ଚାଷୀଙ୍କ ଉପରକୁ ପଥର ମାଡ଼ ; ପୋଲିସର ପ୍ରୟୋଗ କଲା ଲାଠି ଓ ଲୁହବୁହା ଗ୍ୟାସ୍

ସୀନ୍ଧୁ ସୀମୀରେ 2ଶହରୁ ଅଧିକ ଲୋକ ବାଡ଼ି ଧରି ଚାଷୀଙ୍କୁ ଆକ୍ରମଣ କରିବା ସହ ଆନ୍ଦୋଳନ ଶେଷ କରିବାକୁ କହିଛନ୍ତି । ଏଥିସହିତ ଚାଷୀଙ୍କ ଉପରକୁ ଟେକା ପଥର ମାଡ଼ ମଧ୍ୟ କରି ଚାଷୀମାନଙ୍କ ଆନ୍ଦୋଳନକୁ ବିରୋଧ କରିଛନ୍ତି ।

Published: Friday, January 29, 2021, 16:03 [IST]

ନୂଆଦିଲ୍ଲୀ : ଦିଲ୍ଲୀ ହିଂସା ପରେ କେତେକ ଚାଷୀ ସଙ୍ଗଠନ ଆନ୍ଦୋଳନରୁ ଓହରିବା ସହ ଅନ୍ୟ କେତେକ ଚାଷୀ ସଙ୍ଗଠନ ସିନ୍ଧୁ ସୀମା ଏବଂ ଟିକ୍ରି ସୀମାରେ ଆନ୍ଦୋଳନ ଜାରି ରଖିଛନ୍ତି । ଏହି ସମୟରେ ସୀନ୍ଧୁ ସୀମୀରେ 2ଶହରୁ ଅଧିକ ଲୋକ ବାଡ଼ି ଧରି ଚାଷୀଙ୍କୁ ଆକ୍ରମଣ କରିବା ସହ ଆନ୍ଦୋଳନ ଶେଷ କରିବାକୁ କହିଛନ୍ତି । ଏଥିସହିତ ଚାଷୀଙ୍କ ଉପରକୁ ଟେକା ପଥର ମାଡ଼ ମଧ୍ୟ କରି ଚାଷୀମାନଙ୍କ ଆନ୍ଦୋଳନକୁ ବିରୋଧ କରିଛନ୍ତି । ଚାଷୀଙ୍କ ଟେଣ୍ଟ ମଧ୍ୟ ଭାଙ୍ଗି ଦେଇଛନ୍ତି । ଚାଷୀ ଓ ବିରୋଧୀ ଲୋକଙ୍କ ମଧ୍ୟରେ ହୋଇଥିା ସଂଘର୍ଷକୁ ଏଡ଼ାଇବା ପାଇଁ ପୋଲିସ୍ ଲାଠି ଚାଳନା କରିଛି । ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ପୋଲିସ୍ ଲୁହବୁହା ଗ୍ୟାସ୍ ପ୍ରୟୋଗ କରିଥଇବା ମଧ୍ୟ ଦେଖିବାକୁ ମିଳିଛି ।

ଅପରପକ୍ଷରେ ଚାଷୀଙ୍କ ଆନ୍ଦୋଳନକୁ ସମର୍ଥନ ଜଣାଇ ବିରୋଧୀ ଦଳର କେତେକ ନେତା ଗାଜିପୁର ସୀମାରେ ପହଞ୍ଚିଛନ୍ତି । ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ଚାଷୀ ନେତାଙ୍କି ଭେଟି ସମର୍ଥନ ଜଣାଇବା ସହ ସେମାନଙ୍କ ପାଇଁ ପିଇବା ପାଣି ଓ ଅନ୍ୟାନ୍ୟ ଅତ୍ୟାବଶଅୟକ ସାମଗ୍ରୀ ଯୋଗାଇଦେବା ନେଇ ପ୍ରତିଶୃତି ଦେଇଛନ୍ତି । ଏଥିସହିତ ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ୱାଲ୍ ମଧ୍ୟ ଟ୍ୱିଟ୍ କରି ବିକେୟୁ ନେତା ରାକେଶ ଟିକାୟତଙ୍କୁ ସମର୍ଥନ ଜଣାଇଛନ୍ତି । ସମାଜବାଦୀ ପାର୍ଟିର ମୁଖ୍ୟ ଅଖିଳେଶ ଯାଦବ ମଧ୍ୟ ଚାଷୀଙ୍କ ଆନ୍ଦୋଳନକୁ ସମର୍ଥନ ଜଣାଇଛନ୍ତି । କଂଗ୍ରେସ ନେତା ତଥା ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଚାଷୀ ଆନ୍ଦୋଳନକୁ ନେଇ ସରକାରଙ୍କୁ ଟାର୍ଗେଟ୍ କରିଛନ୍ତି । ଚାଷୀଙ୍କ ଉପରେ ଆକ୍ରମଣ କରି ପ୍ରଧାନମନ୍ତ୍ରୀ ଦେଶକୁ ଦୁର୍ବଳ କରୁଥିବା ନେଇ ଅଭଇଯୋଗ କରିଛନ୍ତି ।

ଏପରି ପରିସ୍ଥିତିରେ ଚାଷୀ ଆନ୍ଦୋଳନର ଆଗାମୀ ରଣନୀତି କଣ ରହିବ ନେଇ ସାରା ଦେଶରେ ଚର୍ଚ୍ଚା ହେଉଛି ।

#WATCH: Scuffle breaks out at Singhu border where farmers are protesting against #FarmLaws.

Group of people claiming to be locals have been protesting at the site demanding that the area be vacated. pic.twitter.com/XWBu9RlwLP
— ANI (@ANI) January 29, 2021