INX ମିଡିଆ ମାମଲାରେ ଚିଦାମ୍ବରମଙ୍କୁ ବଡ ଆରାମ, ସିବିଆଇର ଆବେଦନକୁ ଖାରଜ କଲେ ଦିଲ୍ଲୀ ହାଇକୋର୍ଟ
INX ମିଡିଆ ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ପି ଚିଦାମ୍ବରମଙ୍କୁ ଦିଲ୍ଲୀ ହାଇକୋର୍ଟରୁ ଏକ ବଡ଼ ଆରାମ ମିଳିଛି । ନିମ୍ନ ଅଦାଲତର ନିଷ୍ପତ୍ତିକୁ ଚ୍ୟାଲେଞ୍ଜ କରି ସିବିଆଇର ଆବେଦନକୁ ଦିଲ୍ଲୀ ହାଇକୋର୍ଟ ଖାରଜ କରିଦେଇଛନ୍ତି ।
ନୂଆଦିଲ୍ଲୀ : INX ମିଡିଆ ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ପି ଚିଦାମ୍ବରମଙ୍କୁ ଦିଲ୍ଲୀ ହାଇକୋର୍ଟରୁ ଏକ ବଡ଼ ଆରାମ ମିଳିଛି । ନିମ୍ନ ଅଦାଲତର ନିଷ୍ପତ୍ତିକୁ ଚ୍ୟାଲେଞ୍ଜ କରି ସିବିଆଇର ଆବେଦନକୁ ଦିଲ୍ଲୀ ହାଇକୋର୍ଟ ଖାରଜ କରିଦେଇଛନ୍ତି । ଅଭିଯୁକ୍ତଙ୍କ ଦ୍ୱାରା ଦଲିଲଗୁଡ଼ିକର ନକଲ ଯାଞ୍ଚକୁ ଅନୁମତି ଦେବା ଆଦେଶକୁ ଚ୍ୟାଲେଞ୍ଜ କରି ସିବିଆଇର ଆବେଦନକୁ ଦିଲ୍ଲୀ ହାଇକୋର୍ଟ ବୁଧବାର ଖାରଜ କରିଦେଇଛନ୍ତି ।
ଜଷ୍ଟିସ ମକ୍ତା ଗୁପ୍ତା ଏହି ପିଟିସନର ଶୁଣାଣି କରି କହିଛନ୍ତି ଯେ ଏହି ଆବେଦନକୁ ଖାରଜ କରାଯାଇଛି । ସ୍ୱତନ୍ତ୍ର ଅଦାଲତ କହିଥିଲେ କି, ନିରପେକ୍ଷ ବିଚାର ଉପରେ ସୁନିଶ୍ଚିତ ହେବାକୁ ତଦନ୍ତ ସମୟରେ ସଂଗ୍ରହ କରିଥିବା କାଗଜପତ୍ର କିଂବା ରେକର୍ଡ କରିଥିବା ବୟାନ ସବୁକୁ 'ସିବିଆଇ' ଫାଇଲ୍ କରିବା କିମ୍ବା ଦାଖଲ କରିବା ଆବଶ୍ୟକ । ଅଭିଯୁକ୍ତମାନେ ମଧ୍ୟ ସେ ଦଲିଲପତ୍ରର କପି ପାଇବାକୁ ହକଦାର ।
ସିବିଆଇ ଏହି ମାମଲାକୁ 15 ମଇ 2017 ରେ ପଞ୍ଜୀକୃତ ହୋଇଥିଲା । ଚିଦାମ୍ବରମ ଅର୍ଥମନ୍ତ୍ରୀ ଥିବା ସମୟରେ ଏହି ମାମଲାରେ ଅନିୟମିତତା ହୋଇଥିବା ଅଭିଯୋଗ ହୋଇଛି । 2007 ମସିହାରେ INX ମିଡିଆ ଗ୍ରୁପକୁ 305 କୋଟି ଟଙ୍କା ବିଦେଶୀ ଚାନ୍ଦା ପାଇବାକୁ ଦିଆଯାଇଥିବା ବୈଦେଶିକ ନିବେଶ ପ୍ରୋତ୍ସାହନ ବୋର୍ଡ (FIPB) କ୍ଲିୟରାନ୍ସରେ ଅନିୟମିତତା ଅଭିଯୋଗ ଆସିଥିଲା । ଯାହା ପରେ ସିବିଆଇ ଅଗଷ୍ଟ 21, 2019 ରେ ଚିଦାମ୍ବରମଙ୍କୁ ଗିରଫ କରିଥିଲା ।
Click it and Unblock the Notifications
Sign in with Google