ଚୀନରେ ବଢୁଛି କରୋନା ସଂକ୍ରମଣ : ସାହାଯ୍ୟର ହାତ ବଢାଇବ ଭାରତ, ଔଷଧ ପଠାଇବାକୁ ପ୍ରସ୍ତୁତ ହେଉଛି ଭାରତ
ଚୀନରେ କରୋନା ସଂକ୍ରମଣରେ ଅହେତୁକ ବୃଦ୍ଧି ହେବା ପରେ ସାରା ବିଶ୍ୱରେ ଆତଙ୍କ ଦେଖାଦେଇଛି । ଏଥି ସହିତ ଚାଇନାରେ କରୋନା ବୃଦ୍ଧି ପାଉଥିବା ମାମଲା ମଧ୍ୟରେ ଭାରତ ସାହାଯ୍ୟ ହାତ ବଢାଇବାକୁ ପ୍ରସ୍ତୁତ ହେଉଛି ।
ନୂଆଦିଲ୍ଲୀ : ଚୀନରେ କରୋନା ସଂକ୍ରମଣରେ ଅହେତୁକ ବୃଦ୍ଧି ହେବା ପରେ ସାରା ବିଶ୍ୱରେ ଆତଙ୍କ ଦେଖାଦେଇଛି । ଏଥି ସହିତ ଚାଇନାରେ କରୋନା ବୃଦ୍ଧି ପାଉଥିବା ମାମଲା ମଧ୍ୟରେ ଭାରତ ସାହାଯ୍ୟ ହାତ ବଢାଇବାକୁ ପ୍ରସ୍ତୁତ ହେଉଛି । ଚାଇନାକୁ କିଛି ଔଷଧ ରପ୍ତାନି କରିବାକୁ ପ୍ରସ୍ତୁତ ହେଉଛି ଭାରତ । କେନ୍ଦ୍ରୀୟ ଡ୍ରଗ୍ ଷ୍ଟାଣ୍ଡାର୍ଡ କଣ୍ଟ୍ରୋଲ୍ ସଂଗଠନ ଚାଇନାରେ କିଛି ଔଷଧ ରପ୍ତାନି ବିଷୟରେ ଆଲୋଚନା କରିଛି ।
ଭାରତର ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି ଯେ ଭାରତ ହେଉଛି ଜେନେରିକ ଔଷଧର ବୃହତ୍ତମ ଉତ୍ପାଦକ, ଆମେ ଚୀନ୍କୁ ସାହାଯ୍ୟ କରିବାକୁ ପ୍ରସ୍ତୁତ । ଚାଇନାରେ କରୋନାର ଲକଡାଉନ୍ ବିରୁଦ୍ଧରେ ଅନେକ ଦିନ ଧରି ପ୍ରଦର୍ଶନ ଚାଲିଥିଲା, ଯାହା ପରେ ଚୀନ୍ ଲକଡାଉନ ଉପରେ କୋହଳ କରିଦେଇଥିଲା । ଠିକ୍ ଏହା ପରେ କରୋନା ମାମଲାରେ ବୃଦ୍ଧି ଘଟିଛି । ଏହି କାରଣରୁ ଚାଇନାରେ ଔଷଧର ଚାହିଦା ବହୁତ ବଢିଯାଇଛି । ଏହା ସହିତ ପରୀକ୍ଷା ପାଇଁ ଟେଷ୍ଟିଂ କିଟ୍ ଚାହିଦା ମଧ୍ୟ ବୃଦ୍ଧି ପାଇଛି । ବଢୁଥିବା ଚାହିଦା ହେତୁ ମେଡିକାଲ ଷ୍ଟୋରରେ ଏହାର ବିକ୍ରି ସୀମିତ କରିଦିଆଯାଇଛି । ବର୍ତ୍ତମାନ ଜଣେ ଗ୍ରାହକ କେବଳ ଗୋଟିଏ ଔଷଧ ଏବଂ କିଟ୍ କିଣି ପାରିବେ ।
ଚାଇନାରେ ଜ୍ୱର ପାଇଁ ସାଧାରଣ ଔଷଧର ଚାହିଦା ଯଥେଷ୍ଟ ବୃଦ୍ଧି ପାଇଛି । ଚାଇନାରେ ଇବୁପ୍ରୋଫେନ୍, ପାରାସିଟାମୋଲର ଚାହିଦା ଯଥେଷ୍ଟ ବୃଦ୍ଧି ପାଇଛି । ଫାର୍ମାସ୍ୟୁଟିକାଲ୍ସ ରପ୍ତାନି ପ୍ରୋତ୍ସାହନ ପରିଷଦର ଚେୟାରମ୍ୟାନ୍ ସାହିଲ ମୁଞ୍ଜାଲ କହିଛନ୍ତି ଯେ ଚାଇନାରୁ ଏହି ଦୁଇଟି ଔଷଧର ଚାହିଦା ଆମ ପାଖକୁ ଆସୁଛି । ବର୍ତ୍ତମାନ ଚାଇନାରେ ଏହି ଉଭୟ ଔଷଧର ଅଭାବ ଦେଖାଦେଇଛି । ଏଥି ସହ ବୈଦେଶିକ ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚି କହିଛନ୍ତି ଯେ ଚୀନ୍ର ପରିସ୍ଥିତି ଉପରେ ଆମେ ତୀକ୍ଷ୍ଣ ନଜର ରଖିଛୁ । ଫାର୍ମାସି କ୍ଷେତ୍ରରେ ଆମେ ସବୁବେଳେ ବିଶ୍ୱକୁ ସାହାଯ୍ୟ କରିଛୁ । ତେବେ ଦିଲ୍ଲୀରେ ଥିବା ଚୀନ୍ ଦୂତାବାସଠାରୁ ଏ ସମ୍ପର୍କରେ ଏ ପର୍ଯ୍ୟନ୍ତ କିଛି କୁହାଯାଇ ନାହିଁ ।
Click it and Unblock the Notifications
Sign in with Google