Cyclone Yaas : ଝାଡଖଣ୍ଡରେ 'ୟାସ୍', 4 ଜଣଙ୍କର ନେଇଛି ପ୍ରାଣ, 20 ଟି ଜିଲ୍ଲାରେ ରେଡ୍ ଆଲର୍ଟ

ଓଡ଼ିଶା ପରେ ପଡ଼ୋଶୀ ରୀଜ୍ୟ ଝାଡ଼ଖଣ୍ଡରେ ବାତ୍ୟା ପ୍ରବଶ କରିବା ଫଳରେ ସେଠାରେ ମଧ୍ୟ ବର୍ଷା ଓ ପବନ ଜାରି ରହିଛି । ଏହି ସମୟରେ ପ୍ରଭାବିତ ଅଞ୍ଚଳରେ ଭାରତୀୟ ନୌସେନାରୁ ଉଦ୍ଧାର କାର୍ଯ୍ୟ ଚାଲିଛି । ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଉଛି ।

Updated: Thursday, May 27, 2021, 14:57 [IST]

ନୂଆଦିଲ୍ଲୀ : ଆଜି ବାତ୍ୟା 'ୟାସ୍' ଝାଡ଼ଖଣ୍ଡରେ ପହଞ୍ଚିଛି । ବର୍ତ୍ତମାନ ଅନେକ ଜିଲ୍ଲାରେ ପ୍ରବଳ ବର୍ଷା ଓ ପ୍ରବଳ ପବନ ଜାରି ରହିଛି । ଏହି ଘୂର୍ଣ୍ଣିବଳୟ ବଙ୍ଗଳା ଓ ଓଡିଶାରେ ବ୍ୟାପକ କ୍ଷୟକ୍ଷତି କରିଛି । ଏହି ଝଡ ଯୋଗୁଁ ଏପର୍ଯ୍ୟନ୍ତ 4 ଜଣଙ୍କର ମୃତ୍ୟୁ ହୋଇଛି । ସେଥିମଧ୍ୟରୁ ତିନିଜଣ ଓଡିଶାର ଏବଂ ଜଣେ ବଙ୍ଗଳାର ବୋଲି ସୂଚନା ମିଳିଛି । ଏହା ବ୍ୟତୀତ ବାତ୍ୟା ଉତ୍ତର ଓଡ଼ିଶାର ଭଦ୍ରକ, ବାଲେଶ୍ୱର ଓ ମୟୁରଭଞ୍ଜରେ ବେଶି ପ୍ରଭାବ ପାକଇବା ସହ ଅନେକ ଅର୍ଥନୈତିକ କ୍ଷତି ଘଟାଇଛି । ଘୂର୍ଣ୍ଣିବଳୟ 'ୟାସ୍' ଯୋଗୁଁ ଭଦ୍ରକ ଜିଲ୍ଲାର ଧାମରାରେ ବନ୍ୟା ପରିସ୍ଥିତି ସୃଷ୍ଟି ହୋଇଥିବାବେଳେ ସମୁଦ୍ର ଜଳ ଅନେକ ଗ୍ରାମରେ ପ୍ରବେଶ କରିଛି । ତେଣୁ ଓଡିଶାରେ ଲକ୍ଷ ଲକ୍ଷ ଲୋକଙ୍କୁ ପ୍ରଭାବିତ ଅଞ୍ଚଳରୁ ସ୍ଥାନାନ୍ତର କରାଯାଇଛି ।

