COVID : ଗୁଜୁରାଟରେ ଚିହ୍ନଟ ହେଲା XE ଭାରିଆଣ୍ଟର ପ୍ରଥମ ମାମଲା
ବର୍ତ୍ତମାନ ସୁଦ୍ଧା ସାରା ବିଶ୍ୱରେ 600 ରୁ ଅଧିକ ଲୋକ ଏହି ଭାରିଆଣ୍ଟର ଶିକାର ହୋଇଛନ୍ତି । ଚିନ୍ତାର ବିଷୟ ହେଉଛି ଏହି ସମୟରେ ଗୁଜୁରାଟରେ ମଧ୍ୟ ଏଭଳି ମାମଲା ସାମ୍ନାକୁ ଆସିଛି ।
ଅହମ୍ମଦାବାଦ : କରୋନା ମହାମାରୀର ତୃତୀୟ ଲହରର ସମାପ୍ତି ପରେ, ବର୍ତ୍ତମାନ କରୋନା ଭାଇରସର ଏକ ନୂଆ ଭାରିଆଣ୍ଟର ଆଶଙ୍କା ସାମ୍ନାକୁ ଆସିଛି । ଏହି ଭାରିଆଣ୍ଟକୁ Covid 19 XE ଭାବରେ ନାମିତ କରାଯାଇଛି । ବର୍ତ୍ତମାନ ସୁଦ୍ଧା ସାରା ବିଶ୍ୱରେ 600 ରୁ ଅଧିକ ଲୋକ ଏହି ଭାରିଆଣ୍ଟର ଶିକାର ହୋଇଛନ୍ତି । ଚିନ୍ତାର ବିଷୟ ହେଉଛି ଏହି ସମୟରେ ଗୁଜୁରାଟରେ ମଧ୍ୟ ଏଭଳି ମାମଲା ସାମ୍ନାକୁ ଆସିଛି ।
ଜଣେ ଉଚ୍ଚ ପଦାଧିକାରୀ ସ୍ୱାସ୍ଥ୍ୟ ଅଧିକାରୀ କହିଛନ୍ତି ଯେ ଗୁଜୁରାଟରେ କରୋନାଭାଇରସ୍ ର XE ଭାରିଆଣ୍ଟ ରୋଗୀ ଚିହ୍ନଟ ହୋଇଛନ୍ତି ଏବଂ ଏହା ରାଜ୍ୟରେ ପ୍ରଥମ ଘଟଣା । ସେ କହିଛନ୍ତି ଯେ ଏହି ଭାରିଆଣ୍ଟ ଓମିକ୍ରନ୍ ଅପେକ୍ଷା ଗମ୍ଭୀର ନୁହେଁ, ତଥାପି ଏହା ଚିନ୍ତାର ବିଷୟ ।
ଗୁଜୁରାଟରେ କରୋନାଭାଇରସ୍ ର ନୂଆ ଭାରିଆଣ୍ଟ ସଂକ୍ରମିତ ଚିହ୍ନଟ ହେବା ପରେ ଅଧିକାରୀ କହିଛନ୍ତି, ବ୍ୟକ୍ତିଙ୍କ ନମୁନା ଗୁଜୁରାଟରୁ ଏନସିଡିସିକୁ ପଠାଯାଇଛି, ସେଠାରେ ଏହାର ଭାରିଆଣ୍ଟ ବିଷୟରେ ନିଶ୍ଚିତ ହେବ । କିନ୍ତୁ ଆମେ ଯାହା ଦେଖୁଛୁ ଯେଉଁ ମାମଲା ମୁମ୍ବାଇରେ ପଞ୍ଜୀକୃତ ହୋଇଛନ୍ତି, ଏହା ଦିଆଯାଇଥିବା ନମୁନା ସହିତ ମେଳ ଖାଉଛି ।
ସୂଚନାଯୋଗ୍ୟ ଯେ, କରୋନା ମହାମାରୀ ବ୍ୟାପିବା ପରଠାରୁ ଏହାର ଅନେକ ପ୍ରକାର ସାମ୍ନାକୁ ଆସିଛି । ଗତ ଦୁଇ ବର୍ଷ ମଧ୍ୟରେ, ପରିବର୍ତ୍ତନ ହେତୁ ସମଗ୍ର ବିଶ୍ୱରେ କରୋନାଭାଇରସ୍ ର ପ୍ରକୋପ ଦେଖିବାକୁ ମିଳିଥିଲା । ଏହି କରୋନା କାରଣରୁ ଲକ୍ଷ ଲକ୍ଷ ଜୀନବ ହାନି ହୋଇଛି । ଏହା ବ୍ୟତୀତ କୋଟି କୋଟି ଲୋକ ଏହା ଦ୍ୱାରା ସଂକ୍ରମିତ ହୋଇଛନ୍ତି । ଏହା ଅନେକ ଦେଶର ଅର୍ଥନୀତିକୁ ମଧ୍ୟ ଦୁର୍ବଳ କରିଦେଇଛି ।
Click it and Unblock the Notifications
Sign in with Google