ଆହୁରି ଶକ୍ତିଶାଳୀ ହେବ ବାୟୁସେନା, ବାୟୁ ପ୍ରତିରକ୍ଷା ପ୍ରଣାଳୀ ପାଇଁ ଅନୁମୋଦନ ହେଲା 4276 କୋଟି ଟଙ୍କା
ବାୟୁସେନାର ପ୍ରତିରକ୍ଷା ବିଭାଗରେ ଶତ୍ରୁ ବିମାନକୁ ଗୁଳି କରିବା ପାଇଁ ସ୍ୱଦେଶୀ ହେଲିନା ଆଣ୍ଟି ଟ୍ୟାଙ୍କ କ୍ଷେପଣାସ୍ତ୍ର ଏବଂ ବାୟୁ ପ୍ରତିରକ୍ଷା ପ୍ରଣାଳୀର ବିକାଶ ପାଇଁ 4,276 କୋଟି ଟଙ୍କା ମୂଲ୍ୟର ଅନୁମୋଦନ କରିଛି ପ୍ରତିରକ୍ଷା ଅଧିଗ୍ରହଣ ପରିଷଦ ।
ନୂଆଦିଲ୍ଲୀ: ଶତ୍ରୁକୁ ମାତ୍ ଦେବାକୁ ଆହୁରି ଶକ୍ତିଶାଳୀ ହେବ ଭାରତୀୟ ବାୟୁସେନା । ବାୟୁସେନାର ପ୍ରତିରକ୍ଷା ବିଭାଗରେ ଶତ୍ରୁ ବିମାନକୁ ଗୁଳି କରିବା ପାଇଁ ସ୍ୱଦେଶୀ ହେଲିନା ଆଣ୍ଟି ଟ୍ୟାଙ୍କ କ୍ଷେପଣାସ୍ତ୍ର ଏବଂ ବାୟୁ ପ୍ରତିରକ୍ଷା ପ୍ରଣାଳୀର ବିକାଶ ପାଇଁ 4,276 କୋଟି ଟଙ୍କା ମୂଲ୍ୟର ଅନୁମୋଦନ କରିଛି ପ୍ରତିରକ୍ଷା ଅଧିଗ୍ରହଣ ପରିଷଦ । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ଅଧ୍ୟକ୍ଷତାରେ ମଙ୍ଗଳବାର ପ୍ରତିରକ୍ଷା ଅଧିଗ୍ରହଣ ପରିଷଦର ବୈଠକରେ ଏହାକୁ ମଞ୍ଜୁରୀ ମିଳିଛି । ତିନୋଟି ପ୍ରସ୍ତାବ ମଧ୍ୟରୁ ଦୁଇଟି ଭାରତୀୟ ସେନାର ଏବଂ ଗୋଟିଏ ଭାରତୀୟ ନୌସେନାର ବୋଲି ମନ୍ତ୍ରଣାଳୟର ବିବୃତ୍ତିରେ କୁହାଯାଇଛି ।
ସୂଚନା ଅନୁଯାୟୀ, HELINA ଆଣ୍ଟି-ଟ୍ୟାଙ୍କ ଗାଇଡ୍ କ୍ଷେପଣାସ୍ତ୍ର, ଲଞ୍ଚର୍ ଏବଂ ଆନୁଷଙ୍ଗିକ ସାମଗ୍ରୀ କ୍ରୟ ପାଇଁ ପ୍ରତିରକ୍ଷା ଅଧିଗ୍ରହଣ ପରିଷଦ AoN କୁ ଦେଇଛି । ଏହା ହାଲୁକା ହେଲିକପ୍ଟର (ALH) ରେ ସଂଯୁକ୍ତ ହେବ । ଶତ୍ରୁ ବିପଦକୁ ମୁକାବିଲା କରିବା ପାଇଁ ଏହି କ୍ଷେପଣାସ୍ତ୍ର ALH ର ଅସ୍ତ୍ରଶସ୍ତ୍ରର ଏକ ଅତ୍ୟାବଶ୍ୟକ ଅଂଶ । ଏହା ପରେ ଭାରତୀୟ ସେନାର ଆକ୍ରମଣାତ୍ମକ କ୍ଷମତା ଆହୁରି ଦୃଢ ହେବ ବୋଲି ପ୍ରତିରକ୍ଷା ମନ୍ତ୍ରଣାଳୟର ବିବୃତ୍ତିରେ କୁହାଯାଇଛି ।
ଉତ୍ତର ସୀମାନ୍ତରେ ସାମ୍ପ୍ରତିକ ପରିସ୍ଥିତିକୁ ଦୃଷ୍ଟିରେ ରଖି ପ୍ରଭାବଶାଳୀ ଏୟାର ଡିଫେନ୍ସ ଅସ୍ତ୍ର ପ୍ରଣାଳୀ ଉପରେ ଧ୍ୟାନ ଦେବାର ଆବଶ୍ୟକତା ଅଛି, ଯାହା ମାନବ-ପୋର୍ଟେବଲ୍ ଏବଂ ଦ୍ରୁତ ଗତିରେ ଭୂମି ଏବଂ ସାମୁଦ୍ରିକ ଡୋମେନରେ ନିୟୋଜିତ ହୋଇପାରିବ ବୋଲି କୁହାଯାଇଛି । ମନ୍ତ୍ରଣାଳୟ ପକ୍ଷରୁ ଆହୁରି କୁହାଯାଇଛି ଯେ VSHORAD କ୍ରୟ ବାୟୁ ପ୍ରତିରକ୍ଷା କ୍ଷମତାକୁ ମଜବୁତ କରିବ । ଏଥିସହ, ଶିଭାଲିକ୍ ଶ୍ରେଣୀର ଜାହାଜ ଏବଂ ବ୍ରହ୍ମୋସ୍ ଲଞ୍ଚର୍ ଏବଂ ଫାୟାର୍ କଣ୍ଟ୍ରୋଲ୍ ସିଷ୍ଟମ୍ (ଏଫ୍ସିଏସ୍) ଏବଂ ଭାରତୀୟ ନୌସେନା ପାଇଁ ନେକ୍ସ୍ଟ ଜେନେରେସନ୍ ମିସାଇଲ୍ ଜାହାଜ (NGMV) କ୍ରୟକୁ DAC ଅନୁମୋଦନ କରିଛି । ଏହି ଜାହାଜଗୁଡ଼ିକ ସାମୁଦ୍ରିକ ଆକ୍ରମଣ କାର୍ଯ୍ୟ କରିବା, ଶତ୍ରୁ ଯୁଦ୍ଧ ଜାହାଜ ଏବଂ ବାଣିଜ୍ୟ ଜାହାଜକୁ ନଷ୍ଟ କରିବା ପାଇଁ କ୍ଷମତା ବୃଦ୍ଧି କରିବ ବୋଲି ବିବୃତ୍ତିରେ କୁହାଯାଇଛି ।
Click it and Unblock the Notifications
Sign in with Google