ଗଙ୍ଗା ନଦୀ କୂଳରେ ବାଲିରେ ପୋତା ହୋଇଛି ଶବ

କରୋନା ମହାହମାରୀ ସମୟରେ ଗଙ୍ଗାରେ ଶବ ଭାସିବା ଖବର ପ୍ରକାଶ ପାଇବା ପରେ ପରେ ଉନ୍ନାଓ ଜିଲ୍ଲାରୁ ଆଉ ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି । ଗଙ୍ଗା ନଦୀ କୂଳରେ ବାଲିରେ ବହୁ ସଂଖ୍ୟକ ମୃତଦେହ ପୋତା ଯାଇଥିବା ଦେଖିବାକୁ ମିଳିଛି ।

ଉନ୍ନାଓ : କରୋନା ମହାହମାରୀ ସମୟରେ ଗଙ୍ଗାରେ ଶବ ଭାସିବା ଖବର ପ୍ରକାଶ ପାଇବା ପରେ ପରେ ଉନ୍ନାଓ ଜିଲ୍ଲାରୁ ଆଉ ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି । ଗଙ୍ଗା ନଦୀ କୂଳରେ ବାଲିରେ ବହୁ ସଂଖ୍ୟକ ମୃତଦେହ ପୋତା ଯାଇଥିବା ଦେଖିବାକୁ ମିଳିଛି । ଗ୍ରାମବାସୀ କହିଛନ୍ତି ଯେ ଅର୍ଥ ଅଭାବରୁ ଲୋକମାନେ ହିନ୍ଦୁ ରୀତିନୀତିରେ ଶବ ସଂସ୍କାର ନ କରି ପାରି ମୃତଦେହକୁ ପୋତ୍ ଦେଉଛନ୍ତି । ସ୍ଥାନୀୟ ଲୋକଙ୍କ କହିବାନୁସାରେ, ଗତ ଏକ ମାସ ମଧ୍ୟରେ ତିନି ଶହରୁ ଅଧିକ ଶବ ସତ୍କାର ହେବା ପାଇଁ ଏଠାକୁ ଆସିଛି । ତେବେ ଅଧିକାଂଶ ମୃତଦେହ ବାଲିରେ ଗାତ ଖୋଳି ପୋତି ଦିଆଯାଇଛି ।

ଉନ୍ନାଓ ଜିଲ୍ଲାର ହାଜିପୁର ଆଉଟପୋଷ୍ଟ ଅଞ୍ଚଳର ରୌତାପୁର ଘାଟ ଏବଂ ବକ୍ସରରେ ଷବ ପୋତା ହୋଇଥିବା ଫଟୋ ସାମ୍ନାକୁ ଆସିଛି । ଗଣମାଧ୍ୟମର ରିପୋର୍ଟ ଅନୁଯାୟୀ, ଏଠାରେ ଚାରି ଶହରୁ ଅଧିକ ଶବକୁ ଶବଦାହ କରାଯାଇଛି । ସେମାନଙ୍କ ମଧ୍ୟରୁ ଅଧିକାଂଶଙ୍କୁ ପୋତା ଯାଇଛି । ଏପରିକି ଶବ ପୋତିବା ପାଇଁ ଗଙ୍ଗା କୂଳରେ ଆଉ ଜାଗା ନତିବା ମଧ୍ୟ କୁହାଯାଉଛି । ପ୍ରତିଦିନ 12ରୁ ଅଧିକ ଶବ ଅନ୍ତିମ ସଂସ୍କାର କରାଯାଉଛି । ଯାହାକି କୋଡିଏ ଦିନ ପୂର୍ବରୁ ମାତ୍ର 2 ରୁ 3 ଥିଲା । ଏହି ରୌତାପୁର ଘାଟରେ ପିପରି, ଲାଙ୍ଗାଡାପୁରୱା, ମିର୍ଜାପୁର, ଭଟପୁରୱା, ରାଜପୁର, କାନିକାମାଉ ସମେତ ଆହୁରି 10 ରୁ 12 ଗାଁର ଲୋକ ଏଠାକୁ ଶବ ସତ୍କାର କରିବାକୁ ଆସିଥାନ୍ତି ।

Dead bodies found buried in sand near river Ganga in UP's Unnao

"Our team has found buried bodies in an area far from river. Search being conducted for more bodies in other areas. I've asked team to carry out inquiry. Action will be taken accordingly," said DM (12.05) pic.twitter.com/qFT1tpfsjH

— ANI UP (@ANINewsUP) May 13, 2021

ବାଲିରେ ଶବ ପୋତା ହୋଇଥିବା ଖବର ପାଇବା ପରେ ପ୍ରଶାସନ ପକ୍ଷରୁ ଏକ ଟିମ୍ ସେହି ସ୍ଥାନରେ ପହଞ୍ଚିଛନ୍ତି । ଏହି ପ୍ରସଙ୍ଗରେ ଗଣମାଧ୍ୟମ ସହ କଥାବାର୍ତ୍ତା କରି ଉନ୍ନାଓ ଡିଏମ ରବିନ୍ଦ୍ର କୁମାର କହିଛନ୍ତି, 'ଆମ ଦଳ ନଦୀଠାରୁ କିଛି ଦୂରରେ ମୃତଦେହ ପୋତାହୋଇଥିବା ଦେଖିବାକୁ ପାଇଛନ୍ତି । ଅନ୍ୟ ଅଞ୍ଚଳରେ ଅଧିକ ମୃତଦେହ ଖୋଜା ଚାଲିଛି । ଲୋକଙ୍କ ସହ ଏନେଇ ପଚରାଉଚୁରା କରିବାକୁ କୁହାଯାଇଛି । ଏହା ପରେ ହିଁ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।'
ତେବେ ଶବଗୁଡ଼ିକର କରୋନା ସଂକ୍ରମିତ ହୋଇଥିବା କଥାକୁ ଡିଏମ୍ ଏଡ଼ାଇ ଦେଇଛନ୍ତି । ମୃତଦେହକୁ ଏପରି ଖାଲି ଦେଖି କିଛି କୁହାଯାଇପାରିବ ନାହିଁ ବୋଲି ସେ କହିଛନ୍ତି । ଦଳର ସୂଚନା ଅନୁସାରେ ଆବଶ୍ୟକୀୟ ପଦକ୍ଷେପ ଗ୍ରହଣ କରାଯିବ ବୋଲି ରବୀନ୍ଦ୍ର କୁମାର କହିଛନ୍ତି ।

English summary

Dead Bodied Found Buried Near River ganga