ଦିପାବଳୀ ପୂର୍ବରୁ ଦିଲ୍ଲୀରେ ବିଷାକ୍ତ ହେଲାଣି ବାୟୁ, 262 ପାର୍ ହେଲା AQI, ଏହି ରାଜ୍ୟରେ ବର୍ଷା ସମ୍ଭାବନା

ଦିଲ୍ଲୀର ବାୟୁ ଗୁଣବତ୍ତା 'ଖରାପ' ବର୍ଗରେ ରହିଛି । ଶନିବାର ସକାଳେ ବାୟୁ ଗୁଣବତ୍ତା ସୂଚକାଙ୍କ (AQI) 262 ରେ ପହଞ୍ଚିଛି ।

ନୂଆଦିଲ୍ଲୀ : ଦିପାବଳୀ ପୂର୍ବରୁ ଜାତୀୟ ରାଜଧାନୀ ଦିଲ୍ଲୀର ବାୟୁ ଗୁଣବତ୍ତା ଖରାପ ହେବାରେ ଲାଗିଛି । ଅକ୍ଟୋବରରୁ ପ୍ରତିବର୍ଷ ଦିଲ୍ଲୀର ପ୍ରଦୂଷଣ ସ୍ତର ବୃଦ୍ଧି ପାଇଥାଏ । ସିଷ୍ଟମ୍ ଅଫ୍ ଏୟାର କ୍ୱାଲିଟି ଏଣ୍ଡ ୱେଦର ପୋରକାଷ୍ଟ ରିସର୍ଚ୍ଚ (SAFAR) ଅନୁଯାୟୀ ଦିଲ୍ଲୀର ବାୟୁ ଗୁଣବତ୍ତା 'ଖରାପ' ବର୍ଗରେ ରହିଛି । ଶନିବାର ସକାଳେ ବାୟୁ ଗୁଣବତ୍ତା ସୂଚକାଙ୍କ (AQI) 262 ରେ ପହଞ୍ଚିଛି । ପାଣିପାଗ ଅପଡେଟ୍ ବିଷୟରେ କହିବାକୁ ଗଲେ ଆଗାମୀ କିଛି ଦିନ ପାଇଁ ଦିଲ୍ଲୀର ପାଣିପାଗ ସଫା ରହିବ । ଏଥି ସହିତ ଦେଶର ଅନେକ ରାଜ୍ୟରେ ବର୍ଷା ହେବାର ସମ୍ଭାବନା ରହିଛି ।

ଅକ୍ଟୋବର 22 ରେ ତାମିଲନାଡୁ, ପୁଡୁଚେରୀ, କରାଇକାଲ, କେରଳ, ମାହେ, ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜରେ ପ୍ରବଳ ବର୍ଷା ହେବାର ସମ୍ଭାବନା ରହିଛି ।

ଓଡିଶା-ଝାଡ଼ଖଣ୍ଡର କେତେକ ଅଞ୍ଚଳରେ ମଧ୍ୟ ବର୍ଷା ହୋଇପାରେ । ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜ, କେରଳ ଏବଂ ମାହେରେ ପ୍ରବଳ ବର୍ଷା ଏବଂ ବଜ୍ରପାତ ହେବାର ସମ୍ବାବନା ରହିଛି । ତାମିଲନାଡୁ, ପୁଡୁଚେରୀ, କରାଇକାଲ, ଦକ୍ଷିଣ ଆଭ୍ୟନ୍ତରୀଣ କର୍ଣ୍ଣାଟକ ଏବଂ ଲକ୍ଷ୍ମଦ୍ୱୀପ ଉପରେ ମଧ୍ୟମ ବର୍ଷା ହେବ । ଉପକୂଳ ଆନ୍ଧ୍ରପ୍ରଦେଶ, ୟାନାମ, ରୟାଲାସିମା, ଉପକୂଳ କର୍ଣ୍ଣାଟକ ଏବଂ ଉତ୍ତର ଆଭ୍ୟନ୍ତରୀଣ କର୍ଣ୍ଣାଟକ ଉପରେ ବିଚ୍ଛିନ୍ନ ବର୍ଷା ହେବାର ସମ୍ଭାବନା ଅଧିକ । ଓଡିଶା, କୋଙ୍କଣ-ଗୋଆ ଏବଂ ତେଲେଙ୍ଗାନା ଉପରେ ମଧ୍ୟ ହାଲୁକା ବର୍ଷା ହେବାର ସମ୍ଭାବନା ରହିଛି ।

English summary

Delhi Air Quality In Poor Category, AQI at 262, Rin Forecast in some states