Cyclone Tauktae: ଗୁଜୁରାଟ ଆଡକୁ ମୁହାଁଇଲା ଘୂର୍ଣ୍ଣିବଳୟ, ମୁମ୍ବାଇରେ ପ୍ରବଳ ବର୍ଷା, ଏପର୍ଯ୍ୟନ୍ତ 10 ଜଣଙ୍କର ମୃତ୍ୟୁ

ଗୁଜୁରାଟ ଉପକୂଳରେ 185 କିଲୋମିଟର ବେଗରେ ପବନ ହୋଇପାରେ, ତେଣୁ ଲକ୍ଷ ଲକ୍ଷ ଲୋକଙ୍କୁ ଉପକୂଳବର୍ତ୍ତୀ ଅଞ୍ଚଳରୁ ଅନ୍ୟ ସ୍ଥାନକୁ ସ୍ଥାନାନ୍ତର କରାଯାଇଛି । ଘୂର୍ଣ୍ଣିବଳୟ ଯୋଗୁଁ ଏଯାଏଁ 10 ଜଣଙ୍କର ମୃତ୍ୟୁ ହୋଇଛି ।

Published: Monday, May 17, 2021, 10:40 [IST]

ନୂଆଦିଲ୍ଲୀ : ଗୋଆ, କେରଳ ଏବଂ କର୍ଣ୍ଣାଟକରେ ବ୍ୟାପକ ରଚିବା ପରେ ସାଇକ୍ଲୋନ୍ ତାଉକତେ ଆହୁରି ଶକ୍ତିଶାଳୀ ହୋଇଛି । ଏହା ବର୍ତ୍ତମାନ ଗୁଜୁରାଟ ଆଡକୁ ଗତି କରୁଛି । ଅନୁମାନ କରାଯାଏ ଯେ ଏହା ଫଳରେ ଗୁଜୁରାଟ ଉପକୂଳରେ 185 କିଲୋମିଟର ବେଗରେ ପବନ ହୋଇପାରେ, ତେଣୁ ଲକ୍ଷ ଲକ୍ଷ ଲୋକଙ୍କୁ ଉପକୂଳବର୍ତ୍ତୀ ଅଞ୍ଚଳରୁ ଅନ୍ୟ ସ୍ଥାନକୁ ସ୍ଥାନାନ୍ତର କରାଯାଇଛି । ଘୂର୍ଣ୍ଣିବଳୟ ଯୋଗୁଁ ଏଯାଏଁ 10 ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରୁ କର୍ଣ୍ଣାଟକରେ 6, କେରଳ ଏବଂ ଗୋଆରେ 2 ଜଣ ଲେଖାଏଁ ପ୍ରାଣ ହରାଇଛନ୍ତି । ପ୍ରବଳ ବର୍ଷା ଓ ପବନ ଯୋଗୁଁ ରାସ୍ତା କଡ଼ରେ ଥିବା ଅନେକ ସ୍ଥାନରେ ଗଛ ଓ ବିଦ୍ୟୁତ ପୋଲ ଉପୁଡ଼ି ଯାଇଛି ଏବଂ ଅନେକ ଘର କ୍ଷତିଗ୍ରସ୍ତ ହୋଇଛି ।

ପ୍ରବଳ ବର୍ଷା ଏବଂ ପ୍ରବଳ ପବନର ଆଶଙ୍କା

ଭାରତୀୟ ପାଣିପାଗ ବିଭାଗ ଏହାର ଅପଡେଟରେ କହିଛି, ଆଜି ସନ୍ଧ୍ୟା ସୁଦ୍ଧା ଗୁଜୁରାଟର ଉପକୂଳରେ ଏହି ଘୂର୍ଣ୍ଣିବଳୟ ମାଡ଼ ହେବାର ସମ୍ଭାବନା ରହିଛି ଏବଂ ଏହି ସମୟରେ ପ୍ରବଳ ବର୍ଷା ଓ ପ୍ରବଳ ପବନ ହେବାର ମଧ୍ୟ ଆଶଙ୍କା ରହିଛି ।

