କରୋନା ମୃତ୍ୟୁରେ ଲାଗୁନି ବ୍ରେକ୍ : 24 ଘଣ୍ଟାରେ 4,120 ଜଣଙ୍କର ମୃତ୍ୟୁ, 3.62 ଲକ୍ଷ ନୂଆ ସଂକ୍ରମିତ ଚିହ୍ନଟ
ଗୁରୁବାର (ମେ 13) ରେ ଗତ 24 ଘଣ୍ଟା ମଧ୍ୟରେ 3 ଲକ୍ଷ 62 ହଜାର 727 ଜଣ ନୂା ସଂକ୍ରମିତ ଚିହ୍ନଟ ହୋଇଥିବା ବେଳେ 4,120 ଜଣଙ୍କର ମୃତ୍ୟୁ ହୋଇଛି । ଏହି ଅବଧିରେ 3 ଲକ୍ଷ 52 ହଜାର 181 ଲୋକ କରୋନାରୁ ସୁସ୍ଥ ହୋଇଛନ୍ତି ।
ନୂଆଦିଲ୍ଲୀ : ଦେଶରେ କରୋନା ଭାଇରସ ସଂକ୍ରମଣ ହ୍ରାସ ହେବାର ନାଁ ନେଉନାହିଁ । ପ୍ରତିଦିନ ଆସୁଥିବା କୋଭିଡ -19 ମାମଲାରେ ସାମାନ୍ୟ ହ୍ରାସ ଘଟିଛି, କିନ୍ତୁ ଦୈନିକ ମୃତ୍ୟୁ ସଂଖ୍ୟାରେ ଲାଗୁନି ବ୍ରେକ୍ । ଗତ 24 ଘଣ୍ଟା ମଧ୍ୟରେ ପୁଣି 4 ହଜାରରୁ ଅଧିକ ଲୋକଙ୍କର ମୃତ୍ୟୁ ହୋଇଛି । ଗୁରୁବାର (ମେ 13) ରେ ଗତ 24 ଘଣ୍ଟା ମଧ୍ୟରେ 3 ଲକ୍ଷ 62 ହଜାର 727 ଜଣ ନୂା ସଂକ୍ରମିତ ଚିହ୍ନଟ ହୋଇଥିବା ବେଳେ 4,120 ଜଣଙ୍କର ମୃତ୍ୟୁ ହୋଇଛି । ଏହି ଅବଧିରେ 3 ଲକ୍ଷ 52 ହଜାର 181 ଲୋକ କରୋନାରୁ ସୁସ୍ଥ ହୋଇଛନ୍ତି । ବର୍ତ୍ତମାନ ପର୍ଯ୍ୟନ୍ତ ଦେଶରେ ମୋଟ 2ଲକ୍ଷ 58 ହଜାର 317 ରୋଗୀଙ୍କର ମୃତ୍ୟୁ ହୋଇଛି । ନୂଆ ସଂକ୍ରମିତ ଚିହ୍ନଟ ହେବା ପରେ ଦେଶରେ ବର୍ତ୍ତମାନ ମୋଟ ପଜିଟିଭ୍ ସଂଖ୍ୟା 2 କୋଟି 37 ଲକ୍ଷ 3 ହଜାର 665 ରେ ପହଞ୍ଚିଛି ।
ଭାରତରେ 37.10 ଲକ୍ଷ କରୋନା ସକ୍ରିୟ ମାମଲା
ଗୁରୁବାର (ମେ 13) ସକାଳ 8 ଟା ସୁଦ୍ଧା ଭାରତରେ କୋଭିଡ -19 ସକ୍ରିୟ ମାମଲା 37 ଲକ୍ଷ 10 ହଜାର 525 କୁ ବୃଦ୍ଧି ପାଇଛି । ଏଥି ସହିତ ମୋଟ 1 କୋଟି 97 ଲକ୍ଷ 34 ହଜାର 823 ଜଣଙ୍କୁ ଡିସଚାର୍ଜ କରାଯାଇଛି । ଜାନୁଆରୀ 16 ରୁ ଆରମ୍ଭ ହୋଇଥିବା ଟିକା ଅଭିଯାନ ଅଧୀନରେ ଦେଶରେ ମୋଟ 17 କୋଟି 72 ଲକ୍ଷ 14 ହଜାର 256 ଲୋକଙ୍କୁ କରୋନା ଟିକା ଦିଆଯାଇଛି ।
ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍ଆର୍) ଅନୁଯାୟୀ, ମେ 12 ପର୍ଯ୍ୟନ୍ତ ଭାରତରେ ମୋଟ 30 କୋଟି 94 ଲକ୍ଷ 48 ହଜାର 585 ଜଣଙ୍କର ନମୁନା ପରୀକ୍ଷା କରାଯାଇଛି । ବୁଧବାର (ମେ 12) ଦିନ ସାରା ଦେଶରେ 18 ଲକ୍ଷ 64 ହଜାର 594 ନମୁନା ପରୀକ୍ଷା କରାଯାଇଛି । ସେଥିମଧ୍ୟରୁ 3 ଲକ୍ଷ 62 ହଜାର 727 ଜଣ ଲୋକ କରୋନା ସଂକ୍ରମିତ ହୋଇଥିବା ଜଣାପଡିଛି ।
Click it and Unblock the Notifications
Sign in with Google