ଗାଜୀପୁର ସୀମା ରାସ୍ତାରୁ ହଟାଗଲା ଲୁହା ସ୍ପାଇକ୍
ଜାତୀୟ ରାଜଧାନୀ ନୂଆଦିଲ୍ଲୀର ଗାଜୀପୁର ସୀମାରେ ଦିଲ୍ଲୀ ପୋଲିସ୍ ଲଗାଇଖିବା ଲୁହା ସ୍ପାଇକ୍ ତଥା କଣ୍ଟାକୁ ହଟାଇବାକୁ ନିର୍ଦ୍ଦେଶ ଦେଇଛି ପୋଲିସ୍ ।
ନୂଆଦିଲ୍ଲୀ : ଜାତୀୟ ରାଜଧାନୀ ନୂଆଦିଲ୍ଲୀର ଗାଜୀପୁର ସୀମାରେ ଦିଲ୍ଲୀ ପୋଲିସ୍ ଲଗାଇଖିବା ଲୁହା ସ୍ପାଇକ୍ ତଥା କଣ୍ଟାକୁ ହଟାଇବାକୁ ନିର୍ଦ୍ଦେଶ ଦେଇଛି ପୋଲିସ୍ । ଗଣତନ୍ତ୍ର ଦିବସରେ ଆନ୍ଦୋଳନରତ ଚାଷୀଙ୍କ ହିଂସା ପରେ ଚାଷୀମାନଙ୍କ ଦିଲ୍ଲୀ ପ୍ରବେଶକୁ ରୋକିବା ପାଇଁ ଦିଲ୍ଲୀର ବିଭିନ୍ନ ସୀମାର ରାସ୍ତାରେ ଲୁହା ସ୍ପାଇକ୍ ଲଗାଇବା ସହ ସିମେଣ୍ଟ ବ୍ୟାରିଗେଟ୍ ତିଆରି କରିଥିଲା । କିନ୍ତୁ ବର୍ତ୍ତମାନ ଲୋକଙ୍କ ସୁରକ୍ଷା ଦୃଷ୍ଟିରୁ ଏହାକୁ ସେଠାରୁ ହଟାଯାଉଥିବା ଦେଖିବାକୁ ମିଳିଛି । ଗାଜୀପୁର ସୀମାରେ ରାସ୍ତାରେ ଲାଗିଥିବା ଲୁହା ସ୍ପାଇକକୁ ଜଣେ ଶ୍ରମିକ ହାତୁଡ଼ି ଦ୍ୱାରା ହଟାଉଥିବା ଏକ ଭିଡ଼ିଓ ନଜରକୁ ଆସିଛି ।
ଖବର ସରବରାହ ସଂସ୍ଥା ANI ଏକ ଭିଡିଓ ଟ୍ୱିଟ୍ କରିଛି, ଯେଉଁଥିରେ ଜଣେ ବ୍ୟକ୍ତି ରାସ୍ତାରୁ ଲୁହା ସ୍ପାଇକ୍ ସବୁ ବାହାର କରୁଥିବା ଦେଖାଯାଇଛି । ଦିଲ୍ଲୀ ପୂର୍ବାଞ୍ଚଳ ଡିସିପି ଦୀପକ ଯାଦବ ଏନେଇ କହିଛନ୍ତି ଯେ, ସେହି ସ୍ଥାନ ଦେଇ ଆନ୍ଦୋଳନକାରୀ ମାନେ ଯେପରି ପ୍ରବେଶ କରିନପାରିବେ ସେଥିଲାଗି ଲୁହାସ୍ପାଇକ୍ ଲଗାଯାଇଥିଲା । କିନ୍ତୁ ବର୍ତ୍ତମାନ ସେହି ସ୍ଥାନରେ ବହୁ ଲୋକ ଅଛନ୍ତି । ସେମାନଙ୍କର ସୁରକ୍ଷା ଦୃଷ୍ଟିରୁ ସେଠାରୁ ସ୍ପାଇକ୍ ଗୁଡ଼ିକ ହଟାଯାଇ ଅନ୍ୟ ସ୍ଥାନରେ ଲଗାଯିବ ।
#WATCH | Nails that were fixed near barricades at Ghazipur border (Delhi-UP border) are being removed. pic.twitter.com/YWCQxxyNsH
— ANI (@ANI) February 4, 2021
ଭିଡିଓ ସାମ୍ନାକୁ ଆସିବା ପରେ ଯାଦବ କହିଛନ୍ତି ଯେ ଲୁହା ସ୍ପାଇକ୍ ହଟାଯାଉଥିବା ଭିଡିଓ ଏବଂ ଫଟୋ ସୋଶାଲ ମିଡ଼ିଆ ସମେତ ଅନ୍ୟତ୍ର ପ୍ରସାରିତ ହେଉଛି । ଯେଉଁଥିରେ ଗାଜୀପୁରରୁ ସ୍ପାଇକ୍ ହଟାଯାଉଥିବା ନେଇ କୁହାଯାଉଛି । ଏଗୁଡିକ କେବଳ ସେହି ସ୍ଥାନରୁ ହଟାଯାଇ ଅନ୍ୟତ୍ର ଲଗାଯିବ ଏବଂ ସୀମାରେ ସମାନ ବ୍ୟବସ୍ଥା କରାଯାଇଛି ବୋଲି କହିଛନ୍ତି ପୋଲିସ୍ ଡିସିପି ।
Click it and Unblock the Notifications
Sign in with Google