ପୋଲିସ ହେପାଜତରେ କୃଷକ ନେତା ରାକେଶ ଟିକାୟିତ୍, ବିରୋଧ କରିବାକୁ ଯାଉଥିଲେ ଜନ୍ତର ମନ୍ତର
ଭାରତୀୟ କିଷାନ ୟୁନିଅନର ମୁଖପାତ୍ର ତଥା କୃଷକ ନେତା ରାକେଶ ଟିକାୟିତଙ୍କୁ ଦିଲ୍ଲୀ ପୋଲିସ ଗିରଫ କରିଛି । ରବିବାର ଦିନ ରାକେଶ ଟିକାୟିତ ଜନ୍ତର ମନ୍ତରକୁ ଯାଇ ଦେଶରେ ବେକାରୀ ବିରୋଧରେ ବିରୋଧ ପ୍ରଦର୍ଶନ କରିବାକୁ ଯାଉଥିଲେ ।
ନୂଆଦିଲ୍ଲୀ : ଭାରତୀୟ କିଷାନ ୟୁନିଅନର ମୁଖପାତ୍ର ତଥା କୃଷକ ନେତା ରାକେଶ ଟିକାୟିତଙ୍କୁ ଦିଲ୍ଲୀ ପୋଲିସ ଗିରଫ କରିଛି । ରବିବାର ଦିନ ରାକେଶ ଟିକାୟିତ ଜନ୍ତର ମନ୍ତରକୁ ଯାଇ ଦେଶରେ ବେକାରୀ ବିରୋଧରେ ବିରୋଧ ପ୍ରଦର୍ଶନ କରିବାକୁ ଯାଉଥିଲେ । ଯେତେବେଳେ ସେ ଗାଜୀପୁର ସୀମାରୁ ଦିଲ୍ଲୀ ପ୍ରବେଶ କରୁଥିଲେ, ସେହି ସମୟରେ ଦିଲ୍ଲୀ ପୋଲିସ ତାଙ୍କ କନଭେନକୁ ଅଟକାଇ ତାଙ୍କୁ ଗିରଫ କରିଥିଲା । ଜଣେ ବରିଷ୍ଠ ପୋଲିସ ଅଧିକାରୀ ଏହି ସୂଚନା ଦେଇଛନ୍ତି ।
ସୂଚନାନୁସାରେ, ଦିଲ୍ଲୀ ପୋଲିସ ଦଳ ରାକେଶଙ୍କୁ ମଧୁ ବିହାର ପୋଲିସ ଷ୍ଟେସନକୁ ନେଇଛି, ଯେଉଁଠାରେ ପୋଲିସ ତାଙ୍କ ସହ କଥା ହୋଇ ଫେରିବାକୁ ଅନୁରୋଧ କରିଛି । ଏଥି ସହ ରାକେଶ ଟିକାୟିତ୍ ଅଭିଯୋଗ କରିଛନ୍ତି ଯେ କେନ୍ଦ୍ର ସରକାରଙ୍କ ନିର୍ଦ୍ଦେଶରେ ଦିଲ୍ଲୀ ପୋଲିସ ତାଙ୍କୁ ଦିଲ୍ଲୀ ପ୍ରବେଶ କରିବାକୁ ଅନୁମତି ଦେଉନାହିଁ ।
ଗିରଫ ହେବା ପରେ ଟ୍ୱିଟ୍ କରିଛନ୍ତି ରାକେଶ
ଦିଲ୍ଲୀ ପୋଲିସ ଦ୍ୱାରା ଅଟକ ରହିବା ପରେ ରାକେଶ ଏକ ଟ୍ୱିଟ୍ ଜରିଆରେ କହିଛନ୍ତି, "ସରକାରଙ୍କ ନିର୍ଦ୍ଦେଶରେ କାର୍ଯ୍ୟ କରୁଥିବା ଦିଲ୍ଲୀ ପୋଲିସ ଚାଷୀଙ୍କ ସ୍ୱରକୁ ଦମନ କରିବାକୁ ଚେଷ୍ଟା କରୁଛି, କିନ୍ତୁ ଆମେ ଏହା ହେବାକୁ ଦେବୁ ନାହିଁ । ଏହି ଗିରଫ ଏକ ନୂତନ ବିପ୍ଳବ । ଶେଷ ନିଶ୍ୱାସ ପର୍ଯ୍ୟନ୍ତ ଏହି ସଂଗ୍ରାମ ଜାରି ରହିବ, ବନ୍ଦ ହେବ ନାହିଁ, କ୍ଳାନ୍ତ ହେବ ନାହିଁ ଏବଂ ନଇଁବ ନାହିଁ ।"
ରାକେଶ ଟିକାୟିତଙ୍କ ଗିରଫ ପରେ ଦିଲ୍ଲୀ ସରକାରର ମନ୍ତ୍ରୀ ଗୋପାଳ ରାୟ ଦିଲ୍ଲୀ ପୋଲିସକୁ ନିନ୍ଦା କରିଛନ୍ତି । ଗୋପାଳ ରାୟ ଏକ ଟ୍ୱିଟ୍ କରି କହିଛନ୍ତି ଯେ କୃଷକ ନେତା ରାକେଶ ଟିକାୟିତ୍ ବେକାରୀ ସମସ୍ୟା ବିରୋଧରେ ପ୍ରଦର୍ଶ କରିବାକୁ ଯାଉଥିଲେ କିନ୍ତୁ ସୀମାରେ ପୋଲିସ ତାଙ୍କୁ ଅଟକାଇଥିଲା, ଏହା ଅତ୍ୟନ୍ତ ଭୁଲ ।
ଆପଣଙ୍କୁ କହି ରଖୁଛୁ ସଂଯୁକ୍ତ କିଷାନ ମୋର୍ଚ୍ଚା ଏବଂ ଅନ୍ୟ କୃଷକ ଗୋଷ୍ଠୀ ସୋମବାର ଦିନ ଜନ୍ତର ମନ୍ତରରେ ଏକ 'ମହାପଞ୍ଚାୟତ' ଆୟୋଜନ କରୁଛନ୍ତି ।
ଏହି ପରିପ୍ରେକ୍ଷୀରେ, କୌଣସି ଅଘଟଣକୁ ଏଡ଼ାଇବା ପାଇଁ ବାହାର ମୁଖ୍ୟ ଛକ ଏବଂ ମେଟ୍ରୋ ଷ୍ଟେସନ ସହିତ ସ୍ଥାନୀୟ ଜିଲ୍ଲାର ଟିକ୍ରି ସୀମାରେ ସ୍ଥାନୀୟ ପୋଲିସ ଏବଂ ବାହ୍ୟ ବଳର ପର୍ଯ୍ୟାପ୍ତ ନିୟୋଜନ କରାଯିବ ।
Click it and Unblock the Notifications
Sign in with Google