5 - ଜି ବିରୋଧରେ ଆବେଦନ ପଡ଼ିଲା ମହଙ୍ଗା : ବଲିଉଡ ଅଭିନେତ୍ରୀ ଜୁହି ଚାୱଲା ଗଣିବେ 20 ଲକ୍ଷ ଜରିମାନା, ଆବେଦନ ଖାରଜ କଲେ କୋର୍ଟ
ଶୁକ୍ରବାର ତାଙ୍କ ଆବେଦନକୁ କୋର୍ଟ ପ୍ରତ୍ୟାଖ୍ୟାନ କରିବାରୁ ଜୁହିଙ୍କୁ ଏକ ବଡ଼ ଝଟକା ଲାଗିଛି । ଏହା ସହିତ କୋର୍ଟ ତାଙ୍କ ଉପରେ 20 ଲକ୍ଷ ଜରିମାନା ମଧ୍ୟ ଲଗାଇଛନ୍ତି ।
ନୂଆଦିଲ୍ଲୀ : ବଲିଉଡ ଅଭିନେତ୍ରୀ ଜୁହି ଚାୱଲା ଗତ କିଛି ଦିନ ଧରି ଚର୍ଚ୍ଚାରେ ରହିଆସୁଛନ୍ତି । ସେ ଲଗାତାର 5G ଟେକ୍ନୋଲୋଜିକୁ ବିରୋଧ କରୁଛନ୍ତି । ଏହାକୁ ନେଇ ସେ ଦିଲ୍ଲୀ ହାଇକୋର୍ଟରେ ଏକ ପିଟିସନ ମଧ୍ୟ ଦାଖଲ କରିଥିଲେ । ଯେଉଁଥିରେ ପରିବେଶ ଏବଂ ପ୍ରକୃତିର ଉଦାହରଣ ଦେଇ ଏହାକୁ ତୁରନ୍ତ ନିଷେଧ କରିବାକୁ ଦାବି କରାଯାଇଥିଲା । ତେବେ ଶୁକ୍ରବାର ତାଙ୍କ ଆବେଦନକୁ କୋର୍ଟ ପ୍ରତ୍ୟାଖ୍ୟାନ କରିବାରୁ ଜୁହିଙ୍କୁ ଏକ ବଡ଼ ଝଟକା ଲାଗିଛି । ଏହା ସହିତ କୋର୍ଟ ତାଙ୍କ ଉପରେ 20 ଲକ୍ଷ ଜରିମାନା ମଧ୍ୟ ଲଗାଇଛନ୍ତି ।
ବାସ୍ତବରେ, ଜୁହି ଚାୱଲା ତାଙ୍କ ଆବେଦନରେ ପ୍ରଶ୍ନ କରିଛନ୍ତି ଯେ ଏହି ନୂତନ ପ୍ରଯୁକ୍ତିବିଦ୍ୟା ଉପରେ ପର୍ଯ୍ୟାପ୍ତ ଗବେଷଣା କରାଯାଇଛି କି ? ତାଙ୍କ କହିବାନୁସାରେ, ସେ ଉନ୍ନତ ଜ୍ଞାନକୌଶଳ ପ୍ରୟୋଗକୁ ବିରୋଧ କରୁନାହାଁନ୍ତି, କିନ୍ତୁ ତାର ମୁକ୍ତ ଗ୍ୟାଜେଟ ଏବଂ ନେଟୱାର୍କ ସେଲ ଟାୱାର ସହ ଜଡିତ ଅନୁସନ୍ଧାନରୁ ଜଣାପଡିଛି ଯେ ଏହିପରି ପ୍ରଯୁକ୍ତିବିଦ୍ୟା ଭାରୀ ବିକିରଣ ସୃଷ୍ଟି କରିଥାଏ, ଯାହା ଲୋକଙ୍କ ସ୍ୱାସ୍ଥ୍ୟ ପାଇଁ କ୍ଷତିକାରକ ଅଟେ । ଏହା ବ୍ୟତୀତ ଏହା ପରିବେଶ ଏବଂ ଅନ୍ୟାନ୍ୟ ଜୀବ ଉପରେ ମଧ୍ୟ ନକାରାତ୍ମକ ପ୍ରଭାବ ପକାଇଥାଏ । ଏଥିସହ ଜୁହିଙ୍କ ଓକିଲ କହିଛନ୍ତି ଯେ ଏହି ମାମଲା ଲୋକଙ୍କ ସ୍ୱାସ୍ଥ୍ୟ ସହ ଜଡିତ, ଯେଉଁଥିପାଇଁ ଏହାକୁ ଧାରା 80 ଅନୁଯାୟୀ ବିଚାର କରାଯିବା ଉଚିତ ନୁହେଁ, କାରଣ ଏହି ସେକ୍ସନ୍ ଅନୁଯାୟୀ ସରକାରଙ୍କୁ 60 ଦିନିଆ ନୋଟିସ ଦେବାକୁ ପଡିଥାଏ ।
ଉଲ୍ଲେଖଥାଉ କି, ସମସ୍ତ ପକ୍ଷର ଶୁଣାଣି ପରେ ହାଇକୋର୍ଟ ବୁଧବାର ଦିନ ଏହାର ନିଷ୍ପତ୍ତି ସଂରକ୍ଷିତ ରଖିଥିଲେ । ଏବେ ଶୁକ୍ରବାର ଦିନ କୋର୍ଟ ପ୍ରଥମେ ଏହି ଆବେଦନକୁ ଖାରଜ କରିଦେଇଥିଲେ । ଏହା ପରେ ଜୁହିଙ୍କୁ କଠୋର ତାଗିଦ କରାଯାଇଥିଲା । ବେଞ୍ଚ କହିଛନ୍ତି ଯେ ଜୁହି ପବ୍ଲିସିଟି ପାଇଁ ଏହି ଆବେଦନ କରିଥିଲେ । ଏହା ସହିତ ସେ ସୋଶାଲ ମିଡିଆରେ ଶୁଣାଣିର ଲିଙ୍କ୍ ମଧ୍ୟ ସେୟାର କରିଥିଲେ, ଯେଉଁଥିପାଇଁ ତିନିଥର ବ୍ୟାଘାତ ହୋଇଥିଲା । କୋର୍ଟ ଆହୁରି କହିଛନ୍ତି ଯେ ଶୁଣାଣି ସମୟରେ ଗୀତ ଗାଇଥିବା ବ୍ୟକ୍ତିଙ୍କୁ ଦିଲ୍ଲୀ ପୋଲିସ ଚିହ୍ନଟ କରିବ । ଏଥିସହ ଏହି ଆବେଦନ ପାଇଁ କୋର୍ଟ ଜୁହିଙ୍କ ଉପରେ 20 ଲକ୍ଷ ଜରିମାନା ଲଗାଇଛନ୍ତି ।
Click it and Unblock the Notifications
Sign in with Google