ଆହୁରି ବିଷାକ୍ତ ହେଉଛି ଦିଲ୍ଲୀ ବାୟୁ, 276 ପାର୍ କଲା AQI

ଜାତୀୟ ରାଜଧନୀ ଦିଲ୍ଲାର ବାୟୁ ଆହୁରି ବିଷାକ୍ତ ହେବାରେ ଲାଗିଛି । ସୋମବାର ସକାଳେ ଦିଲ୍ଲୀର ବାୟୁ ଗୁଣବତ୍ତା "ଅତ୍ୟନ୍ତ ଖରାପ" ବର୍ଗକୁ ଛୁଇଁଛି । ଦିଲ୍ଲୀର ଏୟାର କ୍ୱାଲିଟି ଇଣ୍ଡେକ୍ସ 276 ଅତିକ୍ରମ କରିଛି ।

Updated: Monday, October 24, 2022, 10:46 [IST]

ଦିଲ୍ଲୀ : ଜାତୀୟ ରାଜଧନୀ ଦିଲ୍ଲାର ବାୟୁ ଆହୁରି ବିଷାକ୍ତ ହେବାରେ ଲାଗିଛି । ସୋମବାର ସକାଳେ ଦିଲ୍ଲୀର ବାୟୁ ଗୁଣବତ୍ତା "ଅତ୍ୟନ୍ତ ଖରାପ" ବର୍ଗକୁ ଛୁଇଁଛି । ଦିଲ୍ଲୀର ଏୟାର କ୍ୱାଲିଟି ଇଣ୍ଡେକ୍ସ 276 ଅତିକ୍ରମ କରିଛି । ସୋମବାର ସକାଳ 6 ଟାରେ ଦିଲ୍ଲୀର ଅନେକ ସ୍ଥାନରେ AQI 298 ରହିଥିଲା । ଦୀପାବଳିର ପରଦିନ ସକାଳେ ବାୟୁ ଗୁଣବତ୍ତା ସୂଚକାଙ୍କ ଆହୁରି ହ୍ରାସ ପାଇବାର ସମ୍ଭାବନା ରହିଛି ବୋଲି ପାଣିପାଗ ବିଭାଗ କହିଛି । ରବିବାର ସନ୍ଧ୍ୟାରେ ଦିଲ୍ଲୀରେ ହାରାହାରି 24 ଘଣ୍ଟିଆ AQI 259 ରେକର୍ଡ ହୋଇଛି, ଯାହା ଦିପାବଳୀ ପୂର୍ବରୁ ଗତ ସାତ ବର୍ଷ ମଧ୍ୟରେ ସର୍ବନିମ୍ନ ଅଟେ ।

ତେବେ ତାପମାତ୍ରା ଏବଂ ପବନର ବେଗ ମଧ୍ୟରେ ରାତିରେ ପ୍ରଦୂଷଣ ସ୍ତର ବଢିଚାଲିଥିବା କାରଣ ଲୋକମାନେ ଛୋଟି ଦିୱାଲୀରେ ମଧ୍ୟ ଦିଲ୍ଲୀରେ ବାଣ ଫୁଟାଇଥିଲେ । ଦିଲ୍ଲୀର 35 ଟି ମନିଟରିଂ ଷ୍ଟେସନ ମଧ୍ୟରୁ 19 ଟି ମନିଟରିଂ ଷ୍ଟେସନରେ ବାୟୁ ଗୁଣବତ୍ତା "ଅତ୍ୟନ୍ତ ଖରାପ" ବର୍ଗରେ ରହିଥିବା ରେକର୍ଡ କରାଯାଇଛି । ଏପରିକି ଆନନ୍ଦ ବିହାରରେ ଏହା "ଗୁରୁତର ସ୍ତରରେ" ପହଞ୍ଚିଛି ।

ଦିଲ୍ଲୀର ନିକଟବର୍ତ୍ତୀ ସହର ଗାଜିଆବାଦରେ AQI 300, ନୋଏଡାରେ 299, ଗ୍ରେଟର ନୋଏଡାରେ 282, ଗୁରୁଗ୍ରାମ 249 ଏବଂ ଫରିଦାବାଦରେ 248 ରେକର୍ଡ କରାଯାଇଛି ।