ଅଗ୍ନିବୀରଙ୍କ ପାଇଁ ମଧ୍ୟ 10 % ଚାକିରି ସଂରକ୍ଷଣ କରିବ ପ୍ରତିରକ୍ଷା ମନ୍ତ୍ରଣାଳୟ, ଏହି ବିଭାଗରେ ମିଳିବ ନିଯୁକ୍ତି
ମନ୍ତ୍ରଣାଳୟ କହିଛି ଯେ 10% ସଂରକ୍ଷଣ ଇଣ୍ଡିଆନ କୋଷ୍ଟଗାର୍ଡ (କୋଷ୍ଟଗାର୍ଡ), ସିଭିଲ ଡିଫେନ୍ସ ଏବଂ ସମସ୍ତ 16 ଟି ଡିଫେନ୍ସ ପବ୍ଲିକ ସେକ୍ଟର ଅଣ୍ଡରଟେକିଂରେ କାର୍ଯ୍ୟକାରୀ ହେବ । ଏହି ସଂରକ୍ଷଣ ଅନ୍ୟ ସଂରକ୍ଷଣ ଠାରୁ ଅତିରିକ୍ତ ହେବ ।
ନୂଆଦିଲ୍ଲୀ : ଅଗ୍ନିପଥ ଯୋଜନାକୁ ନେଇ ଦେଶର ଅନେକ ସ୍ଥାନରେ ବିକ୍ଷୋଭ ଜାରି ରହିଥିବା ବେଳେ କେନ୍ଦ୍ର ସରକାର ବିକ୍ଷୋଭକାରୀ ଯୁବକଙ୍କୁ ମନେଇବା ପାଇଁ ନୂଆ ନୂଆ ସଂରକ୍ଷଣ ଘୋଷଣା କରୁଛନ୍ତି । ପ୍ରତିରକ୍ଷା ମନ୍ତ୍ରଣାଳୟ ମଧ୍ୟ ଏହା ଅଧୀନରେ ଥିବା ବିଭାଗରେ ଅଗ୍ନିବୀରଙ୍କ 10 ପ୍ରତିଶତ ନିଯୁକ୍ତି ସଂରକ୍ଷଣ କରିବାକୁ ଘୋଷଣା କରିଛି । ଏହାପୂର୍ବରୁ ଆଜି ଗୃହ ବିଭାଗ ମନ୍ତ୍ରଣାଳୟ କେନ୍ଦ୍ରୀୟ ସଶସ୍ତ୍ର ପୋଲିସ ବାହିନୀ (CAPF) ଅଧୀନରେ ଥିବା କେନ୍ଦ୍ରୀୟ ରିଜର୍ଭ ପୋଲିସ ଫୋର୍ସ ଏବଂ ଆସାମ ରାଇଫଲରେ ଅଗ୍ନିବୀରଙ୍କ ପାଇଁ 10 ପ୍ରତିଶତ ସଂରକ୍ଷଣ ଘୋଷଣା କରିଛି ।
ପ୍ରତିରକ୍ଷା ମନ୍ତ୍ରଣାଳୟ ଟ୍ୱିଟ୍ କରି କହିଛି ଯେ ମନ୍ତ୍ରଣାଳୟ ଅଧୀନରେ ଥିବା ଚାକିରିର 10 ପ୍ରତିଶତ ମାନଦଣ୍ଡ ପୂରଣ କରୁଥିବା ବ୍ୟକ୍ତିଙ୍କ ପାଇଁ ସଂରକ୍ଷିତ ରଖାଯିବ । ମନ୍ତ୍ରଣାଳୟର କେଉଁ କାର୍ଯ୍ୟରେ ଏହି ଅଗ୍ନିବାରଙ୍କୁ ନିଯୁକ୍ତି ମିଳଇବ ତାହା ମଧ୍ୟ ପ୍ରତିରକ୍ଷା ମନ୍ତ୍ରଣାଳୟ କହିଛି ।
ମନ୍ତ୍ରଣାଳୟ କହିଛି ଯେ 10% ସଂରକ୍ଷଣ ଇଣ୍ଡିଆନ କୋଷ୍ଟଗାର୍ଡ (କୋଷ୍ଟଗାର୍ଡ), ସିଭିଲ ଡିଫେନ୍ସ ଏବଂ ସମସ୍ତ 16 ଟି ଡିଫେନ୍ସ ପବ୍ଲିକ ସେକ୍ଟର ଅଣ୍ଡରଟେକିଂରେ କାର୍ଯ୍ୟକାରୀ ହେବ । ଏହି ସଂରକ୍ଷଣ ଅନ୍ୟ ସଂରକ୍ଷଣ ଠାରୁ ଅତିରିକ୍ତ ହେବ ।
ଜାଣି ରଖନ୍ତୁ ଏହି ଚାକିରିଗୁଡିକ ମଧ୍ୟରୁ ଅନେକରେ ପୂର୍ବ ସେବାକାରୀଙ୍କ ପାଇଁ ସଂରକ୍ଷିତ ଅଛି, ଏଭଳି ପରିସ୍ଥିତିରେ ମନ୍ତ୍ରଣାଳୟ ସ୍ପଷ୍ଟ କରିଛି ଯେ ଅଗ୍ନିବୀର ପାଇଁ ଦିଆଯାଇଥିବା ସଂରକ୍ଷଣ ଏହାଠାରୁ ଭିନ୍ନ ହେବ ।
ମନ୍ତ୍ରଣାଳୟ ଆହୁରି ମଧ୍ୟ କହିଛି ଯେ ଏହି ନିୟମାବଳୀକୁ କାର୍ଯ୍ୟକାରୀ କରିବା ପାଇଁ ସମ୍ପୃକ୍ତ ନିଯୁକ୍ତି ନିୟମରେ ଆବଶ୍ୟକ ସଂଶୋଧନ କରାଯିବ । ଏଥିସହ, ପ୍ରତିରକ୍ଷା PSU ଗୁଡ଼ିକୁ ନିଜ ନିଜ ନିଯୁକ୍ତି ନିୟମରେ ସମାନ ସଂଶୋଧନ କରିବାକୁ ପରାମର୍ଶ ଦିଆଯିବ । ଏହା ସହିତ, ଅଗ୍ନିବୀରଙ୍କ ପାଇଁ ଆବଶ୍ୟକ ବୟସରେ କୋହଳ କରିବୀର ବ୍ୟବସ୍ଥା ମଧ୍ୟ କରାଯିବ ।
Click it and Unblock the Notifications
Sign in with Google