ଗତ 24 ଘଣ୍ଚାରେ 3.60 ଲକ୍ଷ ନୂଆ ସଂକ୍ରମିତ ଚିହ୍ନଟ, ତିନି ହଜାରରୁ ଅଧିକ ମୃତ

ସ୍ୱାସ୍ଥ୍ୟ ମନ୍ତ୍ରଣାଳୟ ବୁଧବାର ପ୍ରକାଶ କରିଥିବା ତଥ୍ୟ ଅନୁଯାୟୀ ଗତ 24 ଘଣ୍ଟା ମଧ୍ୟରେ ଦେଶରେ 3 ଳକ୍ଷ 60 ହଜାର 960 ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଦେଶରେ ମୋଟ ସଂକ୍ରମିତ ସଂଖ୍ୟା 1କୋଟି 79 ଲକ୍ଷ 97 ହଜାର 267 ରେ ପହଞ୍ଚିଛି ।

ନୂଆଦିଲ୍ଲୀ : ଦେଶରେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ କରୋନାଜନିତ ମୃତ୍ୟୁ ହାର ମଧ୍ୟ କମିବାର ନାଁ ନେଉନି । ସ୍ୱାସ୍ଥ୍ୟ ମନ୍ତ୍ରଣାଳୟ ବୁଧବାର ପ୍ରକାଶ କରିଥିବା ତଥ୍ୟ ଅନୁଯାୟୀ ଗତ 24 ଘଣ୍ଟା ମଧ୍ୟରେ ଦେଶରେ 3 ଳକ୍ଷ 60 ହଜାର 960 ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଦେଶରେ ମୋଟ ସଂକ୍ରମିତ ସଂଖ୍ୟା 1କୋଟି 79 ଲକ୍ଷ 97 ହଜାର 267 ରେ ପହଞ୍ଚିଛି । ଏହା ବ୍ୟତୀତ ଗତ 24 ଘଣ୍ଟାରେ 3,293 ଜଣଙ୍କର କରୋନାଜନିତ ମୃତ୍ୟୁ ହୋଇଛି । ବର୍ତ୍ତମାନ ସୁଦ୍ଧା ଦେଶରେ ମୋଟ 2 ଲକ୍ଷ 1 ହଜାର 187ଜଣଙ୍କର କରୋନାଜନିତ ମୃତ୍ୟୁ ହୋଇଛି ।

ଭାରତରେ ବର୍ତ୍ତମାନ 29,78,709 ସକ୍ରିୟ ମାମଲା ଥିବାବେଳେ 1,48,17,371 ଲକ୍ଷ ଜଣ ଲୋକ ସୁସ୍ଥ ହୋଇଛନ୍ତି । ଏପର୍ଯ୍ୟନ୍ତ 14 କୋଟି 78 ଲକ୍ଷ 27 ହଜାର 367 ଜଣ ଲୋକଙ୍କୁ ଟୀକରାକଣ କରାଯାଇଥିବାବେଳେ ଗତ 24 ଘଣ୍ଟା ମଧ୍ୟରେ 25,56,182 ଲୋକଙ୍କୁ କରୋନା ଟିକା ଦିଆଯାଇଛି ।

ସଙ୍କଟର ଏହି ସମୟରେ ଆମେରିକା ଭାରତକୁ ସାହାଯ୍ୟ ହାତ ବଢାଇଛି । ଗଣମାଧ୍ୟମକୁ ସୂଚନା ଦେଇ ଆମେରିକାର ରାଷ୍ଟ୍ରପତି ଜୋ ବାଇଡେନ କହିଛନ୍ତି ଯେ, ସେ ପ୍ରଧାନମନ୍ତ୍ରୀ ମୋଦୀଙ୍କ ସହ ଫୋନରେ କଥା ହୋଇଛନ୍ତି ଏବଂ ମହାମାରୀ ବିରୋଧରେ ଏହି ଯୁଦ୍ଧରେ ଭାରତକୁ ସମ୍ପୂର୍ଣ୍ଣ ସାହାଯ୍ୟ କରିବେ ବୋଲି ପ୍ରତିଶୃତି ଦେଇଛନ୍ତି । ସେ କହିଛନ୍ତି ଯେ ଆମେରିକା ଭାରତକୁ ସାହାଯ୍ୟ କରିବା ପାଇଁ ରେମେଡେସଭିର ସମେତ ବିଭିନ୍ନ ଔଷଧ ପଠାଇବ ।

ମଙ୍ଗଳବାର ଦିନ ସ୍ୱାସ୍ଥ୍ୟ ମନ୍ତ୍ରଣାଳୟ ଏକ ବିବୃତ୍ତି ଜାରି କରି କହିଛି ଯେ ରାଜ୍ୟଗୁଡିକ ନିକଟରେ ମୋଟ 1 କୋଟି ଟିକା ମହଜୁଦ ରହିଛି । ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ ଉତ୍ତରପ୍ରଦେଶରେ ସର୍ବାଧିକ ସଂଖ୍ୟକ 10 ଲକ୍ଷ କରୋନା ଟିକା ରହିଛି । ସେହିପରି ମହାରାଷ୍ଟ୍ରରେ 9 ଲକ୍ଷ, ବିହାରରେ 7.50 ଲକ୍ଷ ଟିକା ରହିଛି ।

English summary

Corona Update India. More than 3thousand Covid Patients Died in Last 24 hours.