କରୋନା ସଂକ୍ରମଣରେ ଦ୍ରୁତ ହ୍ରାସ : 111 ଦିନରେ ସର୍ବନିମ୍ନ ସଂକ୍ରମିତ ଚିହ୍ନଟ, ପ୍ରାଣ ହରାଇଲେ 553 ରୋଗୀ

ସ୍ୱାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁସାରେ ଗତ 24 ଘଣ୍ଟା ମଧ୍ୟରେ ଦେଶରେ 34 ହଜାର 703 ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଯାହାକି ଗତ 111 ଦିନ ମଧ୍ୟରେ ସର୍ବନିମ୍ନ ମାମଲା ରେକର୍ଡ ହୋଇଛି ।

ନୂଆଦିଲ୍ଲୀ : ଭାରତରେ କରୋନାର ଦ୍ୱିତୀୟ ଲହର ସମୟରେ ସଂକ୍ରମଣ ମାମଲାରେ ଦ୍ରୁତ ହ୍ରାସ ପରିଲକ୍ଷିତ ହୋଇଛି । ସ୍ୱାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁସାରେ ଗତ 24 ଘଣ୍ଟା ମଧ୍ୟରେ ଦେଶରେ 34 ହଜାର 703 ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଯାହାକି ଗତ 111 ଦିନ ମଧ୍ୟରେ ସର୍ବନିମ୍ନ ମାମଲା ରେକର୍ଡ ହୋଇଛି । ଏହା ସହିତ ସୁସ୍ଥ ହାର 97.17 ପ୍ରତିଶକୁ ବୃଦ୍ଧି ପାଇବା ପରେ ଦେଶରେ କରୋନା ସକ୍ରିୟ ମାମଲାରେ ମଧ୍ୟ ହ୍ରାସ ହୋଇ 4 ଲକ୍ଷ 64 ହଜାର 357 ରେ ପହଞ୍ଚିଛି ।

ଅପରପକ୍ଷରେ ଏହି ସମୟରେ ଦେଶରେ 553 ଜଣ କୋରାନ ସଂକ୍ରମିତଙ୍କ ପ୍ରାଣହାନୀ ହୋଇଛି । ଏହାକୁ ମିଶାଇ ଦେଶରେ ମୋଟ 4 ଳକ୍ଷ 3 ହଜାର 281 ଜଣ କରୋନା ରୋଗୀଙ୍କ ମୃତ୍ୟୁ ହୋଇଛି । ଏଥିସହିତ ନୂଆ ସଂକ୍ରମିତ ଚିହ୍ନଟ ହେବା ପରେ ମୋଟ ସଂକ୍ରମିତଙ୍କ ସଂଖ୍ୟା 3 କୋଟି 6 ଲକ୍ଷ 19 ହଜାର 932କୁ ବୃଦ୍ଧି ପାଇଛି । ସେହିପରି ମୋଟ ସୁସ୍ଥଙ୍କ ସଂଖ୍ୟା 2 କୋଟି 97 ଲକ୍ଷ 52 ହଜାର 294 ରେ ପହଞ୍ଚିଛି ।

କରୋନା ମହାମାରୀ ବିରୋଧରେ ଚାଲିଥିବା ଟୀକାକରଣ ଅଭିଯାନ ଅଧିନରେ ଦେଶରେ ମୋଟ 35 କୋଟି 75 ଲକ୍ଷ 53 ହଜାର 612 ଡୋଜ୍ ଟିକା ଦିଆଯାଇଥିବା ନେଇ ସ୍ୱାସ୍ଥ୍ୟ ମନ୍ତ୍ରାଳୟ ସୂଚନା ଦେଇଛି ।

English summary

India Reports Lowest Covid cases in last 111 days i.e 34703. 553 patient deceased in last 24 hours.