ଗାଡ଼ିର ବେଗ ଥିଲା 133 କି.ମି ପ୍ରତି ଘଣ୍ଟା, ପିନ୍ଧି ନଥିଲେ ସିଟ୍ ବେଲ୍ଟ

ଗାଡ଼ିରେ ଏୟାରବ୍ୟାଗ ରହିଥିଲେ ମଧ୍ୟ ସାଇରସଙ୍କ ଜୀବନ ଚାଲିଯାଇଛି । ପୁଲିସର ସୂଚନା ଅନୁଯାୟୀ, କାରର ବେଗ ଘଣ୍ଟାକୁ 133 କିଲୋମିଟର ଥିଲା । କିନ୍ତୁ ସାଇରସ ସିଟ୍‌ବେଲ୍ଟ ବାନ୍ଧି ନଥିଲେ । ତେଣୁ ଏୟାରବ୍ୟାଗ୍ କୌଣସି କାମରେ ଆସିଲା ନାହିଁ ।

ମୁମ୍ବାଇ : ଗତ ରବିବାର ଦିନ ମୁମ୍ବାଇ- ଅହମ୍ମଦାବାଦ ରାସ୍ତାରେ କାର ଦୁର୍ଘଟଣାରେ ଟାଟା ଗ୍ରୁପର ପୂର୍ବତନ ଚେୟାରମ୍ୟାନ୍ ସା୍ଇରସ ମିସ୍ତ୍ରୀଙ୍କ ମୃତ୍ୟୁ ହୋଇଛି । କାର ଦୁର୍ଘଟଣାରେ ପ୍ରାଣ ହରାଇବା ପରେ ଏହାକୁ ନେଇ ସବୁଠି ଚର୍ଚ୍ଚା ହେଉଛି । ମର୍ସିଡିସ ବେଞ୍ଜ କମ୍ପାନିର ଦାମୀ ଗାଡ଼ିରେ ସେ ଯାତ୍ରା କରୁଥିଲେ । ସେଥିରେ ସବୁପ୍ରକାର ସୁରକ୍ଷା ବ୍ୟବସ୍ଥା ଥିଲା । କିନ୍ତୁ କିଛିଟା ଅବହେଳା ଯୋଗୁଁ ସାଇରସଙ୍କ ଜୀବନ ଅକାଳରେ ଚାଲିଗଲା ବୋଲି କୁହାଯାଉଛି ।

ମର୍ସିଡିସ ବେଞ୍ଜର ପଛ ଧାଡ଼‌ିରେ ସାଇରସ ବସିଥିଲେ । ଆଗଧାଡ଼ିରେ ବସିଥିବା ଦୁଇଜଣଙ୍କର ଜୀବନ ବଞ୍ଚି ଯାଇଛି । ଗାଡ଼ିରେ 4 ଜଣ ଯାତ୍ରା କରୁଥିଲେ । ସେମାନଙ୍କ ମଧ୍ୟରୁ ମିସ୍ତ୍ରୀଙ୍କୁ ମିଶାଇ ଦୁଇଜଣ ଦୁର୍ଘଟଣା ସ୍ଥଳରେ ପ୍ରାଣ ହରାଇଛନ୍ତି ।

ଗାଡ଼ିରେ ଏୟାରବ୍ୟାଗ ରହିଥିଲେ ମଧ୍ୟ ସାଇରସଙ୍କ ଜୀବନ ଚାଲିଯାଇଛି । ପୁଲିସର ସୂଚନା ଅନୁଯାୟୀ, କାରର ବେଗ ଘଣ୍ଟାକୁ 133 କିଲୋମିଟର ଥିଲା । କିନ୍ତୁ ସାଇରସ ସିଟ୍‌ବେଲ୍ଟ ବାନ୍ଧି ନଥିଲେ । ତେଣୁ ଏୟାରବ୍ୟାଗ୍ କୌଣସି କାମରେ ଆସିଲା ନାହିଁ ।

ସିଟ୍ ବେଲ୍‌ଟ ପ୍ରଥମ ପର୍ଯ୍ୟାୟର ସୁରକ୍ଷା ହୋଇଥିବା ବେଳେ ଏୟାରବ୍ୟାଗ୍ ଦ୍ୱିତୀୟ ପର୍ଯ୍ୟାୟର ସୁରକ୍ଷା ଯୋଗାଇଥାଏ । ଗାଡ଼ିର ପଛ ଧାଡ଼ିରେ ସିଟ୍‌ବେଲ୍‌ଟ ଥିଲେ ମଧ୍ୟ ଅନେକ ତାହାକୁ ବ୍ୟବହାର କରି ନଥାନ୍ତି । କାରଣ ଲୋକଙ୍କ ମନରେ ଏକ ଭ୍ରାନ୍ତ ଧାରଣା ରହିଛି ଯେ ପଛଧାଡ଼ି ଅଧିକ ସୁରକ୍ଷିତ । କିନ୍ତୁ ପଛରେ ବସିଥିବା ବ୍ୟକ୍ତି ଆଗକୁ ଅନେକ ସମୟରେ ୪୦ ଗୁଣା ଅଧିକ ଶକ୍ତି ସହିତ ଛିଟିକି ପଡ଼ିଥାଏ । କିନ୍ତୁ ସାଇରସ ସିଟ୍ ବେଲ୍ଟ ପିନ୍ଧି ନଥିବାରୁ ଏଭଳି ଅଘଟଣର ଶିକାର ହେଲେ ବୋଲି କୁହାଯାଉଛି ।

English summary

cyrus mistry car Accident : Car speed was 133 km/hour