ସାମ୍ଭାବ୍ୟ ପରିସ୍ଥିତିକୁ ଲକ୍ଷରେ ରଖି ରାଜ୍ୟରେ 24 ଟି NDRF ଦଳ ନିୟୋଜିତ ହୋଇଛନ୍ତି ଏବଂ ମୁଖ୍ୟମନ୍ତ୍ରୀ ରୁପାନି ମଧ୍ୟ ଏ ବାବଦରେ ଏକ ବୈଠକ କରିଛନ୍ତି ଏବଂ ଏହା ପରେ ସେ ରାଜ୍ୟର ଲୋକମାନଙ୍କୁ ମେ 17-18ରେ ଘରୁ ବାହରକୁ ନବାହାରିବାକୁ ନିବେଦନ କରିଛନ୍ତି । ଗୁଜୁରାଟର 8 ଟି ଜିଲ୍ଲାରେ ପ୍ରବଳ ବର୍ଷା ପାଇଁ ଏକ ସତର୍କ ସୂଚନା ଥିବାବେଳେ ଏହି ସମୟରେ ମୁମ୍ବାଇ ସମେତ ମହାରାଷ୍ଟ୍ରର ଅନେକ ଜିଲ୍ଲାରେ ପ୍ରବଳ ବର୍ଷା ଓ ପ୍ରବଳ ପବନ ହେଉଛି ।

ଏହି ସମୟରେ ସମୁଦ୍ରରେ ବଡ଼ ବଡ଼ ଲହରି ଉଠିବା ସହ ପ୍ରବଳ ବର୍ଷା ଓ ପବନ ଲାଗି ରହିଛି । ସାଇକ୍ଲୋନ୍ ଟାଉକତେ ଦୃଷ୍ଟିରେ ରଖି ଗୁଜୁରାଟରେ ଏବଂ ମୁମ୍ବାଇରେ ଆଜି ଟୀକାକରଣ କାର୍ଯ୍ୟକ୍ରମକୁ ବନ୍ଦ ରଖାଯାଇଛି । ପଶ୍ଚିମ ମୁମ୍ବାଇରେ NDRF ର 3 ଟି ଟିମ୍ ଏବଂ ଫାୟାର ବ୍ରିଗେଡର 6 ଟି ଦଳ ମଧ୍ୟ ନିୟୋଜିତ ହୋଇଛନ୍ତି ।

ପାଣିପାଗ ବିଭାଗର ସୂଚନାନୁସାରେ, ଉତ୍ତରପ୍ରଦେଶ, ରାଜସ୍ଥାନ, ମଧ୍ୟପ୍ରଦେଶରେ ମଧ୍ୟ ସାଇକ୍ଲୋନ୍ ଟାଉକତେର ପ୍ରଭାବ ଦେଖାଯିବ ଏବଂ ଆଜି ଏଠାରେ ପ୍ରବଳ ବର୍ଷା ହେବାର ଆଶଙ୍କା ରହିଛି । ଉଲ୍ଲେଖନୀୟ କଥା ହେଉଛି, ଆରବ ସାଗରରୁ ସୃଷ୍ଟ ସାଇକ୍ଲୋନିକ୍ ଝଡ଼ ତାଉକତେ ରବିବାର ଦିନ ଗୋଆର ଉପକୂଳରେ ମାଡ଼ ହୋଇ ବର୍ତ୍ତମାନ ଏହା ଗୁଜରାଟ ଆଡ଼କୁ ମୁହାଁଇଛି ଏହା ସହିତ ଘୂର୍ଣ୍ଣିଝଡ଼ ଶକ୍ତିଶାଳୀ ରୂପ ନେଇଛି ।

Published On May 17, 2021