ଦିଲ୍ଲୀ ସ୍ୱାସ୍ଥ୍ୟ ବ୍ୟବସ୍ଥା ଉପରେ ବିଗିଡ଼ିଲେ ଦିଲ୍ଲୀ ହାଇକୋର୍ଟ, କହିଲେ - ପୋର୍ଟାଲରେ ରଖ ଜୀବନ ରକ୍ଷାକାରୀ ଔଷଧର ବିବରଣୀ
କୋର୍ଟ କହିଛନ୍ତି ଯେ, ଟୋସିଲିଜୁମାବ (Tocilizumab)ଔଷଧ ସମ୍ବନ୍ଧୀୟ ସୂଚନା ପୋର୍ଟାଲରେ ଉପଲବ୍ଧ କରାଯିବା ଉଚିତ । ଏହା ସରକାର ଏବଂ ବ୍ୟବସ୍ଥାର ବିଫଳତା, ଯାହା ଏପର୍ଯ୍ୟନ୍ତ କାର୍ଯ୍ୟକାରୀ ହୋଇନାହିଁ ।
ନୂଆଦିଲ୍ଲୀ : ସାରା ଦେଶ କରୋନା ମହାମାରୀର ଦ୍ୱିତୀୟ ଲହର ଯୋଗୁଁ ଅସୁବିଧାରେ ପଡ଼ିଛି । ସକ୍ରିୟ ମାମଲା ଏତେ ବୃଦ୍ଧି ପାଇଛି ଯେ ସ୍ୱାସ୍ଥ୍ୟ ବ୍ୟବସ୍ଥା ସଂପୂର୍ଣ୍ଣ ଭୁଶୁଡି ପଡିଛି । ଗତ ଏକ ମାସ ଧରି ରାଜଧାନୀ ଦିଲ୍ଲୀର ଅବସ୍ଥା ମଧ୍ୟ ଅତ୍ୟନ୍ତ ଖରାପ । ଏହି ସମୟରେ କିଛି ଲୋକଙ୍କ ଆବେଦନ ଉପରେ ଗୁରୁବାର ଦିଲ୍ଲୀ ହାଇକୋର୍ଟରେ ଶୁଣାଣି ହୋଇଛି । ଏହି ସମୟରେ କୋଭିଡ ମାମଲା ବ୍ୟତୀତ କୋର୍ଟ ଅମ୍ଳଜାନ, ଜୀବନ ରକ୍ଷାକାରୀ ଔଷଧ ଏବଂ ଭେଣ୍ଟିଲେଟର ବିଷୟରେ ମଧ୍ୟ ସରକାରଙ୍କଠାରୁ ସୂଚନା ନେଇଛନ୍ତି ।
ଶୁଣାଣି ସମୟରେ ଦିଲ୍ଲୀ ହାଇକୋର୍ଟ ରେମେଡିସଭିର ପୋର୍ଟାଲ ବିଷୟରେ ଜାଣିବାକୁ ଚେଷ୍ଟା କରିଥିଲେ ଯେଉଁଥିରେ ପ୍ରଫେସର ସଞ୍ଜୟ ଧୀର କହିଥିଲେ ଯେ, ଏନଆଇସି ସ୍ୱାସ୍ଥ୍ୟ ମନ୍ତ୍ରଣାଳୟର ନିର୍ଦ୍ଦେଶକୁ ଅପେକ୍ଷା କରିଛି ଯେଉଁଥିରେ ସମସ୍ତ ଔଷଧର ବିବରଣୀ ପୋର୍ଟାଲ ସହ ଜଡ଼ିତ ରହିବ । ଏନେଇ କୋର୍ଟ କହିଛନ୍ତି ଯେ, ଟୋସିଲିଜୁମାବ (Tocilizumab)ଔଷଧ ସମ୍ବନ୍ଧୀୟ ସୂଚନା ପୋର୍ଟାଲରେ ଉପଲବ୍ଧ କରାଯିବା ଉଚିତ । ଏହା ସରକାର ଏବଂ ବ୍ୟବସ୍ଥାର ବିଫଳତା, ଯାହା ଏପର୍ଯ୍ୟନ୍ତ କାର୍ଯ୍ୟକାରୀ ହୋଇନାହିଁ ।
ଏଥି ସହିତ ଜଣେ ଓକିଲ କୋର୍ଟଙ୍କୁ ସୂଚନା ଦେଇଛନ୍ତି ଯେ, ସେ ଆରଟିଆଇ ମାଧ୍ୟମରେ ବାହାର କରିଥିବା ସୂଚନାରେ ଦର୍ଶାଯାଇଛି ଯେ, ଗତ ଛ ମାସ ମଧ୍ୟରେ ଦିଲ୍ଲୀ ସରକାର ଭେଣ୍ଟିଲେଟର କ୍ରୟ କରିନାହାଁନ୍ତି । ଏହା ଉପରେ ହାଇକୋର୍ଟ କହିଛନ୍ତି ଯେ ଧାରା 21 ଜୀବନର ଅଧିକାରକୁ ନିଶ୍ଚିତ କରିଥାଏ । କରୋନା ଭାଇରସ ଅତ୍ୟଧିକ ମାରାତ୍ମକ, ଫୁସଫୁସକୁ କ୍ଷତି ପହଞ୍ଚାଉଛି । ଏହା ସହିତ ନିମୋନିଆ ମଧ୍ୟ ସୃଷ୍ଟି କରିଥାଏ । ଅଧିକାଂଶ କ୍ଷେତ୍ରରେ ରୋଗୀଙ୍କୁ ଆଇସିୟୁ କିମ୍ବା ଭେଣ୍ଟିଲେଟର ଆବଶ୍ୟକ ହୁଏ । ଏଥିପାଇଁ ସରକାର ସମ୍ପୂର୍ଣ୍ଣ ବ୍ୟବସ୍ଥା କରିବା ଉଚିତ୍ ବୋଲି କୋର୍ଟ ଦିଲ୍ଲୀ ସରକାରଙ୍କୁ ତାଗିଦ୍ କରିଛନ୍ତି ।
Click it and Unblock the Notifications
Sign in with Google