ଘରୋଇ ଏବଂ ସରକାରୀ କାର୍ଯ୍ୟାଳୟରେ ହେବ ଟୀକାକରଣ, ଅପ୍ରେଲ 11 ରୁ ଆରମ୍ଭ ହେବ ଅଭିଯାନ
ବେସରକାରୀ ତଥା ସରକାରୀ ଅନୁଷ୍ଠାନରେ ଟୀକାକରଣ କେନ୍ଦ୍ର ଆରମ୍ଭ କରାଯିବ । ଏଥିପାଇଁ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳକୁ ପ୍ରସ୍ତୁତ ହେବାକୁ ନିର୍ଦ୍ଦେଶ ଦିଆଯାଇଛି, ଯାହା ଦ୍ୱାରା 11 ଅପ୍ରେଲରୁ ଅଭିଯାନ ଆରମ୍ଭ ହୋଇପାରିବ ।
ନୂଆଦିଲ୍ଲୀ : ଦେଶରେ କରୋନା ସଂକ୍ରମିତ ରୋଗୀଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଉଛି । ଏଭଳି ପରିସ୍ଥିତିରେ ଟୀକାକରଣ ଅଭିଯାନକୁ ଜୋରଦାର କରିବା ସରକାରଙ୍କ ସମ୍ପୂର୍ଣ୍ଣ ଧ୍ୟାନ, ଯାହା ଦ୍ୱାରା ବହୁ ଜନସଂଖ୍ୟା ଏହି ମହାମାରୀରୁ ରକ୍ଷା ପାଇପାରିବେ । ଏଥିପାଇଁ କେନ୍ଦ୍ର ସରକାର ଏକ ନୂତନ ଯୋଜନା ପ୍ରସ୍ତୁତ କରିଛନ୍ତି । ଯାହା ଅଧୀନରେ ବେସରକାରୀ ତଥା ସରକାରୀ ଅନୁଷ୍ଠାନରେ ଟୀକାକରଣ କେନ୍ଦ୍ର ଆରମ୍ଭ କରାଯିବ । ଏଥିପାଇଁ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳକୁ ପ୍ରସ୍ତୁତ ହେବାକୁ ନିର୍ଦ୍ଦେଶ ଦିଆଯାଇଛି, ଯାହା ଦ୍ୱାରା 11 ଅପ୍ରେଲରୁ ଅଭିଯାନ ଆରମ୍ଭ ହୋଇପାରିବ ।
ସୂଚନାନୁସାରେ, ଯେଉଁ ଅନୁଷ୍ଠାନରେ 100 ରୁ ଅଧିକ ଯୋଗ୍ୟ ଏବଂ ଆଗ୍ରହୀ ବ୍ୟକ୍ତି ଅଛନ୍ତି, ସେଠାରେ ସରକାର ଟୀକାକରଣ କେନ୍ଦ୍ର ସ୍ଥାପନ କରିପାରିବେ । ଯାହା ଦ୍ୱାରା ଲୋକମାନେ ଛୁଟି ନ ନେଇ ଟୀକାକରଣ କରିପାରିବେ । ଏଥିପାଇଁ କେନ୍ଦ୍ର ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଛି । ଏହି ଯୋଜନା ଆରମ୍ଭ ହେବାର ତାରିଖ ଅପ୍ରେଲ 11 ରଖାଯାଇଛି, କିନ୍ତୁ ଏ ସମ୍ପର୍କରେ କେନ୍ଦ୍ରରୁ କୌଣସି ସରକାରୀ ବିବୃତ୍ତି ଆସିନାହିଁ ।
ମାନକରେ ହୋଇନାହିଁ ପରିବର୍ତ୍ତନ
ଏହା ନୁହେଁ ଯେ ସରକାର ସବୁ ବୟସର ଲୋକଙ୍କ ପାଇଁ ଏହି ଟୀକାକଣକୁ ଅନୁମୋଦନ କରିଛନ୍ତି । ସରକାରୀ ଏବଂ ବେସରକାରୀ ଅନୁଷ୍ଠାନରେ ଟୀକାକରଣ ଅଭିଯାନର ଅର୍ଥ ହେଉଛି ଯେଉଁମାନେ 45 ବର୍ଷରୁ ଅଧିକ ବୟସ୍କ ସେମାନଙ୍କୁ ଟୀକାକରଣ କରାଯିବ । ଏହା ଅଧୀନରେ କର୍ମଚାରୀମାନଙ୍କୁ ଡାକ୍ତରଖାନା ଯିବାକୁ ପଡିବ ନାହିଁ, ଏହା ବଦଳରେ ସ୍ୱାସ୍ଥ୍ୟ ବିଭାଗର ଦଳ ଏକ ନିର୍ଦ୍ଦିଷ୍ଟ ସମୟରେ ଆସିବେ ଏବଂ ସେଠାରେ ଉପସ୍ଥିତ ଥିବା ସମସ୍ତ ଯୋଗ୍ୟ ଲୋକଙ୍କୁ ଟିକା ଦେବେ ।
Click it and Unblock the Notifications
Sign in with Google