କରୋନା ସଂକ୍ରମଣରେ ଲାଗୁନି ବ୍ରେକ୍ : ଗତ 24 ଘଣ୍ଟା ମଧ୍ୟରେ 379257 ଜଣ ନୂଆ ସଂକ୍ରମିତ, 3645 ମୃତ
ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ଗୁରୁବାର ପ୍ରକାଶିତ ତଥ୍ୟ ଅନୁଯାୟୀ ଦେଶରେ ଗତ 24 ଘଣ୍ଟା ମଧ୍ୟରେ 3 ଲକ୍ଷ 79 ହଜାର 257 ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା 1 କୋଟି 83 ଲକ୍ଷ 76 ହଜାର 524 କୁ ବୃଦ୍ଧି ପାଇଛି
ନୂଆଦିଲ୍ଲୀ : ଦେଶରେ କରୋନା ସଂକ୍ରମଣ ହାର ଦିନକୁ ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ଗୁରୁବାର ପ୍ରକାଶିତ ତଥ୍ୟ ଅନୁଯାୟୀ ଦେଶରେ ଗତ 24 ଘଣ୍ଟା ମଧ୍ୟରେ 3 ଲକ୍ଷ 79 ହଜାର 257 ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା 1 କୋଟି 83 ଲକ୍ଷ 76 ହଜାର 524 କୁ ବୃଦ୍ଧି ପାଇଛି । ସେହିପରି ଏହି ସମୟ ମଧ୍ୟରେ 3645 ଜଣଙ୍କର କରୋନାଜନିତ ମୃତ୍ୟୁ ହୋଇଛି । ଯାହା ପରେ ମୋଟ ମୃତ୍ୟୁ ସଂଖ୍ୟା 2 ଲକ୍ଷ 4 ହଜାର 832 ରେ ପହଞ୍ଚିଛି । ଅପରପକ୍ଷରେ ବର୍ତ୍ତମାନ ଦେଶରେ 30 ଲକ୍ଷ 84 ହଜାର 814 ଜଣ ସକ୍ରିୟ ରୋଗୀ ଥିବାବେଳେ 1 କୋଟି 50 ଲକ୍ଷ 86 ହଜାର 878 ଜଣ ସୁସ୍ଥ ହୋଇଛନ୍ତି ।
ବଢୁଥିବା କରୋନା ସଙ୍କଟ ଯୋଗୁଁ ଡାକ୍ତରଖାନାରେ ଶଯ୍ୟା, ଅମ୍ଳଜାନ ସିଲିଣ୍ଡର ଆଦିର ଅଭାବ ଦେଖାଦେଇଛି । ଏହାସହିତ କେତେକ ରାଜ୍ୟରେ ଟିକା ଅଭାବ ଥିବାନେଇ ମଧ୍ୟ ଅଭିଯୋଗ ହୋଇଛି । ଏହାକୁ ନେଇ କଂଗ୍ରେସ ସାଂସଦ ରାହୁଲ ଗାନ୍ଧୀ ମୋଦୀ ସରକାରଙ୍କୁ ଟାର୍ଗେଟ କରୁଛନ୍ତି । ସେ ତାଙ୍କର ସର୍ବଶେଷ ଟ୍ୱିଟରେ କହିଛନ୍ତି ଯେ 'ପରସ୍ପରକୁ ସାହାଯ୍ୟ କରୁଥିବା ସାଧାରଣ ଲୋକ ଜଣାଇଦେଉଛନ୍ତି, କାହାର ହୃଦୟକୁ ଛୁଇଁବା ପାଇଁ ହାତ ଛୁଇଁବା ଆବଶ୍ୟକ ନାହିଁ । ପରସ୍ପରକୁ ସାହାଯ୍ୟ ଜାରି ରଖ, ଏହି ଅନ୍ଧ ସିଷ୍ଚମକୁ ସତ ଦେଖାଇଦିଅ !'