ସାମାନ୍ୟ ହ୍ରାସ ପାଇଲା ଦୈନିକ ସଂକ୍ରମଣ ଏବଂ କରୋନାଜମିତ ମୃତ୍ୟୁ ସଂଖ୍ୟା : ଗତ 24 ଘଣ୍ଟାରେ 1.32 ଲକ୍ଷ ନୂଆ ରୋଗୀ ଚିହ୍ନଟ
ଗତ 24 ଘଣ୍ଟା ମଧ୍ୟରେ ଦେଶରେ 1 ଲକ୍ଷ 32 ହଜାର 364 ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ଏଥି ସହିତ, ଗତ ଗୋଟିଏ ଦିନରେ 2713 ଜଣଙ୍କର ମୃତ୍ୟୁ ହୋଇଛି ।
ନୂଆଦିଲ୍ଲୀ : ଦେଶରେ କରୋନାର ଦ୍ୱିତୀୟ ଲହର ଜାରି ରହିଥିବା ବେଳେ ଦୈନିକ ସଂକ୍ରମିତ ଏବଂ କରୋନାଜମିତ ମୃତ୍ୟୁରେ ହ୍ରାସ ହୋଇଛି । ଶୁକ୍ରବାର ଦିନ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ଏହାର ରିପୋର୍ଟରେ କହିଛି ଯେ, ଗତ 24 ଘଣ୍ଟା ମଧ୍ୟରେ ଦେଶରେ 1 ଲକ୍ଷ 32 ହଜାର 364 ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ଏଥି ସହିତ, ଗତ ଗୋଟିଏ ଦିନରେ 2713 ଜଣଙ୍କର ମୃତ୍ୟୁ ହୋଇଛି ।
ଏହାପୂର୍ବରୁ ଗୁରୁବାର ଦିନ 1.34 ଲକ୍ଷ କରୋନା ରୋଗୀ ଚିହ୍ନଟ ହୋଇଥିବା ବେଳେ 2887 ଜଣ ଲୋକ ପ୍ରାଣ ହରାଇଥିଲେ । ଏହା ବ୍ୟତୀତ ଦେଶରେ ଗତ 24 ଘଣ୍ଟାରେ 2 ଲକ୍ଷ 07 ହଜାର 71 ଜଣ ସୁସ୍ଥ ହୋଇଛନ୍ତି ।
ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ ନୂତନ ରୋଗୀ ଚିହ୍ନଟ ହେବା ପରେ ଦେଶରେ ମୋଟ ରୋଗୀଙ୍କ ସଂଖ୍ୟା 2 କୋଟି 85 ଲକ୍ଷ 74 ହଜାର 350ରେ ପହଞ୍ଚିଛି ଏବଂ ସୁସ୍ଥ ହୋଇଥିବା ଲୋକଙ୍କ ସଂଖ୍ୟା 2କୋଟି 65 ଲକ୍ଷ 97 ହଜାର 655 କୁ ବୃଦ୍ଧି ପାଇଛି । ବର୍ତ୍ତମାନ ଦେଶରେ ମୋଟ 16 ଲକ୍ଷ 35 ହଜାର 993 ସକ୍ରିୟ ମାମଲା ରହିଛି । କରୋନା ସଂକ୍ରମଣ ହେତୁ ଏପର୍ଯ୍ୟନ୍ତ 3 ଲକ୍ଷ 40 ହଜାର 702 ଲୋକ ପ୍ରାଣ ହରାଇଛନ୍ତି ।
Click it and Unblock the Notifications
Sign in with Google