ଛତିଶଗଡରେ ନକ୍ସଲଙ୍କ IED ବିସ୍ଫୋରଣରେ ଜଣେ କୋବ୍ରା ଅଧିକାରୀ ସହିଦ୍, 10 ଗୁରୁତର
ରବିବାର ଛତିଶଗଡ଼ର ସୁକମା ଜିଲ୍ଲାରେ ମାଓବାଦୀଙ୍କ ଆଇଡି ବିସ୍ପୋରଣରେ କୋବ୍ରା ୟୁନିଟର ଜଣେ ଅଧିକାରୀ ସହିଦ୍ ହୋଇଛନ୍ତି | ଏହି ବିସ୍ପୋରଣରେ ଅନ୍ୟ 10ଜଣ କମାଣ୍ଡୋ ଆହତ ହୋଇଛନ୍ତି |
ରାୟପୁର : ରବିବାର ଛତିଶଗଡ଼ର ସୁକମା ଜିଲ୍ଲାରେ ମାଓବାଦୀଙ୍କ ଆଇଡି ବିସ୍ପୋରଣରେ କୋବ୍ରା ୟୁନିଟର ଜଣେ ଅଧିକାରୀ ସହିଦ୍ ହୋଇଛନ୍ତି | ଏହି ବିସ୍ପୋରଣରେ ଅନ୍ୟ 10ଜଣ କମାଣ୍ଡୋ ଆହତ ହୋଇଛନ୍ତି | ସହିଦ୍ ଆସିଷ୍ଟାଣ୍ଟ କମାଣ୍ଡାଣ୍ଟ ନୀତିନ୍ ଭାଲେରାଓ ବୋଲି ଜଣାପଡ଼ିଛି |
କୋବ୍ରାର ଜଣେ ଅଧିକାରୀ କହିଛନ୍ତି, ରାତି ପ୍ରାୟ 9ଟା ସମୟରେ ସୁକମା ଜିଲ୍ଲା ଚିନ୍ତଲନାର ଜଙ୍ଗଲ ଅଞ୍ଚଳରେ ମାଓବାଦୀମାନେ ଇମ୍ପ୍ରୋଭାଇଜଡ୍ ବିସ୍ଫୋରକ ଉପକରଣ ଖଞ୍ଜିଥିଲେ | ନକ୍ସଲ ବିରୋଧୀ ସର୍ଚ୍ଚ ଅପରେସନ୍ ସାରି ଫେରୁଥିବା ବେଳେ ଏହି ବିସ୍ଫୋରଣ ଘଟିଥିଲା ଏବଂ ଆହତ କର୍ମଚାରୀଙ୍କୁ ମଧ୍ୟରାତ୍ରିରେ ହେଲିକପ୍ଟର ଯୋଗେ ରାୟପୁର ସ୍ଥାନାନ୍ତର କରାଯାଇଛି |
ଆହତ ଯବାନମାନେ କମାଣ୍ଡୋ ବାଟାଲିୟନର ରିଜୋଲ୍ୟୁଟ୍ ଆକ୍ସନ୍ (କୋବ୍ରା) ର 206 ତମ ବାଟାଲିୟନର | କୋବ୍ରା ଏବଂ ସ୍ଥାନୀୟ ପୋଲିସର ମିଳିତ ଟିମ୍ ଏକ ସ୍ୱତନ୍ତ୍ର ଅପରେସନ ପାଇଁ ଏହି ଅଞ୍ଚଳରେ ବାହାରିବା ସମୟରେ ବିସ୍ଫୋରଣ ହୋଇଥିଲା ବୋଲି ସୂଚନା ଦେଇଛନ୍ତି |
Click it and Unblock the Notifications
Sign in with Google