ପୁଣି ବୃଦ୍ଧି ପାଇଲା କରୋନା ମାମଲା : 24 ଘଣ୍ଟା ମଧ୍ୟରେ 1.32 ଲକ୍ଷ ନୂଆ ସଂକ୍ରମିତ, 3000 ରୁ ଅଧିକ ଲୋକଙ୍କ ମୃତ୍ୟୁ
ଗତ 24 ଘଣ୍ଟା ମଧ୍ୟରେ ଦେଶରେ 1 ଲକ୍ଷ 32 ହଜାର 788 ଜଣ ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ 3207 ରୋଗୀଙ୍କ ମୃତ୍ୟୁ ହୋଇଛି । ଏଥିସହି 2 ଲକ୍ଷ 31 ହଜାର 456 ରୋଗୀ ସୁସ୍ଥ ହୋଇଛନ୍ତି ।
ନୂଆଦିଲ୍ଲୀ : ଦେଶରେ ଦୈନିକ ସଂକ୍ରମଣ ଓ ମୃତ୍ୟୁରେ ସାମାନ୍ୟ ବୃଦ୍ଧି ହୋଇଛି । କେନ୍ଦ୍ର ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ସୂଚନା ଅନୁଯାୟୀ, ଗତ 24 ଘଣ୍ଟା ମଧ୍ୟରେ ଦେଶରେ 1 ଲକ୍ଷ 32 ହଜାର 788 ଜଣ ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ 3207 ରୋଗୀଙ୍କ ମୃତ୍ୟୁ ହୋଇଛି । ଏଥିସହି 2 ଲକ୍ଷ 31 ହଜାର 456 ରୋଗୀ ସୁସ୍ଥ ହୋଇଛନ୍ତି । ନୂତନ ମାମଲା ଚିହ୍ନଟ ପରେ ଦେଶରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା 2 କୋଟି 83 ଲକ୍ଷ 07 ହଜାର 832 କୁ ବୃଦ୍ଧି ପାଇଛି ଏବଂ ସୁସ୍ଥ ହୋଇଥିବା ରୋଗୀଙ୍କ ସଂଖ୍ୟା 2 କୋଟି 61 ଲକ୍ଷ 79 ହଜାର 85ରେ ପହଞ୍ଚିଛି ।
କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ ସୁସ୍ଥ ହୋଇଥିବା କରୋନା ରୋଗୀଙ୍କ ହାରରେ କ୍ରମାଗତ ବୃଦ୍ଧି ହେତୁ ଦେଶରେ ସକ୍ରିୟ ମାମଲା 17 ଲକ୍ଷ 93 ହଜାର 645 କୁ ଖସି ଆସିଛି । ସାମ୍ପ୍ରତିକ ତଥ୍ୟ ଅନୁଯାୟୀ ଦେଶରେ କରୋନା ରୋଗୀଙ୍କ ସୁସ୍ଥ ହାର ବର୍ତ୍ତମାନ 92 ପ୍ରତିଶତରୁ ଅଧିକ । ତେବେ କରୋନା ଯୋଗୁଁ ମୃତ୍ୟୁ ସଂଖ୍ୟା ଏବେ ବି ଚିନ୍ତାଜନକ ରହିଛି । କରୋନା ଯୋଗୁଁ ଦେଶରେ 3 ଲକ୍ଷ 35 ହଜାର 102 ଲୋକ ପ୍ରାଣ ହରାଇଛନ୍ତି । ଏଥି ସହିତ ଦେଶରେ ଚାଲିଥିବା ଟୀକାକରଣ ଅଭିଯାନ ଅଧୀନରେ ଏପର୍ଯ୍ୟନ୍ତ ମୋଟ 21 କୋଟି 85 ଲକ୍ଷ 46 ହଜାର 667 ଡୋଜ କରୋନା ଟିକା ଦିଆଯାଇଛି ।
50 ପ୍ରତିଶତ ହ୍ରାସ ପାଇଛି କରୋନା ର ସକ୍ରିୟ ମାମଲା
ଏହାପୂର୍ବରୁ ମଙ୍ଗଳବାର ଦିନ ଏକ ସାମ୍ବାଦିକ ସମ୍ମିଳନୀରେ ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ ଦେଶରେ ପ୍ରତିଦିନ ପ୍ରାୟ 20 ଲକ୍ଷ ନମୁନା ପରୀକ୍ଷା କରାଯାଉଛି । ଯେଉଁଥିରେ ସକରାତ୍ମକତା କ୍ରମାଗତ ଭାବେ ହ୍ରାସ ପାଉଛି । ଏହି ସାମ୍ବାଦିକ ସମ୍ମିଳନୀରେ କେନ୍ଦ୍ର ସ୍ୱାସ୍ଥ୍ୟ ସଚିବ ଲବ ଅଗ୍ରୱାଲ ମଙ୍ଗଳବାର କହିଛନ୍ତି, 'ଦେଶରେ କରୋନା ଭାଇରସର ସକ୍ରିୟ ମାମଲା ପ୍ରାୟ 50 ପ୍ରତିଶତ ହ୍ରାସ ପାଇଛି । 30 ଟି ରାଜ୍ୟ / କେନ୍ଦ୍ର ଶାସିତ ଅଞ୍ଚଳ ଅଛି ଯେଉଁଠାରେ ଗତ ଏକ ସପ୍ତାହ ମଧ୍ୟରେ କରୋନା ପଜିଟିଭ୍ ହାର ହ୍ରାସ ପାଇଛି ।
Click it and Unblock the Notifications
Sign in with Google