ଦିଲ୍ଲୀ ମହିଳା ଆୟୋଗ ଅଧ୍ୟକ୍ଷଙ୍କ ଚାଞ୍ଚଲ୍ୟକର ବୟାନ୍, ‘ବାପା ଦେଉଥିଲେ ଯୌନ ନିର୍ଯ୍ୟାତନା'
ସ୍ୱାତୀ ମାଲିୱାଲ କହିଛନ୍ତି ଯେ ଯେତେବେଳେ ସେ ଛୋଟ ପିଲା ଥିଲେ, ସେତେବେଳେ ସେ ନିଜ ପିତାଙ୍କ ଦ୍ୱାରା ଯୌନ ଶୋଷଣର ଶିକାର ହୋଇଥିଲେ । ତାଙ୍କ ବାପା ତାଙ୍କ କେଶ ଟାଣି ତାଙ୍କୁ ମାରୁଥିଲେ ।
ଦିଲ୍ଲୀ ମହିଳା ଆୟୋଗର ଅଧ୍ୟକ୍ଷ ସ୍ୱାତୀ ମାଲିୱାଲ ମହିଳାଙ୍କ ଉପରେ ହେଉଥିବା ଅତ୍ୟାଚାର ଏବଂ ଯୌନ ଶୋଷଣ ବିରୋଧରେ ସ୍ୱର ଉତ୍ତୋଳନ କରୁଛନ୍ତି । ହୋଲିରେ ଦିଲ୍ଲୀରେ ଜଣେ ଜାପାନୀ ମହିଳାଙ୍କୁ ଯୌନ ନିର୍ଯାତନା ଘଟଣାରେ ସ୍ୱାତୀ ମାଲିୱାଲ କ୍ରୋଧିତ ହୋଇଥିଲେ ଏବଂ ଅଭିଯୁକ୍ତଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ପାଇଁ ଲଢୁଛନ୍ତି । ଏହି ପ୍ରସଙ୍ଗରେ କଥାବାର୍ତ୍ତା କରୁଥିବାବେଳେ ସ୍ୱାତୀ ମାଲିୱାଲ ତାଙ୍କ ବ୍ୟକ୍ତିଗତ ଜୀବନ ସହ ଜଡିତ ଏକ ବଡ଼ ଖୁଲାସା କରିଛନ୍ତି ।
ସ୍ୱାତୀ ମାଲିୱାଲ କହିଛନ୍ତି ଯେ ଯେତେବେଳେ ସେ ଛୋଟ ପିଲା ଥିଲେ, ସେତେବେଳେ ସେ ନିଜ ପିତାଙ୍କ ଦ୍ୱାରା ଯୌନ ଶୋଷଣର ଶିକାର ହୋଇଥିଲେ । ତାଙ୍କ ବାପା ତାଙ୍କ କେଶ ଟାଣି ତାଙ୍କୁ ମାରୁଥିଲେ । ତାଙ୍କୁ ଭୟ କରି ମୁଁ ଘରେ ବିଛଣା ତଳେ ଲୁଚି ରହୁଥିଲି । ସେବେଠାରୁ ଯୋଜନା କରିଥିଲି ଯେ ଯେଉଁମାନେ ମହିଳାଙ୍କୁ ହଇରାଣ କରୁଛନ୍ତି ଏବଂ ସେମାନଙ୍କ ବିରୁଦ୍ଧରେ ମୁଁ ସ୍ୱର ଉତ୍ତୋଳନ କରିବି ବୋଲି କହିଛନ୍ତି ସ୍ୱାତୀ ।
ସ୍ୱାତୀ ମାଲିୱାଲଙ୍କ ଏହି ବିବୃତ୍ତି ଅଭିନେତ୍ରୀ ତଥା ନ୍ୟାସନାଲ କମିଶନ ଫର ମହିଳା (ଏନସିଡବ୍ଲୁ) ସଦସ୍ୟ ଖୁସବୁ ସୁନ୍ଦରଙ୍କ ବିବୃତ୍ତି ପରେ ଆସିଛି ଯେଉଁଥିରେ ସେ କହିଥିଲେ ଯେ ପିଲାଦିନେ ତାଙ୍କ ପିତା ତାଙ୍କୁ ଯୌନ ଶୋଷଣ କରିଥିଲେ । ଯାହା ପରେ ବର୍ତ୍ତମାନ ଦିଲ୍ଲୀ ମହିଳା ଆୟୋଗର ଚେୟାରମ୍ୟାନ୍ ସ୍ୱାତୀ ମଧ୍ୟ ଏହି ବଡ ଖୁଲାସା କରିଛନ୍ତି ।
ଗଣମାଧ୍ୟମକୁ ଦେଇଥିବା ଏକ ସାକ୍ଷାତକାରରେ ସ୍ୱାତୀ କହିଛନ୍ତି ଯେ ମୁଁ ଯେତେବେଳେ ଛୋଟ ଥିଲି, ମୋ ବାପା ମୋତେ ଯୌନ ନିର୍ଯାତନା ଦେଉଥିଲେ । ସେ ମୋତେ ବହୁତ ପିଟୁଥିଲେ । ସେ ଘରକୁ ଆସିଲେ ମୁଁ ଭୟରେ ଅନେକ ସମୟରେ ଖଟ ତଳେ ଲୁଚି ରହୁଥିଲି ।
ଡିସିଡବ୍ଲୁ ମୁଖ୍ୟ ସ୍ୱାତୀ ମାଲିୱାଲ କହିଛନ୍ତି ଯେ ହୋଲି ପରେ ଏକ ଭିଡିଓ ଭାଇରାଲ ହୋଇଥିଲା ଯେଉଁଥିରେ କିଛି ପୁରୁଷ ଜଣେ ଜାପାନୀ ମହିଳାଙ୍କୁ ହୋଲି ରଙ୍ଗ ଲଗାଉଥିଲେ । ରଙ୍ଗ ଲଗାଇବା ସମୟରେ ପୁଅମାନେ ତାଙ୍କୁ ଗାଳିଗୁଲଜ କରୁଥିଲେ ଏବଂ ସେ ଜଣେ ବିଦେଶୀ ଝିଅ ଥିଲେ । ସେ ସାହାଯ୍ୟ ପାଇଁ ଚିତ୍କାର କରୁଥିଲେ । ସେମାନେ ଅଟକି ନଥିଲେ । ଆମେ ଦିଲ୍ଲୀ ପୋଲିସକୁ ନୋଟିସ ଜାରି କରୁଛୁ । ସେହି ଲୋକଙ୍କୁ ଚିହ୍ନଟ କରାଯାଇ ଜେଲରେ ରଖିବା ଉଚିତ୍ ।
Click it and Unblock the Notifications
Sign in with Google