Cyclone Biparjoy: ମଧ୍ୟରାତ୍ରି ପର୍ଯ୍ୟନ୍ତ ଜାରି ରହିବ ବିପର୍ଯ୍ୟୟ ଲ୍ୟାଣ୍ଡଫଳ ପ୍ରକ୍ରିୟା, 140KM ବେଗରେ ବହିବ ପବନ

Updated: Thursday, June 15, 2023, 21:44 [IST]

ଅହମ୍ମଦାବାଦ : ଶକ୍ତିଶାଳୀ ସାଇକ୍ଲୋନ୍ ବିପର୍ଯ୍ୟୟର ଲ୍ୟାଣ୍ଡଫଲ ପ୍ରକ୍ରିୟା ଆରମ୍ଭ ହୋଇଛି । ଏହି ପ୍ରକ୍ରିୟା ଗୁରୁବାର ମଧ୍ୟରାତ୍ର ପର୍ଯ୍ୟନ୍ତ ଜାରି ରହିବ । ଏ ନେଇ ଭାରତ ପାଣିପାଗ ବିଭାଗ (ଆଇଏମଡି) ସୂଚନା ଦେଇଛି । ଏହା ମଧ୍ୟ କୁହାଯାଇଛି ଯେ ଲ୍ୟାଣ୍ଡଫଲ ସମୟରେ ପବନର ବେଗ ଘଣ୍ଟାପ୍ରତି 115-125 କିଲୋମିଟର ରୁ 140 କିଲୋମିଟରରେ ପହଞ୍ଚିପାରେ ।

ଆଇଏମଡି ମହାନିର୍ଦ୍ଦେଶକ ଡକ୍ଟର ମୃତ୍ୟୁଞ୍ଜୟ ମହାପାତ୍ର କହିଛନ୍ତି ଯେ ଘୂର୍ଣ୍ଣିବଳୟ 'ବିପର୍ଯ୍ୟୟ' କରାଚି ଏବଂ ମାଣ୍ଡଭି ମଧ୍ୟରେ ଏବଂ ଗୁଜୁରାଟର ଜଖାଉ ବନ୍ଦର ନିକଟରେ ମାଡ଼ ହେବ । ଉପକୂଳବର୍ତ୍ତୀ ଜିଲ୍ଲା ସୌରାଷ୍ଟ୍ର ଏବଂ କଛରେ ଏହି ଲ୍ୟାଣ୍ଡଫଲ ପ୍ରକ୍ରିୟା ଆରମ୍ଭ ହୋଇଛି ।

ଏହି ସମୟରେ ଗୁଜୁରାଟର ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲ ଗୁରୁବାର ସକାଳେ ଗାନ୍ଧୀନଗରରେ ରାଜ୍ୟ ଜରୁରୀକାଳୀନ ଅପରେସନ୍ ସେଣ୍ଟରରେ ଏକ ସମୀକ୍ଷା ବୈଠକର ଅଧ୍ୟକ୍ଷତା କରିଥିଲେ । ସାଇକ୍ଲୋନନ୍ 'ବିପର୍ଯ୍ୟୟ' ଏହି ସଭାର ମୁଖ୍ୟ ପ୍ରସଙ୍ଗ ଥିଲା । ଘୂର୍ଣ୍ଣିବଳୟ 'ବିପର୍ଯ୍ୟୟ' ଉତ୍ତର-ପୂର୍ବ ଆରବ ସାଗରରେ ବିସ୍ତୃତ ରହିବ । ଏଥିସହିତ ସମସ୍ତ ମତ୍ସ୍ୟଜୀବୀଙ୍କୁ ସମୁଦ୍ର ଭିତରକୁ ଯିବା ମନା ହୋଇଛି । ଗୁଜୁରାଟ ଉପକୂଳରେ ଘୂର୍ଣ୍ଣିବଳୟ ପ୍ରସ୍ତୁତି ଜୋରସୋରରେ ଚାଲିଛି । ଜାତୀୟ ବିପର୍ଯ୍ୟୟ ମୁକାବିଲା ଫୋର୍ସ (NDRF) ଏବଂ ରାଜ୍ୟ ବିପର୍ଯ୍ୟୟ ମୁକାବିଲା ଫୋର୍ସ (SDRF) ନିୟୋଜିତ ହୋଇଛନ୍ତି ।