କରୋନା ବିରୁଦ୍ଧରେ 77.8% ପ୍ରଭାବଶାଳୀ କୋଭାକ୍ସିନ୍, ତୃତୀୟ ପର୍ଯ୍ୟାୟ କ୍ଲିନିକାଲ ପରୀକ୍ଷାର ଫଳାଫଳ

25 ହଜାର 800 ଲୋକଙ୍କ ଉପରେ ତୃତୀୟ ପର୍ଯ୍ୟାୟ ପରୀକ୍ଷଣ କରାଯାଇଥିଲା । କରୋନାରେ ଆକ୍ରାନ୍ତ ହେବା ପରେ ଏହି ଭ୍ୟାକସିନ୍ କେତେ ପ୍ରଭାବଶାଳୀ ତାହା ଏହି ଟ୍ରାଏଲରେ ପରୀକ୍ଷଣ ହୋଇଥିଲା ।

Published: Tuesday, June 22, 2021, 19:09 [IST]

ନୂଆଦିଲ୍ଲୀ : କରୋନା ଭାଇରସ ମହାମାରୀ ମଧ୍ୟରେ 18 ବର୍ଷରୁ ଅଧିକ ଲୋକଙ୍କୁ ମାଗଣାରେ ଟିକା ଦେବା ଅଭିଯାନ ଗତ ସୋମବାର ଠାରୁ ଅର୍ଥାତ୍ ଜୁନ୍ 21 ରୁ ଦେଶରେ ଆରମ୍ଭ ହୋଇଛି । ଏହି ସମୟରେ, ଦେଶରେ ଡ୍ରଗ୍ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆ (DCGI) ଦ୍ୱାରା ସ୍ୱୀକୃତ ହୋଇଥିବା ସ୍ୱଦେଶୀ ଟିକା କୋଭାକ୍ସିନର ତୃତୀୟ କ୍ଲିନିକାଲ୍ ପରୀକ୍ଷଣର ଫଳାଫଳ ସାମ୍ନାକୁ ଆସିଛି । ସୂଚନାନୁସାରେ, ତୃତୀୟ ପର୍ଯ୍ୟାୟ ପରୀକ୍ଷଣ ତଥ୍ୟ ଦର୍ଶାଏ ଯେ କରୋନା ବିରୁଦ୍ଧରେ କୋଭାକ୍ସିନ୍ ଟିକା 77.8% ପ୍ରଭାବଶାଳୀ ଅଟେ ।

ଭାରତ ବାୟୋଟେକ୍ ପକ୍ଷରୁ କେନ୍ଦ୍ର ସରକାରଙ୍କ କମିଟିକୁ ଏହି ରିପୋର୍ଟ ହସ୍ତାନ୍ତର କରି ଦିଆଯାଇଛି । ତୃତୀୟ ପର୍ଯ୍ୟାୟର ଡାଟା ମିଳିବା ପରେ ଏସଇସି ମଙ୍ଗଳବାର ବୈଠକ କରିଥିଲା । 25 ହଜାର 800 ଲୋକଙ୍କ ଉପରେ ତୃତୀୟ ପର୍ଯ୍ୟାୟ ପରୀକ୍ଷଣ କରାଯାଇଥିଲା । କରୋନାରେ ଆକ୍ରାନ୍ତ ହେବା ପରେ ଏହି ଭ୍ୟାକସିନ୍ କେତେ ପ୍ରଭାବଶାଳୀ ତାହା ଏହି ଟ୍ରାଏଲରେ ପରୀକ୍ଷଣ ହୋଇଥିଲା ।

ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଭାରତ ବାୟୋଟେକର କୋଭିଡ୍ ଭ୍ୟାକସିନ୍ ପାଇଁ ଏକ୍ସପ୍ରେସନ୍ ଅଫ୍ ଇଣ୍ଟରେଷ୍ଟ (EOI)ର ପ୍ରସ୍ତାବକୁ ସ୍ୱୀକାର କରିଛି ଏବଂ ଟିକାକୁ ମଞ୍ଜୁରୀ ଦେବା ସମ୍ବନ୍ଧିତ ଡକ୍ୟୁମେଣ୍ଟ ପ୍ରଦାନ କରିବା ପୂର୍ବରୁ ଜୁନ୍ 23 ତାରିଖରେ ଡବ୍ଲୁଏଚଓ ସହ ବୈଠକ ହେବ । ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଅନୁଯାୟୀ ଏହି ବୈଠକରେ ଉତ୍ପାଦର ସବିଶେଷ ସମୀକ୍ଷା କରାଯିବ ନାହିଁ, କିନ୍ତୁ ଟିକା ଉତ୍ପାଦନକାରୀଙ୍କ ନିକଟରେ ଟିକାର ଗୁଣବତ୍ତାକୁ ନେଇ ସଂକ୍ଷିପ୍ତ ବିବରଣୀ ଉପସ୍ଥାପନ କରିବା ପାଇଁ ସୁଯୋଗ ମିଳିବ । ସୂଚନାଯୋଗ୍ୟ, ଭାରତ ବାୟୋଟେକ୍ ଗତ ମାସରେ କହିଥିଲା ଯେ ଜୁଲାଇ-ସେପ୍ଟେମ୍ବର ସୁଦ୍ଧା କୋଭାକ୍ସିନ ଟିକାକୁ ଜରୁରୀକାଳୀନ ବ୍ୟବହାର ପାଇଁ WHOରୁ ଅନୁମୋଦନ ମିଳିଯିବ ।

ଅନେକ ଗଣମାଧ୍ୟମ ରିପୋର୍ଟରେ ସୂତ୍ରରୁ ପ୍ରକାଶ ଯେ ସାରା ଦେଶରେ କୋଭାକ୍ସିନ୍‌ର ତୃତୀୟ ପର୍ଯ୍ୟାୟ କ୍ଲିନିକାଲ୍ ଟ୍ରାଏଲରେ କରୋନା ବିରୁଦ୍ଧରେ ଏହି ଟିକା 77.8 ପ୍ରତିଶତ ପ୍ରଭାବଶାଳୀ ବୋଲି ଜଣାପଡ଼ିଛି । ବିଷୟ ବିଶେଷଜ୍ଞ କମିଟି (SEC) ଭାରତ ବାୟୋଟେକ୍ ତଥ୍ୟର ସମୀକ୍ଷା କରିଛି, କିନ୍ତୁ ଏପର୍ଯ୍ୟନ୍ତ କୌଣସି ଅନୁମୋଦନ ଦିଆଯାଇ ନାହିଁ । ସୂଚନାନୁସାରେ, କୋଭାକ୍ସିନ୍ ପରୀକ୍ଷଣର ଫଳାଫଳ ସମୀକ୍ଷା କରିବା ପାଇଁ ମଙ୍ଗଳବାର ଅପରାହ୍ନରେ ଏକ ବିଶେଷଜ୍ଞ ଦଳ ଏକତ୍ରିତ ହୋଇଥିଲେ । କୁହାଯାଉଛି ଯେ SEC ବର୍ତ୍ତମାନ ତଥ୍ୟକୁ ଡ୍ରଗ୍ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆ ନିକଟକୁ ସମୀକ୍ଷା ପାଇଁ ପଠାଇବ । ଭରତ ବାୟୋଟେକ୍ ମଙ୍ଗଳବାର ଏକ ଉପସ୍ଥାପନା କରିଥିଲା ଯେଉଁଥିରେ ପ୍ୟାନେଲରେ ତଥ୍ୟ ଉପସ୍ଥାପିତ ହୋଇଥିଲା, ଯାହା କୋଭାକ୍ସିନର 77.8% ଫଳପ୍ରଦତା ଦର୍ଶାଇଥିଲା ।

Published On June 22, 2021