20 ଟି ଜିଲ୍ଲାରେ ରେଡ୍ ଆଲର୍ଟ

ପଶ୍ଚିମବଙ୍ଗର 11 ଟି ଜିଲ୍ଲା ଏବଂ ଓଡିଶାର 9 ଟି ଜିଲ୍ଲା ପାଇଁ ପ୍ରବଳ ବର୍ଷା ହେବ ବୋଲି ଭାରତୀୟ ପାଣିପାଗ ବିଭାଗ ପୂର୍ବାନୁମାନ କରିଥିଲା । ଏହି କାରଣରୁ ଏଠାରେ ରେଡ୍ ଆଲର୍ଟ ଜାରି କରାଯାଇଥିଲା । ଆଇଏମଡି କହିଛି ଯେ ବଙ୍ଗଳାର ହାୱଡ଼ା, ହୁଗଲି ଉତ୍ତର ଏବଂ ଦକ୍ଷିଣ 24 ପରଗାନା, ବିରବୁମ୍, ମୁର୍ସିଦାବାଦରେ ପ୍ରବଳ ବର୍ଷା ହେବ । ଉଲ୍ଲେଖନୀୟ କଥା ହେଉଛି, 'ୟାସ' ଯୋଗୁଁ ବଙ୍ଗଳାରେ 3 ଲକ୍ଷ ଘର ନଷ୍ଟ ହୋଇଥିବା କୁହାଯାଇଛି । ମୁଖ୍ୟମନ୍ତ୍ରୀ ମମତା ଶୁକ୍ରବାର ଦିନ ପୂର୍ବ ମେଦିନାପୁର, ଦକ୍ଷିଣ ଏବଂ ଉତ୍ତର 24 ପରଗାନା ଅଞ୍ଚଳ ପରିଦର୍ଶନ କରିବାର କାର୍ଯ୍ୟକ୍ରମ ରହିଛି । ସେହିପରି ଓଡ଼ିଶା ମୁଖ୍ୟମନ୍ତ୍ରୀ ନବାନ ପଟ୍ଟନାୟକ ମଧ୍ୟ ବାତ୍ୟା ପ୍ରଭାବିତ ଅଞ୍ଚଳ ପରିଦର୍ଶନ କରିବାର କାର୍ଯ୍ୟକ୍ରମ ରହିଛି ।

75 କିଲୋମିଟର ବେଗରେ ଝାଡଖଣ୍ଡରେ ପ୍ରବେଶ

ଓଡ଼ିଶା ପରେ ପଡ଼ୋଶୀ ରୀଜ୍ୟ ଝାଡ଼ଖଣ୍ଡରେ ବାତ୍ୟା ପ୍ରବଶ କରିବା ଫଳରେ ସେଠାରେ ମଧ୍ୟ ବର୍ଷା ଓ ପବନ ଜାରି ରହିଛି । ଏହି ସମୟରେ ପ୍ରଭାବିତ ଅଞ୍ଚଳରେ ଭାରତୀୟ ନୌସେନାରୁ ଉଦ୍ଧାର କାର୍ଯ୍ୟ ଚାଲିଛି । ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଉଛି । ୟାସ 75 କିଲୋମିଟର ବେଗରେ ଝାଡଖଣ୍ଡରେ ପ୍ରବେଶ କରିଛି ଏବଂ ଆଜି ଏହା ଘଣ୍ଟା ପ୍ରତି 90 କିଲୋମିଟର ପର୍ଯ୍ୟନ୍ତ ଗତି କରିବ ବୋଲି ଆକଳନ କରାଯାଇଛି । ଆଜି ଏବଂ ଆସନ୍ତାକାଲି ଝାଡ଼ଖଣ୍ଡରେ ପ୍ରବଳ ବର୍ଷା ହେବାର ଆଶଙ୍କା ରହିଛି ।

କେତେକ ସ୍ଥାନରେ ଅରେଞ୍ଜ ଆଲର୍ଟ ଜାରି

ଏଥି ସହିତ ସିଦ୍ଧାର୍ଥ ନାଗର, ବସ୍ତି, ମହାରାଜଗଞ୍ଜ, ଆମ୍ବେଦକର ନଗର, ଜୌନପୁର, ଆଜାମଗଡ, ବାରଣାସୀ, ଭଦୋହି, ଚାନ୍ଦୌଲି, ମିର୍ଜାପୁର ଏବଂ ସୋନଭଦ୍ରରେ ହାଲୁକା ରୁ ପ୍ରବଳ ବର୍ଷା ହେବାର ପୂର୍ବାନୁମାନ କରାଯାଇଛି । କେତେକ ସ୍ଥାନରେ ଅରେଞ୍ଜ ଆଲର୍ଟ ଜାରି କରାଯାଇଛି । କେବଳ ଏତିକି ନୁହେଁ ଦିଲ୍ଲୀ, ହରିୟାଣା, ଚଣ୍ଡିଗଡ଼ରେ ଧୂଳି ଝଡ଼ ହେବାର ଆଶଙ୍କା ରହିଛି । ଏହାର ବେଗ ଘଣ୍ଟା ପ୍ରତି 25 ରୁ 30 କିଲୋମିଟର ହୋଇପାରେ ବୋଲି ଆକଳନ କରାଯାଇଛି ।