବିତର୍କ ସମୟରେ ସେ ପ୍ରୋଫେଟ୍ ମହମ୍ମଦଙ୍କ ଉପରେ ଏକ ବିବାଦୀୟ ମନ୍ତବ୍ୟ ଦେଇଥିଲେ, ଯାହା ପରେ ସେ ବିବାଦୀୟ ହୋଇପଡ଼ିଛନ୍ତି । ତାଙ୍କର ଏହି ବିବୃତ୍ତି କେବଳ ଦେଶରେ ନୁହେଁ, ବିଦେଶରେ ମଧ୍ୟ ବିରୋଧ କରାଯାଉଚି । ଅନେକ ମୁସଲମାନ ଦେଶ ନୁପୁର ଶର୍ମାଙ୍କ ଏହି ବିବୃତ୍ତି ପରେ ଆପତ୍ତି ଉଠାଇଛନ୍ତି । ଏପରିକି କେତେକ ଗଲ୍ଫ ଦେଶ ସେମାନଙ୍କ ସୁପର ଷ୍ଟୋରରେ ଭାରତୀୟ ଉତ୍ପାଦ ବିକ୍ରି ବର୍ଜନ କରିଛନ୍ତି ।
ଗଣମାଧ୍ୟମ ରିପୋର୍ଟ ଅନୁଯାୟୀ, ତଥାକଥିତ ଆତଙ୍କବାଦୀ ସଂଗଠନ ଦ୍ୱାରା ନୁପୁର ଶର୍ମାଙ୍କୁ ଧମକ ଦିଆଯାଇଛି । ଦିଲ୍ଲୀର ଗାଜୀପୁରରେ ବିସ୍ଫୋରକ ସାମଗ୍ରୀ ରଖିବାରେ ନିଜକୁ ଦାୟୀ କରିଥିବା ତଥାକଥିତ ଆତଙ୍କବାଦୀ ସଂଗଠନ ମୁଜାହିଦ୍ଦିନ ଗଜୱାତୁଲ ହିନ୍ଦ ପୋଷ୍ଟର ଜାରି କରି କହିଛି ଯେ ନୁପୁର ଶର୍ମା ପ୍ରଥମେ ପ୍ରୋପେଟ୍ ଙ୍କ ଗର୍ବକୁ ଅପମାନିତ କରିଛନ୍ତି ଏବଂ ବର୍ତ୍ତମାନ କ୍ଷମା ପ୍ରାର୍ଥନା କରୁଛନ୍ତି । ଡବଲ ଷ୍ଟାଣ୍ଡାର୍ଡ ନୀତିରେ ବିଜେପି ଚାଲାକି କରୁଛି । ଆମେ ନୁପୁର ଶର୍ମାଙ୍କୁ ଏହି ବିବୃତ୍ତିକୁ ପ୍ରତ୍ୟାହାର କରିବା ସହ ସମଗ୍ର ବିଶ୍ୱକୁ କ୍ଷମା ମାଗିବା ପାଇଁ ଦାବି କରୁଛୁ ନଚେତ୍ ଆମେ ତାଙ୍କର ଏପରି ଅବସ୍ଥା କରିବୁ ଯାହା ପ୍ରୋପେଟଙ୍କ ଅପମାନ କରୁଥିବା ବ୍ୟକ୍ତିଙ୍କ ସହ କରାଯାଏ ।
Click it and Unblock the Notifications
Sign in with Google