ପୁଣି ବୃଦ୍ଧି ପାଇଲା କରୋନା ମାମଲା, ଗତ 24 ଘଣ୍ଟାରେ 45 ହଜାର 892 ସଂକ୍ରମିତ ଚିହ୍ନଟ, 817 ମୃତ
ଦେଶର ଗତ 24 ଘଣ୍ଟା ମଧ୍ୟରେ 45 ହଜାର 892 ଜଣ ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ 44 ହଜାର 291 ଜଣ ଲୋକ ସୁସ୍ଥ ହୋଇଛନ୍ତି । ଯେତେବେଳେ କି 817 ଲୋକ କରୋନାରେ ପ୍ରାଣ ହରାଇଛନ୍ତି ।
ନୂଆଦିଲ୍ଲୀ : କରୋନା ମହାମାରୀର ଦ୍ୱିତୀୟ ଲହର ପ୍ରଭାବ ଧିରେ ଧିରେ କମୁଥିବା ବେଳେ ଗତ ଦୁଇ ଦିନ ହେବ କରୋନା ସଂକ୍ରମଣରେ ପୁଣି ସଂକ୍ରମିତଙ୍କ ସଂଖ୍ୟା ବୃଦ୍ଧି ହୋଇଛି । ଦେଶର ଗତ 24 ଘଣ୍ଟା ମଧ୍ୟରେ 45 ହଜାର 892 ଜଣ ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ 44 ହଜାର 291 ଜଣ ଲୋକ ସୁସ୍ଥ ହୋଇଛନ୍ତି । ଯେତେବେଳେ କି 817 ଲୋକ କରୋନାରେ ପ୍ରାଣ ହରାଇଛନ୍ତି ।
ବର୍ତ୍ତମାନ ଦେଶରେ ମୋଟ ସକ୍ରିୟ ମାମଲା 4 ଲକ୍ଷ 60 ହଜାର 704 ରହିଥିବାବେଳେ ଏପର୍ଯ୍ୟନ୍ତ 4 ଲକ୍ଷ 5 ହଜାର 28 ଲୋକଙ୍କର ମୃତ୍ୟୁ ହୋଇଛି । ଦେଶରେ କରୋନା ଟୀକାକରଣ ବିଷୟରେ କହିବାକୁ ଗଲେ ଏପର୍ଯ୍ୟନ୍ତ 36 କୋଟି 48 ଲକ୍ଷ 47 ହଜାର 549 ଡୋଜ କରୋନା ଟିକା ଦିଆଯାଇଥିବାବେଳେ ଗତ 24 ଘଣ୍ଟା ମଧ୍ୟରେ 33 ଲକ୍ଷ 81 ହଜାର 671 ଡୋଜ କରୋନା ଦିଆଯାଇଛି ।
ଦେଶରେ କରୋନାର ମୋଟ ସଂକ୍ରମିତ ମାମଲା ମଧ୍ୟରୁ ଏପର୍ଯ୍ୟନ୍ତ ଦେଶରେ ମାତ୍ର 1.50 ପ୍ରତିଶତ ମାମଲା ରହିଛି । ଦେଶରେ କରୋନାରୁ ସୁସ୍ଥ ହେଉଥିବା ରୋଗୀଙ୍କ ସଂଖ୍ୟାରେ ମଧ୍ୟ ବୃଦ୍ଧି ଘଟିଛି । କରୋନାରୁ ସୁସ୍ଥ ହାର 97.18 ପ୍ରତିଶତ ହୋଇଥିବାବେଳେ ସାପ୍ତାହିକ ସଂକ୍ରମଣ ହାର 2.37 ପ୍ରତିଶତ ରହିଛି । ଦୈନିକ ସଂକ୍ରମଣ ହାର ବିଷୟରେ କହିବାକୁ ଗଲେ ଏହା 2.42 ପ୍ରତିଶତ ଅଟେ, ଯାହା ଗତ 17 ଦିନ ପାଇଁ କ୍ରମାଗତ ଭାବରେ 3 ପ୍ରତିଶତରୁ କମ୍ ଅଟେ । ଦେଶରେ କରୋନା ସଂକ୍ରମଣର ଅନୁସନ୍ଧାନରେ ଉଲ୍ଲେଖନୀୟ ବୃଦ୍ଧି ଘଟିଛି, ଏପର୍ଯ୍ୟନ୍ତ ଦେଶରେ 42.52 କୋଟି କରୋନା ନମୁନା ପରୀକ୍ଷା କରାଯାଇଛି ।
ଦେଶରେ କ୍ରମାଗତ ଭାବେ କରୋନା ର ଡେଲଟା ଭାରିଆଣ୍ଟର ବିପଦ ମଧ୍ୟ ବୃଦ୍ଧି ପାଉଛି | ଏହାର ମାମଲା ଦେଶର ବିଭିନ୍ନ ସ୍ଥାନରେ ଆସିବା ଆରମ୍ଭ କରିଛି। ଉତ୍ତରପ୍ରଦେଶରେ ମଧ୍ୟ ନୂଆ ମାମଲା ଦେଖିବାକୁ ମିଳୁଛି। ଗୋରଖପୁର ଏବଂ ଦେଓରିଆରେ ଡେଲଟା ଭାରିଆଣ୍ଟର ଦୁଇଟି ନୂତନ ମାମଲା ରିପୋର୍ଟ ହୋଇଛି, ସେଥିମଧ୍ୟରୁ ଜଣଙ୍କର ମୃତ୍ୟୁ ହୋଇଛି। ଜଣେ 23 ବର୍ଷୀୟ MBBS ଛାତ୍ରଙ୍କର ଏକ ଡେଲଟା ଭେରିଏଣ୍ଟ ଥିବା ଦେଖିବାକୁ ମିଳିଛି, ବର୍ତ୍ତମାନ ତାଙ୍କ ସ୍ୱାସ୍ଥ୍ୟ ସ୍ଥିର ଅଛି | ଏଥିସହିତ ଦେଓରିଆରେ 66 ବର୍ଷିୟ ଡେଲଟା ପ୍ରକାର ଦେଖିବାକୁ ମିଳିଥିଲା, ଯାହାର ମୃତ୍ୟୁ ଘଟିଛି।