ହ୍ରାସ ପାଇଲା କରୋନା ସଂକ୍ରମଣ, ଗତ 24 ଘଣ୍ଟାରେ 32937 ନୂତନ ମାମଲା, ସୁସ୍ଥ ହେଲେ 35909
ଭାରତରେ କରୋନା ସଂକ୍ରମଣରେ ସାମାନ୍ୟ ହ୍ରାସ ହେଉଥିବା ପରିଲକ୍ଷିତ ହେଉଛି । ଗତ 24 ଘଣ୍ଟା ମଧ୍ୟରେ ଦେଶରେ 32 ହଜାର 937 ଜଣ ନୂଆ କରୋନା ରୋଗୀ ଚିହ୍ନଟ ହୋଇଥିବା ବେଳେ 417 ଜଣଙ୍କର ମୃତ୍ୟୁ ହୋଇଛି ।
ନୂଆଦିଲ୍ଲୀ : ଭାରତରେ କରୋନା ସଂକ୍ରମଣରେ ସାମାନ୍ୟ ହ୍ରାସ ହେଉଥିବା ପରିଲକ୍ଷିତ ହେଉଛି । ଗତ 24 ଘଣ୍ଟା ମଧ୍ୟରେ ଦେଶରେ 32 ହଜାର 937 ଜଣ ନୂଆ କରୋନା ରୋଗୀ ଚିହ୍ନଟ ହୋଇଥିବା ବେଳେ 417 ଜଣଙ୍କର ମୃତ୍ୟୁ ହୋଇଛି ।
ଅପରପକ୍ଷରେ ଏହି ସମୟ ମଧ୍ୟରେ 35 ହଜାର 909 ଜଣ ରୋଗୀ କରୋନାରୁ ସୁସ୍ଥ ହୋଇଛନ୍ତି ।
ନୂଆ ସଂକ୍ରମିତ ଚିହ୍ନଟ ହେବା ପରେ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା 3 କୋଟି 22 ଲକ୍ଷ 25 ହଜାର 5123 ରେ ପହଞ୍ଚିଛି ଏବଂ ଏଯାବତ୍ ମୋଟ 3 କୋଟି 14 ଲକ୍ଷ 11 ହଜାର 924 ଜଣ ସୁସ୍ଥ ହେଲେଣି । ଏହା ବ୍ୟତୀତ ଦେଶରେ କରୋନା କାରଣରୁ ମୋଟ 4 ଲକ୍ଷ 31 ହଜାର 642 ଜଣଙ୍କର ମୃତ୍ୟୁ ହୋଇଛି । ସେହପରି ବର୍ତ୍ତମାନ ଦେଶରେ 3 ଲକ୍ଷ 81 ହଜାର 947 ଜଣ ସକ୍ରିୟ ରୋଗୀ ଅଛନ୍ତି ।
16 ଜାନୁୟାରୀ 2021 ରୁ ଆରମ୍ଭ ହୋଇଥିବା ଟୀକାକରଣ ଅଭିଯାନରେ ଏପର୍ଯ୍ୟନ୍ତ 54 କୋଟିରୁ ଅଧିକ ଲୋକଙ୍କୁ ଟୀକାକରଣ କରାଯାଇଛି । ଆଜି ସୁଦ୍ଧା ଦେଶରେ ମୋଟ 54 କୋଟି 58 ଲକ୍ଷ 57 ହଜାର 108 ଡୋଜ୍ ଟିକା ଦିଆଯାଇଛି । ଏଥି ସହିତ, ଗତ 24 ଘଣ୍ଟାରେ 17, 43 , 114 ଡୋଜ୍ ଟିକା ଦିଆଯାଇଛି ।
ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍ଆର) ଅନୁଯାୟୀ ଦେଶରେ ଏପର୍ଯ୍ୟନ୍ତ 49, 48 , 05, 652 କରୋନା ନମୁନା ପରୀକ୍ଷା କରାଯାଇଛି । ଏହି ସମୟରେ, ଗତ 24 ଘଣ୍ଟା ମଧ୍ୟରେ 11, 81, 212 ନମୁନା ପରୀକ୍ଷା କରାଯାଇଛି |
Click it and Unblock the Notifications
Sign in with Google