ସ୍ଥଗିତ ରହିଲା ଜ୍ଞାନବାପୀ ମାମଲା ଶୁଣାଣି, ନଭେମ୍ବର 17 ରେ ଆସିବ ରାୟ

ଜ୍ଞାନବାପୀ ମାମଲାରେ ସୋମବାର ଦିନ ବାରଣାସୀର ସିଭିଲ ଫାଷ୍ଟ ଟ୍ରାକ କୋର୍ଟରେ ଶୁଣାଣି ହୋଇଛି । କୋର୍ଟରେ ଏହି ମାମଲାର ଶୁଣାଣି ପରେ ସିଭିଲ୍ ଜଜ୍ ସିନିୟର ଡିଭିଜନ୍ ମହେନ୍ଦ୍ର କୁମାର ପାଣ୍ଡେ ଏହି ନିଷ୍ପତ୍ତିକୁ 2 ଦିନ ସ୍ଥଗିତ ରଖିଛନ୍ତି ।

Published: Monday, November 14, 2022, 16:58 [IST]

ବାରଣାସୀ : ଜ୍ଞାନବାପୀ ମାମଲାରେ ସୋମବାର ଦିନ ବାରଣାସୀର ସିଭିଲ ଫାଷ୍ଟ ଟ୍ରାକ କୋର୍ଟରେ ଶୁଣାଣି ହୋଇଛି । କୋର୍ଟରେ ଏହି ମାମଲାର ଶୁଣାଣି ପରେ ସିଭିଲ୍ ଜଜ୍ ସିନିୟର ଡିଭିଜନ୍ ମହେନ୍ଦ୍ର କୁମାର ପାଣ୍ଡେ ଏହି ନିଷ୍ପତ୍ତିକୁ 2 ଦିନ ସ୍ଥଗିତ ରଖିଛନ୍ତି । ଏହା ପରେ ନଭେମ୍ବର 17 ରେ, ନିଷ୍ପତ୍ତି ନିଆଯିବ କି ଏହା ଶୁଣାଣି ଯୋଗ୍ୟ କି ନାହିଁ ।

ବାରଣାସୀର ଫାଷ୍ଟ ଟ୍ରାକ କୋର୍ଟ କିରଣ ସିଂହ ବିସେନଙ୍କ ଦ୍ୱାରା ଦାଖଲ ହୋଇଥିବା ଏକ ପିଟିସନର ଶୁଣାଣି କରିଥିଲା । ସୋମବାର ଉଭୟ ପକ୍ଷର ଶୁଣାଣି ପରେ କୋର୍ଟ ପୂର୍ବ ତାରିଖରେ ଏହି ନିଷ୍ପତ୍ତି ସଂରକ୍ଷିତ ରଖିଥିଲେ । ହିନ୍ଦୁ ପକ୍ଷର ଓକିଲ ଅନୁପମ ଦ୍ୱିବେଦୀ କହିଛନ୍ତି ଯେ କୋର୍ଟ ଏହାର ନିଷ୍ପତ୍ତି ପ୍ରସ୍ତୁତ କରିଛନ୍ତି, କିନ୍ତୁ କିଛି ବୈଷୟିକ କାରଣରୁ ଆଉ ଦୁଇ ଦିନ ସମୟ ନେଇଛନ୍ତି । କୋର୍ଟ କହିଛନ୍ତି ଯେ ଏହି ନିର୍ଦ୍ଦେଶ ପ୍ରସ୍ତୁତ କରିବାକୁ ସମୟ ଲାଗୁଛି ।
ଏହାପୂର୍ବରୁ ଏହି ମାମଲାର ଶୁଣାଣି କେବଳ ନଭେମ୍ବର 8 ରେ ହେବାର ଥିଲା । ତେବେ କୋର୍ଟର ପ୍ରିଜାଇଡିଂ ଅଫିସର ଛୁଟିରେ ଥିବାରୁ ପରବର୍ତ୍ତୀ ତାରିଖ ନଭେମ୍ବର 14 ପାଇଁ ସ୍ଥିର କରାଯାଇଥିଲା । ହିନ୍ଦୁ ଏବଂ ମୁସଲମାନ ପକ୍ଷ କୋର୍ଟରେ ନିଜର ଯୁକ୍ତି ରଖି ସାରିଛନ୍ତି ଏବଂ ଏହାର ଏକ ଲିଖିତ କପି ଦାଖଲ କରିଛନ୍ତି ।

ଆପଣଙ୍କୁ କହି ରଖୁଛ ବିଶ୍ୱ ବୈଦିକ ସନାତନ ସଂଗଠନ (ଭିଭିଏସ୍ଏସ୍) ପକ୍ଷରୁ ଏକ ମାମଲା ଦାଏର କରାଯାଇଥିଲା ଯେ ସମଗ୍ର ଜ୍ଞାନବାପୀ ପରିସର ଅଧିକାର ହିନ୍ଦୁ ପକ୍ଷକୁ ହସ୍ତାନ୍ତର କରାଯାଉ । ହିନ୍ଦୁମାନଙ୍କୁ ସ୍ୱୟମ୍ବୁ ଜ୍ୟୋତିର୍ଲିଙ୍ଗ ଭଗବାନ ବିଶ୍ୱେଶ୍ୱରଙ୍କୁ ଦର୍ଶନ ଓ ଉପାସନା କରିବାକୁ ଅନୁମତି ଦିଆଯାଉ ।

କଣ ରହିଛି ଦାବି -

ଜ୍ଞାନବାପୀ ପରିସରରେ ମୁସଲମାନ ପକ୍ଷର ପ୍ରବେଶ ଉପରେ ପ୍ରତିବନ୍ଧକ ଲଗାଯିବା ଉଚିତ୍ ।
ଜ୍ଞାନବାପୀ ର ସମ୍ପୂର୍ଣ୍ଣ ପରିସରକୁ ହିନ୍ଦୁମାନଙ୍କୁ ହସ୍ତାନ୍ତର କରାଯିବା ଉଚିତ୍ ।
ଜ୍ଞାନବାପୀ ପରିସରରେ ମିଳୁଥିବା ଜ୍ୟୋତିର୍ଲିଙ୍ଗର ନିୟମିତ ଉପାସନାକୁ ଅନୁମତି ଦିଆଯିବା ଉଚିତ୍ ।

ଆପଣଙ୍କୁ କହି ରଖୁଛୁ ବାସ୍ତବରେ ଏହା ଏକ ଭିନ୍ନ ମାମଲା । ଯାହାର 5 ହିନ୍ଦୁ ମହିଳାଙ୍କ ପକ୍ଷରୁ ବାରଣାସୀ କୋର୍ଟରେ ବିଚାରାଧୀନ ଥିବା ଅନ୍ୟ ମାମଲା ସହିତ କୌଣସି ସମ୍ପର୍କ ନାହିଁ । ତାହା ଜ୍ଞାନବାପୀ ମସଜିଦ ପରିସରରେ ପ୍ରାର୍ଥନା କରିବା ନେଇ ଅଧିକାର ଦାବି କରିଛି । ବାରାଣାସୀ କୋର୍ଟ ଜ୍ଞାନବାପୀ ମସଜିଦ ପରିସରରେ ମା ଶୃଙ୍ଗାର ଗୋରୀ ଙ୍କ ପୂଜାପାଠ ପାଇଁ ଆବେଦନ ଶୁଣାଣିକୁ ଅନୁମୋଦନ କରିଛନ୍ତି ।

Published On November 14, 2022