ପୁଣି ବୃଦ୍ଧି ପାଇଲା କରୋନା ମାମଲା, 24 ଘଣ୍ଟା ମଧ୍ୟରେ 43733 ନୂଆ ସଂକ୍ରମିତ ଚିହ୍ନଟ, 930 ମୃତ୍ୟୁ
ବୁଧବାର ଏହି ପରିସଂଖ୍ୟାନ ପ୍ରକାଶ କରି କେନ୍ଦ୍ର ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ କହିଛି ଯେ ଗତ 24 ଘଣ୍ଟା ମଧ୍ୟରେ ଦେଶରେ 43 ହଜାର 733 ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଥିବାବେଳେ 930 ଜଣଙ୍କର ସଂକ୍ରମଣ ହେତୁ ମୃତ୍ୟୁ ହୋଇଛି ।
ନୂଆଦିଲ୍ଲୀ : ମଙ୍ଗଳବାର ଦିନ କରୋନା ସଂକ୍ରମଣରେ ଏକ ବଡ଼ ହ୍ରାସ ପରେ ବୁଧବାର ଦିନ ପୁଣି ଥରେ ସଂକ୍ରମଣ ବୃଦ୍ଧି ପାଇଛି । ବୁଧବାର ଏହି ପରିସଂଖ୍ୟାନ ପ୍ରକାଶ କରି କେନ୍ଦ୍ର ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ କହିଛି ଯେ ଗତ 24 ଘଣ୍ଟା ମଧ୍ୟରେ ଦେଶରେ 43 ହଜାର 733 ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଥିବାବେଳେ 930 ଜଣଙ୍କର ସଂକ୍ରମଣ ହେତୁ ମୃତ୍ୟୁ ହୋଇଛି ।
ଏହା ବ୍ୟତୀତ ଗତ ଦିନରେ କରୋନାରୁ 47 ହଜାର 240 ରୋଗୀ ମଧ୍ୟ ଆରୋଗ୍ୟ ଲାଭ କରିଛନ୍ତି । ଏହି ନୂତନ ଆକଳନ ସହିତ, ମୋଟ କରୋନା ସଂକ୍ରମିତ ସଂଖ୍ୟା 3 କୋଟି 6 ଲକ୍ଷ 63 ହଜାର 665 କୁ ବୃଦ୍ଧି ପାଇବା ସହ ସୁସ୍ଥଙ୍କ ସଂଖ୍ୟା 2 କୋଟି 97 ଲକ୍ଷ 99 ହଜାର 534ରେ ପହଞ୍ଚିଛି ।
ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ କରୋନା ଯୋଗୁଁ ଏପର୍ଯ୍ୟନ୍ତ ମୋଟ 4 ଲକ୍ଷ 4 ହଜାର 211 ଲୋକ ପ୍ରାଣ ହରାଇଛନ୍ତି । ତେବେ ଏକ ବଡ କଥା ହେଉଛି କରୋନାରୁ ସୁସ୍ଥ ହେଉଥିବା ରୋଗୀଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି ଏବଂ ବର୍ତ୍ତମାନ ଦେଶରେ କେବଳ 4 ଲକ୍ଷ 59 ହଜାର 920 ସକ୍ରିୟ ମାମଲା ରହିଛି ।
ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, କରୋନା ରୋଗୀଙ୍କ ସୁସ୍ଥ ହାର ବର୍ତ୍ତମାନ 97.18 ପ୍ରତିଶତ ରହିଛି ।
ଆମେ ଆପଣଙ୍କୁ କହି ରଖୁଛୁ ଯେ ଦେଶରେ କରୋନା ଭାଇରସ ବିରୋଧରେ ଟୀକାକରଣ ଅଭିଯାନ ମଧ୍ୟ ଦ୍ରୁତ ଗତିରେ ଚାଲିଛି ଏବଂ ବର୍ତ୍ତମାନ ପର୍ଯ୍ୟନ୍ତ ବିଭିନ୍ନ ରାଜ୍ୟରେ ସମୁଦାୟ 36 କୋଟି 13 ଲ7 23 ହଜାର 548 ଡୋଜ ଟିକା ଦିଆଯାଇଛି ।
Click it and Unblock the Notifications
Sign in with Google