ଅଯୋଧ୍ୟା ରାମ ମନ୍ଦିର କୋଷାଧ୍ୟକ୍ଷଙ୍କ ବିବାଦୀୟ ବୟାନ : ‘70 ବର୍ଷ ଧରି ଖୁସି ନଥିଲା ଭାରତ ମାତା, 2014 ପରେ ହସିବା ଆରମ୍ଭ କରିଛି'

ଦେବଗିରି କହିଛନ୍ତି, "ଭାରତ ଆମର ମାତା । ଏହି ମା 70 ବର୍ଷ ପର୍ଯ୍ୟନ୍ତ ଖୁସି ନଥିଲା । ମତେ ଲାଗୁଛି ସେ ସେବେଠାରୁ କାନ୍ଦୁଥିଲା । ଏବଂ ... ଏହା 2014 ଠାରୁ ହସିବା ଆରମ୍ଭ କରିଛି ।"

Published: Saturday, November 13, 2021, 17:22 [IST]

ଅଯୋଧ୍ୟା : ଉତ୍ତରପ୍ରଦେଶର ଅଯୋଧ୍ୟା ରାମ ମନ୍ଦିରର କୋଷାଧ୍ୟକ୍ଷ ତଥା ଶ୍ରୀ ରାମ ଜନ୍ମଭୂମୀ ତିର୍ଥ କ୍ଷେତର ଟ୍ରଷ୍ଟର ସଦସ୍ୟ ଗୋବିନ୍ଦ ଦେବଗିରି ମହାରାଜ ଏକ ବିବାଦୀୟ ବୟାନ ଦେଇଛନ୍ତି । ଦେବଗିରି କହିଛନ୍ତି, "ଭାରତ ଆମର ମାତା । ଏହି ମା 70 ବର୍ଷ ପର୍ଯ୍ୟନ୍ତ ଖୁସି ନଥିଲା । ମତେ ଲାଗୁଛି ସେ ସେବେଠାରୁ କାନ୍ଦୁଥିଲା । ଏବଂ ... ଏହା 2014 ଠାରୁ ହସିବା ଆରମ୍ଭ କରିଛି ।"

ସୂଚନାଯୋଗ୍ୟ, ଗୋବିନ୍ଦ ଦେବଗିରି ମହାରାଜ ପୁଣେରେ ପହଞ୍ଚି ସମଗ୍ର ବନ୍ଦେ ମାତରମ ଗ୍ରନ୍ଥ ପ୍ରକାଶନ ସମାରୋହକୁ ସମ୍ବୋଧିତ କରିଥିଲେ । ଯେଉଁଠାରେ ସେ ଲୋକମାନଙ୍କୁ ସମ୍ବୋଧିତ କରି କହିଥିଲେ ଯେ, 'ଅନେକ ବିଶେଷଣ ଯାହା ବନ୍ଦେ ମାତରମରେ କୁହାଯାଇଛି, ସେଗୁଡ଼ିକ ଆଜି ଲାଗୁ ହେଉ ନାହିଁ । ଦେବଗିରି ପଚାରିଥିଲେ ଭରତ ମାତା ସୁହାସିନୀ କି ? ସେ ଆଜି ମିଠା ହସ ହସୁଛି କି ? ସେ ହସୁନାହିଁ, କାନ୍ଦୁଛି... । ଆମେ ଧ୍ୟାନ ଦେବା ଉଚିତ୍ ଯେ ଏହାର ପ୍ରତ୍ୟେକ ବିଶେଷଣ ସତ୍ୟ ହେବା ଆବଶ୍ୟକ । ଆମ ମା 70 ବର୍ଷରୁ କାନ୍ଦୁଥିଲା, ... 2014 ଠାରୁ ଟିକିଏ ହସିବା ଆରମ୍ଭ କରିଛି ।'
ଦେବଗିରି ଆହୁରି ମଧ୍ୟ କହିଛନ୍ତି, "ଆମର ପରମ୍ପରାକୁ ଅସ୍ୱୀକାର କରି, ଆମର ଇତିହାସ-ଭୌଗୋଳିକକୁ ଅସ୍ୱୀକାର କରି, ଆମର ତୀର୍ଥଯାତ୍ରାକୁ ଅସ୍ୱୀକାର କରି, ପ୍ରଭୁ ରାମଙ୍କୁ କାଳ୍ପନିକ କହି" ରାମ ସେତୁ କାହା ଦ୍ୱାରା ନିର୍ମାଣ କରାଯାଇ ନାହିଁ ... "ଏହା କହି ଆମର ସରକାର ଯେଉଁ ପାପ କରିଛନ୍ତି ସେ ପାପ ଆପଣଙ୍କ ମଥାରେ ମଧ୍ୟ ଅଛି । ... ଆମକୁ ପୂଣ୍ୟ କାର୍ଯ୍ୟ କରିବା ଆବଶ୍ୟକ ।

ସେ ଆହୁରି କହିଛନ୍ତି, "ଯେଉଁ ଇତିହାସରେ ମୋଗଲ ମାନେ ମହାନ ବୋଲି କୁହାଯାଏ, ଛତ୍ରପତି ଶିବାଜୀ ମହାରାଜଙ୍କ ପାଇଁ କେବଳ 5 ଧାଡି ଲେଖାଯାଇଛି ଏବଂ ମହାରାଣା ପ୍ରତାପଙ୍କୁ ଅଣଦେଖା କରାଯାଇଛି ସେହି ଇତିହାସ ଆମର ଇତିହାସ କି ? ଏହି ଇତିହାସ ଆଜି ପର୍ଯ୍ୟନ୍ତ ଆମକୁ ଶିକ୍ଷା ଦିଆଯାଇଛି କାରଣ ସମସ୍ତ ଦିଲ୍ଲୀର ସିଂହାସନ ତଳେ ବସିଥିବା କମ୍ୟୁନିଷ୍ଟମାନେ ସେମାନଙ୍କ ହାତରେ ଶିକ୍ଷାର ସମ୍ପୂର୍ଣ୍ଣ ନିୟନ୍ତ୍ରଣ ନେଇଥିଲେ । ମୁଁ କହିବି ଯେ ନୂତନ ପିଢିକୁ ସଠିକ୍ ଉପାୟରେ ଇତିହାସ ଶିକ୍ଷା ଦିଅ ।"

Published On November 13, 2021