ବାତ୍ୟା ‘ଅସାନୀ' ବିପଦ, ଆଣ୍ଡାମାନ ଏବଂ ନିକୋବରରେ NDRF ନିୟୋଜିତ, ଆଲର୍ଟରେ ଅଛନ୍ତି ସେନା
ଆଣ୍ଡାମାନ ଏବଂ ନିକୋବରରେ ସାଇକ୍ଲୋନିକ୍ ଝଡ ‘ଅସାନୀ'ର ବିପଦକୁ ଦୃଷ୍ଟିରେ ରଖି ସମ୍ବେଦନଶୀଳ ଅଞ୍ଚଳରେ ଏନଡିଆରଏଫ୍ ଟିମ୍ ନିୟୋଜିତ କରାଯାଇଛି ।
ନୂଆଦିଲ୍ଲୀ : ଆଣ୍ଡାମାନ ଏବଂ ନିକୋବରରେ ସାଇକ୍ଲୋନିକ୍ ଝଡ 'ଅସାନୀ'ର ବିପଦକୁ ଦୃଷ୍ଟିରେ ରଖି ସମ୍ବେଦନଶୀଳ ଅଞ୍ଚଳରେ ଏନଡିଆରଏଫ୍ ଟିମ୍ ନିୟୋଜିତ କରାଯାଇଛି । ଏଥି ସହିତ ଜୀବନ ହାନି ଆଶଙ୍କାକୁ ଦୃଷ୍ଟିରେ ରଖି ତିନି ସୈନ୍ୟବାହିନୀକୁ ମଧ୍ୟ ସଜାଗ ରଖାଯାଇଛି । ଆଣ୍ଡାମାନ ଏବଂ ନିକୋବର ପ୍ରଶାସନ ଶନିବାର ଦିନ କହିଛି ଯେ ସର୍ଚ୍ଚ ଏବଂ ଉଦ୍ଧାର କାର୍ଯ୍ୟ ପାଇଁ ଆବଶ୍ୟକ ସମସ୍ତ ଉପକରଣ ସହିତ ବିଭିନ୍ନ ସ୍ଥାନରେ NDRF କର୍ମଚାରୀଙ୍କୁ ନିୟୋଜିତ କରାଯାଇଛି ।
କୌଣସି ଅଘଟଣ ପରିସ୍ଥିତିର ମୁକାବିଲା ପାଇଁ ଭାରତୀୟ ସେନା, ନୌସେନା, ବାୟୁସେନା ଏବଂ ଭାରତୀୟ ତଟରକ୍ଷୀ ବାହିନୀକୁ ଆଲର୍ଟ ରଖାଯାଇଛି । ଆବଶ୍ୟକ ହେଲେ ସେମାନଙ୍କର ସାହାଯ୍ୟ ନିଆଯିବ । ଆପଣଙ୍କୁ କହି ରଖୁଛୁ ଏହି ଝଡ଼ର ନାମକରଣ 'ଅସାନୀ' ଶ୍ରୀଲଙ୍କା କରିଛି ।
ପାଣିପାଗ ବିଭାଗ (IMD) କହିଛି ଯେ ବର୍ଷର ପ୍ରଥମ ଘୂର୍ଣ୍ଣିବଳୟ ଦକ୍ଷିଣ ପୂର୍ବ ବଙ୍ଗୋପସାଗରରେ ସୃଷ୍ଟି ହୋଇଛି । ମାର୍ଚ୍ଚ 19 ତାରିଖ ସକାଳେ ଏହା ପୂର୍ବ ଏବଂ ଉତ୍ତର-ପୂର୍ବ ଦିଗକୁ ଗତି କରିବ । ଏହା ପରେ ଉତ୍ତର ଦିଗକୁ ଗତି କରିବ ଏବଂ ମାର୍ଚ୍ଚ 20 ସୁଦ୍ଧା ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜରେ ପହଞ୍ଚିବ । ଆଇଏମଡି ଅନୁଯାୟୀ, ବଙ୍ଗୋପସାଗରରେ ନିମ୍ନ ଚାପ ଅଞ୍ଚଳ ମାର୍ଚ୍ଚ 21 ସୁଦ୍ଧା ଘୂର୍ଣ୍ଣିବଳୟ ସୃଷ୍ଟି ହୋଇପାରେ । ଯେଉଁଥିପାଇଁ ଏଠାରେ ପ୍ରବଳ ପବନ ଏବଂ ପ୍ରବଳ ବର୍ଷା ହେବାର ଆଶଙ୍କା ରହିଛି ।
ଆସାନୀର ବିପଦକୁ ଦୃଷ୍ଟିରେ ରଖି ପ୍ରଶାସନ ଏବଂ ପାଣିପାଗ ବିଭାଗ ମତ୍ସ୍ୟଜୀବୀଙ୍କୁ ସମୁଦ୍ରଠାରୁ ଦୂରରେ ରହିବାକୁ ପରାମର୍ଶ ଦେଇଛନ୍ତି । ଏହା ବ୍ୟତୀତ ପର୍ଯ୍ୟଟକମାନଙ୍କୁ ଡଙ୍ଗାରେ ନ ଯିବାକୁ ନିର୍ଦ୍ଦେଶ ଦିଆଯାଇଛି । ପାଣିପାଗ ବିଭାଗ କହିଛି ଯେ ରବିବାର ଦିନ ପବନର ବେଗ 70 ରୁ 80 କିଲୋମିଟର ହୋଇପାରେ, ଯାହା ପରଦିନ 90 କିଲୋମିଟର ପର୍ଯ୍ୟନ୍ତ ପହଞ୍ଚିପାରେ । ଏଭଳି ପରିସ୍ଥିତିରେ ସମୁଦ୍ର ନିକଟରେ ରହିବା ବିପଦଜନକ ହୋଇପାରେ ।
Click it and Unblock the Notifications
Sign in with Google