କଟକଣା ମାନିଲେନି ଲୋକ, ଫୁଟାଇଲେ ମାତ୍ରାଧିକ ବାଣ, ଦୀପାବଳୀ ପରେ ଦିଲ୍ଲୀ-ଏନସିଆରରେ 'ଅତି ଗୁରୁତର' ହେଲା ବାୟୁ ପ୍ରଦୂଷଣ

ଦୀପାବଳୀ ପରେ ଶୁକ୍ରବାର ଦିନ ଦିଲ୍ଲୀର ଏୟାର କ୍ୱାଲିଟି ଇଣ୍ଡେକ୍ସ ବିପଜ୍ଜନକ ବର୍ଗରେ ପହଞ୍ଚିଛି । ଏଟାରେ PM 2.5 ରେକର୍ଡ କରାଯାଇଛି ଯାହା ଅତ୍ୟନ୍ତ ଖରାପ ବର୍ଗରେ ଅଛି ।

ନୂଆଦିଲ୍ଲୀ : ପ୍ରଶାସନର ସମସ୍ତ ନିଷେଧାଦେଶ ଏବଂ ପ୍ରତିବନ୍ଧକ ସତ୍ତ୍ୱେ ଦିଲ୍ଲୀବାସୀ ଦୀପବଳୀରେ ମାତ୍ରାଧିକ ବାଣ ଫୁଟାଇଛନ୍ତି, ଫଳରେ ଆଜି ରାଜଧାନୀର ଜଳବାୟୁ ଅତ୍ୟନ୍ତ ଖରାପ ବର୍ଗରେ ପହଞ୍ଚିଛି । ଆଜି ସକାଳେ ସହରରେ ଏକ ଧୂଆଁର ଚାଦର ଦେଖିବାକୁ ମିଳିଛି ।

ଦୀପାବଳୀ ପରେ ଶୁକ୍ରବାର ଦିନ ଦିଲ୍ଲୀର ଏୟାର କ୍ୱାଲିଟି ଇଣ୍ଡେକ୍ସ ବିପଜ୍ଜନକ ବର୍ଗରେ ପହଞ୍ଚିଛି । ଏଟାରେ PM 2.5 ରେକର୍ଡ କରାଯାଇଛି ଯାହା ଅତ୍ୟନ୍ତ ଖରାପ ବର୍ଗରେ ଅଛି । ଗତ ସନ୍ଧ୍ୟା ଠାରୁ ଦିଲ୍ଲୀର ବାୟୁ ଗୁଣବତ୍ତା କ୍ରମାଗତ ଭାବେ ହ୍ରାସ ପାଇଛି ଏବଂ ରାତି ବଢିବା ସହିତ ବାୟୁ ଗୁଣବତ୍ତା ତୀବ୍ର ଖରାପ ହୋଇଗଲା ଏବଂ AQI ଅତ୍ୟନ୍ତ ଖରାପ ବର୍ଗରେ ପହଞ୍ଚିଲା ।

କେବଳ ଦିଲ୍ଲୀରେ ନୁହଁ ଏନସିଆରର ବାୟୁ ଗୁଣ ମଧ୍ୟ ପ୍ରଭାବିତ ହୋଇଛି । ଆମେ ଆପଣଙ୍କୁ କହି ରଖୁଛୁ ଯେ ମଙ୍ଗଳବାର ଦିନ ଦିଲ୍ଲୀର ବାୟୁ ଗୁଣବତ୍ତା ରେଡ୍ ଜୋନରେ ପହଞ୍ଚିଥିଲା, ଏପରି ପରିସ୍ଥିତିରେ, ଦିପାବଳୀରେ ମାତ୍ରାଧିକ ବାଣ ଫୁଟାଇବା ପରେ ବାୟୁ ଗୁଣବତ୍ତା ସଂପୂର୍ଣ୍ଣ ଖରାପ ହୋଇଯାଇଥିଲା ।

ଆଜି ସକାଳେ ଦିଲ୍ଲୀ ଜନପଥରେ AQI 655.07 ରେ ପହଞ୍ଚିଯାଇଛି । ଏହା ପ୍ରଭାବରେ ବହୁ ଲୋକଙ୍କ ଆଖିରୁ ପାଣି ବାହାରୁଥିବା ବେଳେ ଗଳା ଦରଜ ହେବା ପରି ଲକ୍ଷଣ ମଧ୍ୟ ଦେଖାଯାଉଛି । ଏପରିକି ନିଶ୍ବାସ ପ୍ରଶ୍ବାସ ନେବାରେ କଷ୍ଟ ଅନୁଭବ କରୁଛନ୍ତି ଲୋକେ । ଏହାଦ୍ବାରା ଅଧିକ ପ୍ରଭାବିତ ହେଉଛନ୍ତି ବୟସ୍କ ଓ ଛୋଟ ପିଲା । ତେବେ ଏଭଳି ସ୍ଥିତି ଆଗକୁ ଦୁଇ ଦିନ ମଧ୍ୟରେ ଠିକ୍ ହେବ ନାହିଁ ତେଣୁ ଲୋକ ଆହୁରି ଅସୁବିଧାର ସମ୍ମୁଖୀନ ହେବେ ବୋଲି ଚେତାବନୀ ଦିଆଯାଇଛି ।

ପଡୋଶୀ ଜିଲ୍ଲାରେ ଚଳିତ ବର୍ଷ ଫାର୍ମ ନିଆଁ ଲାଗି ନଥିବା ସହ ପ୍ରବଳ ବର୍ଷ ହେବାରୁ ବାୟୁ ପ୍ରଦୂଷଣ ହ୍ରାସ ପାଇଥିଲା । କେବଳ ଦିଲ୍ଲୀ ନୁହେଁ ଦିଲ୍ଲୀର ଆଖପାଖ ଅଞ୍ଚଳରେ ବି ବାୟୁ ପ୍ରଦୂଷଣର ସ୍ଥିତି ସମାନ । ଫରିଦାବାଦରେ ବାୟୁର ଗୁଣବତା 424 ରହିଛି । ସେହିପରି ଭାବରେ ଗଜିଆବାଦରେ AQI 442, ଗୁରଗାଁରେ AQI 423 ଓ ନୋଏଡାରେ AQI ରହିଛି 431 ।

ଏହା ଜଣା ଯେ ବାୟୁ ପ୍ରଦୂଷଣକୁ ଆକଳନ କରିବା ପାଇଁ ସରକାରୀ ଏଜେନ୍ସି ଦ୍ୱାରା ବ୍ୟବହୃତ ସଂଖ୍ୟା ହେଉଛି AQI । ସାଧାରଣତଃ ବାୟୁର ଗୁଣବତ୍ତା 50 ମଧ୍ୟରେ ଥିଲେ ତାହାକୁ ଭଲ କୁହାଯାଇଥାଏ । ବାୟୁର ଗୁଣବତ୍ତା 50-100 ମଧ୍ୟରେ ଥିଲେ ଏହା ସନ୍ତୋଷଜନକ, 100-200 ମଧ୍ୟରେ ମଧ୍ୟମ, 300 ମଧ୍ୟରେ ଥିଲେ ଖରାପ, 301- 400 ମଧ୍ୟରେ ବହୁତ ଖରାପ ଓ 401-500 ମଧ୍ୟରେ ଥିଲେ ତାହାକୁ ଗମ୍ଭୀର ଶ୍ରେଣୀରେ ବିବେଚନା କରାଯାଏ ।

English summary

Delhi - NCR Air Quality Became Very Toxic After Diwali