ବଢିଲା ମନୀଷ ସିସୋଦିଆଙ୍କ ରିମାଣ୍ଡ, ମାର୍ଚ୍ଚ 6 ପର୍ଯ୍ୟନ୍ତ ରିମାଣ୍ଡରେ ରଖିବ ସିବିଆଇ
ଅବକାରୀ ଦୁର୍ନୀତିରେ ଗିରଫ ହୋଇଥିବା ଦିଲ୍ଲୀ ସରକାରଙ୍କ ପୂର୍ବତନ ମନ୍ତ୍ରୀ ମନୀଷ ସିସୋଦିଆଙ୍କ ରିମାଣ୍ଡ ବୃଦ୍ଧି ହୋଇଛି । ଏପରିକି ମନୀଷ ସିସୋଦିଆଙ୍କୁ ଜାମିନ ମିଳିନାହିଁ ।
ନୂଆଦିଲ୍ଲୀ : ଅବକାରୀ ଦୁର୍ନୀତିରେ ଗିରଫ ହୋଇଥିବା ଦିଲ୍ଲୀ ସରକାରଙ୍କ ପୂର୍ବତନ ମନ୍ତ୍ରୀ ମନୀଷ ସିସୋଦିଆଙ୍କ ରିମାଣ୍ଡ ବୃଦ୍ଧି ହୋଇଛି । ଏପରିକି ମନୀଷ ସିସୋଦିଆଙ୍କୁ ଜାମିନ ମିଳିନାହିଁ । ସିବିଆଇ ମନୀଷଙ୍କୁ ଆଜି ରାଉସ୍ ଆଭେନ୍ୟୁ କୋର୍ଟରେ ହାଜର କରିଥିଲା । କୋର୍ଟ ସିସାଦିଆଙ୍କ ସିବିଆଇ ରିମାଣ୍ଡ 6 ମାର୍ଚ୍ଚ ପର୍ଯ୍ୟନ୍ତ ବୃଦ୍ଧି କରିଛନ୍ତି । ଏହା ସହିତ ମାର୍ଚ୍ଚ 10 ରେ ମନୀଷଙ୍କ ଜାମିନ ଆବେଦନ ଉପରେ ଶୁଣାଣି ପାଇଁ ତାରିଖ ଧାର୍ଯ୍ୟ କରିଛନ୍ତି ।
ଦିଲ୍ଲୀର ଏକ୍ସାଇଜ୍ ପଲିସି ମାମଲାରେ ରାଉସ୍ ଆଭେନ୍ୟୁ କୋର୍ଟରେ ଦିଲ୍ଲୀର ପୂର୍ବତନ ମନ୍ତ୍ରୀ ମନୀଷ ସିସୋଦିଆଙ୍କ ପକ୍ଷରୁ ବରିଷ୍ଠ ଓକିଲ ଦୟନକୃଷ୍ଣନ ଏବଂ ସିଦ୍ଧାର୍ଥ ଅଗ୍ରୱାଲ ହାଜର ହୋଇଥିଲେ ।
ଏଥିସହିତ ସିବିଆଇ ପୁଣି ମନୀଷ ସିସୋଦିଆଙ୍କୁ 3 ଦିନ ରିମାଣ୍ଡରେ ନେବାକୁ ନିର୍ଦ୍ଦେଶ ଦେଇଛନ୍ତି । ସିବିଆଇ କୋର୍ଟରେ କହିଛି ଯେ ସିସୋଦିଆ ତଦନ୍ତରେ ସହଯୋଗ କରୁନାହାଁନ୍ତି । ଏହା ଉପରେ ମନୀଷଙ୍କ ପକ୍ଷରୁ ହାଜର ହୋଇଥିବା ବରିଷ୍ଠ ଆଡଭୋକେଟ୍ ଦୟାନକୃଷ୍ଣନ୍ ରିମାଣ୍ଡର ସମ୍ପ୍ରସାରଣ ପାଇଁ ସିବିଆଇର ଆବେଦନକୁ ବିରୋଧ କରିଥିଲେ । କୃଷ୍ଣନ ଯୁକ୍ତି କରିଛନ୍ତି ଯେ ରିମାଣ୍ଡର ସମ୍ପ୍ରସାରଣ ନେଇ ସିବିଆଇର ଦାବି ଯଥାର୍ଥ ନୁହେଁ ।
ଗିରଫ ହୋଇଥିବା ଦିଲ୍ଲୀର ପୂର୍ବତନ ଡେପୁଟି ସିଏମ ମନୀଷଙ୍କ ଜାମିନ ଆବେଦନ ଉପରେ ମାର୍ଚ୍ଚ 10 ପର୍ଯ୍ୟନ୍ତ କୋର୍ଟ ଏହାର ନିଷ୍ପତ୍ତି ସଂରକ୍ଷିତ ରଖିଛନ୍ତି । ମାର୍ଚ୍ଚ 10 ରେ ଅପରାହ୍ନ 2 ଟାରେ ଏହି ଆବେଦନ ଉପରେ ଶୁଣାଣି ହେବ ।
Click it and Unblock the Notifications
Sign in with Google