ଦିଲ୍ଲୀ-ଏନସିଆର ପ୍ରଦୂଷଣ : ଦିଲ୍ଲୀର ବାୟୁରେ କୌଣସି ସୁଧାର ନାହିଁ, 362 ରେ ପହଞ୍ଚିଛି AQI
ଦିଲ୍ଲୀ-ଏନସିଆରରେ ପ୍ରଦୂଷଣ କମିବାର ନାଁ ନେଉନାହିଁ । ଆଜି ବି ଏଠାରେ ବାୟୁ ଗୁଣବତ୍ତା 'ଅତ୍ୟନ୍ତ ଗମ୍ଭାର' ବର୍ଗରେ ଅଛି । ଆଜି ବି ଦିଲ୍ଲୀର AQI ରହିଛି 362 ।
ନୂଆଦିଲ୍ଲୀ : ଦିଲ୍ଲୀ-ଏନସିଆରରେ ପ୍ରଦୂଷଣ କମିବାର ନାଁ ନେଉନାହିଁ । ଆଜି ବି ଏଠାରେ ବାୟୁ ଗୁଣବତ୍ତା 'ଅତ୍ୟନ୍ତ ଗମ୍ଭାର' ବର୍ଗରେ ଅଛି । ଆଜି ବି ଦିଲ୍ଲୀର AQI ରହିଛି 362 । ଏୟାର କ୍ୱାଲିଟି ଏବଂ ପାଣିପାଗ ପୂର୍ବାନୁମାନ ଏବଂ ଅନୁସନ୍ଧାନ ପ୍ରଣାଳୀ (SAFAR) ସ୍ପଷ୍ଟ ଭାବରେ କହିଛି ଯେ ସାମ୍ପ୍ରତିକ ପରିସ୍ଥିତିକୁ ଦୃଷ୍ଟିରେ ରଖି ରବିବାର ପର୍ଯ୍ୟନ୍ତ ଦିଲ୍ଲୀର ବାୟୁରେ ଉନ୍ନତି ହେବାର କୌଣସି ଆଶା ନାହିଁ । 21 ତାରିଖ ପରେ ଦିଲ୍ଲୀର ପାଣିପାଗ ବଦଳିବାର ସମ୍ଭାବନା ରହିଛି ।
ପ୍ରଦୂଷଣର ବୃଦ୍ଧି ହେତୁ ଦିଲ୍ଲୀ ସରକାର ସମସ୍ତ ସ୍କୁଲ କଲେଜ ବନ୍ଦ କରି ଦେଇଛନ୍ତି ଏବଂ ବାହାରୁ ଆସୁଥିବା ସମସ୍ତ ଯାନକୁ ବର୍ତ୍ତମାନ ପର୍ଯ୍ୟନ୍ତ ନିଷିଦ୍ଧ କରାଯାଇଛି । ଏହା ସହିତ ଦିଲ୍ଲୀର ସରକାରୀ କର୍ମଚାରୀଙ୍କୁ 'ୱାର୍କ ଫ୍ରମ୍ ହୋମ୍' କରିବାକୁ କୁହାଯାଇଛି । ଆପଣଙ୍କୁ କହି ରଖୁଛୁ କେବଳ ଦିଲ୍ଲୀ ନୁହେଁ, ସମଗ୍ର ଏନସିଆର ପ୍ରଦୂଷଣର ଶିକାର ହୋଇଛି, ଯେଉଁଥିପାଇଁ ନିଶ୍ୱାସ ପ୍ରଶ୍ୱାସ ନେବା କଷ୍ଟସାଧ୍ୟ ହୋଇପଡିଛି ।
ବୁଧବାର ଦିନ ଗୁରୁଗ୍ରାମରେ 354 AQI ରହିଛି । ସେହିପରି ନୋଏଡାରେ 369, ଫରିଦାବାଦରେ AQI 350, ଗାଜିଆବାଦରେ AQI 368, ଗ୍ରେଟର ନୋଏଡାରେ AQI 358 ଏବଂ ମୁରାଦାବାଦରେ AQI 348 ରହିଛି ।
ଆପଣଙ୍କୁ କହି ରଖୁଛୁ, ପ୍ରଦୂଷଣ ମାମଲାର ସୁପ୍ରିମକୋର୍ଟ ଶୁଣାଣି କରୁଛନ୍ତି । କୋର୍ଟ ଦିଲ୍ଲୀ ସରକାରଙ୍କୁ କହିଥିଲେ ଯେ ଯଦି ପରିସ୍ଥିତି ଅଣାୟତ ହେଉଛି ତେବେ ଲକଡାଉନ୍ ବିଷୟରେ ଚିନ୍ତା କରିବା ଉଚିତ । ଯେଉଁଥିରେ କେଜ୍ରିୱାଲ ସରକାର କୋର୍ଟରେ ଏକ ଆଫିଡେଭିଟ ଦାଖଲ କରିଛନ୍ତି ଯେ ଯଦି ପଡୋଶୀ ରାଜ୍ୟ ଲକଡାଉନ ଲଗାଇବାକୁ ପ୍ରସ୍ତୁତ ଅଛନ୍ତି, ତେବେ ଆମେ ଏହା ମଧ୍ୟ କରିବୁ କାରଣ କେବଳ ଦିଲ୍ଲୀରେ ଲକଡାଉନ୍ କରି ପରିସ୍ଥିତି ସୁଧୁରିବ ନାହିଁ । ତେଣୁ ଏଥି ସହିତ ଅନେକ ବିଶେଷଜ୍ଞ ଏହା ମଧ୍ୟ କହିଛନ୍ତି ଯେ ଲକଡାଉନ୍ ସମସ୍ୟାର ସମାଧାନ କରିବ ନାହିଁ । ଏହା କେବଳ ଏକ ଅସ୍ଥାୟୀ ସମାଧାନ, ସମସ୍ତଙ୍କୁ ପୂର୍ଣ୍ଣ ସମୟର ସମାଧାନ ଖୋଜିବାକୁ ପଡିବ ।
Click it and Unblock the Notifications
Sign in with Google