ହ୍ରାସ ପାଉଛି ଦୈନିକ ସଂକ୍ରମଣ ମାମଲା : ଗତ 24 ଘଣ୍ଟାରେ 3.26 ଲକ୍ଷ ସଂକ୍ରମିତ ଚିହ୍ନଟ, 3890 ଜଣଙ୍କର ମୃତ୍ୟୁ

ଶନିବାର (ମେ 15) ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ପ୍ରକାଶିତ ତଥ୍ୟ ଅନୁଯାୟୀ, ଭାରତରେ ଗତ 24 ଘଣ୍ଟା ମଧ୍ୟରେ 3 ଲକ୍ଷ 26 ହଜାର 98 ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ଏହା ସହିତ 3 ଲକ୍ଷ 53 ହଜାର 299 ଲକ୍ଷ ଲୋକ କରୋନାରୁ ସୁସ୍ଥ ହୋଇଛନ୍ତି ।

ନୂଆଦିଲ୍ଲୀ : ଭାରତରେ କରୋନା ମହାମାରୀର ଦ୍ୱିତୀୟ ଲହର ଜାରି ରହିଥିବା ବେଳେ ବର୍ତ୍ତମାନ ସାମ୍ନାକୁ ଆସୁଛି ଆଶ୍ୱସ୍ତିକର ଖବର । ଦୈନିକ ସଂକ୍ରମିତ ମାମଲା ସଂଖ୍ୟା ହ୍ରାସ ପାଇବା ସହ ବୃଦ୍ଧି ପାଉଛି ସୁସ୍ଥ ହେଉଥିବା ଲୋକଙ୍କ ସଂଖ୍ୟା । କିଛି ଦିନ ପୂର୍ବରୁ ଦୈନିକ ସଂକ୍ରମିତଙ୍କ ସଂଖ୍ୟା 4 ଲକ୍ଷ ଅତିକ୍ରମ କରୁଥିଲା, କିନ୍ତୁ ବର୍ତ୍ତମାନ ଏହା 3.5 ଲକ୍ଷରୁ କମ୍ ରହିଛି ।

ଶନିବାର (ମେ 15) ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ପ୍ରକାଶିତ ତଥ୍ୟ ଅନୁଯାୟୀ, ଭାରତରେ ଗତ 24 ଘଣ୍ଟା ମଧ୍ୟରେ 3 ଲକ୍ଷ 26 ହଜାର 98 ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ଏହା ସହିତ 3 ଲକ୍ଷ 53 ହଜାର 299 ଲକ୍ଷ ଲୋକ କରୋନାରୁ ସୁସ୍ଥ ହୋଇଛନ୍ତି । ଏହି ସମୟ ମଧ୍ୟରେ 3 ହଜାର 890 ଜଣଙ୍କର କରୋନାଜନିତ ମୃତ୍ୟୁ ହୋଇଥିବା ନେଇ ମନ୍ତ୍ରାଳୟ ପକ୍ଷରୁ ସୂଚନା ଦିଆଯଆଇଛି । ଏହାକୁ ମିଶାଇ ଏ ପର୍ଯ୍ୟନ୍ତ ଦେଶରେ ମୋଟ କରୋନାଜନିତ ମୃତ୍ୟୁ ସଂଖ୍ୟା 2 ଲକ୍ଷ 66 ହଜାର 207 କୁ ବୃଦ୍ଧି ପାଇଛି ।

ଏହା ବ୍ୟତୀତ ଭାରତରେ ବର୍ତ୍ତମାନ 36 ଲକ୍ଷ 73 ହଜାର 802 ସକ୍ରିୟ ମାମଲା ଅଛି । ଏଥି ସହିତ, ଡିସଚାର୍ଜ ହୋଇଥିବା ମୋଟ ମାମଲା ସଂଖ୍ୟା 2 କୋଟି 4 ଲକ୍ଷ 2 ହଜାର 898 କୁ ବୃଦ୍ଧି ପାଇଛି । ଦେଶରେ ମୋଟ ଚିହ୍ନଟ ହୋଇଥିବା ସଂକ୍ରମିତଙ୍କ ସଂଖ୍ୟା କୋଟି 43 ଲକ୍ଷ 72 ହଜାର 907ରେ ପହଞ୍ଚିଛି । ଦେଶରେ କରୋନା ମହାମାରୀ ପାଇଁ ଚାଲିଥିବା ଟୀକାକରଣ ଅଧିନରେ ଏପର୍ଯ୍ୟନ୍ତ 18 କୋଟି 4 ଲକ୍ଷ 57 ହଜାର 579 ଲୋକଙ୍କୁ ଟିକା ଦିଆଯାଇଛି । ଏଥି ସହିତ, ଗତ 24 ଘଣ୍ଟା ମଧ୍ୟରେ 11 ଲକ୍ଷ 3 ହଜାର 625 ଲୋକଙ୍କୁ ଟିକା ଦିଆଯାଇଛି ।

ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍ଆର୍) ଅନୁଯାୟୀ, ଭାରତରେ (ମେ 14) ଏପର୍ଯ୍ୟନ୍ତ 31 କୋଟି 30 ଲକ୍ଷ 17 ହଜାର 193 ଲୋକଙ୍କ କରୋନା ନମୁନା ପରୀକ୍ଷା କରାଯାଇଛି । ଏହି ସମୟରେ, ଗୋଟିଏ ଦିନରେ 16 ଲକ୍ଷ 93 ହଜାର 93 ନମୁନା ପରୀକ୍ଷା କରାଯାଇଛି ।

English summary

Increasing of Daily Recovered case and decreasing daily infected people numbers. More than 3.26 lakh people tested covid positive in last 24 hours.