• search
For Quick Alerts
Turn On Notification  
For Daily Alerts

ସେଣ୍ଟ୍ରାଲ ଭିଷ୍ଚା ନିର୍ମାଣ ସ୍ଥଗିତ ଆବେଦନରେ ହସ୍ତକ୍ଷେପ କରିବାକୁ ମନା କଲେ ସୁପ୍ରିମକୋର୍ଟ

|

ନୂଆଦିଲ୍ଲୀ : ଦିଲ୍ଲୀରେ ସେଣ୍ଟ୍ରାଲ ଭିଷ୍ଟା ନିର୍ମାଣରେ ରୋକ ଲଗାଇବା ମାମଲାରେ ସୁପ୍ରିମକୋର୍ଟ ହସ୍ତକ୍ଷେପ କରିବାକୁ ମନା କରି ଦେଇଛନ୍ତି । ଏହି ମାମାଲ ଦିଲ୍ଲୀ ହାଇକୋର୍ଟରେ ବିଚାରଧୀନ ରହିଛି ଏବଂ ଏହାର ନିର୍ମାଣକୁ ନିଷିଦ୍ଧ କରିବା ନେଇ ଆବେଦନକୁ ସୁପ୍ରିମକୋର୍ଟ ପ୍ରତ୍ୟାଖ୍ୟାନ କରିଛନ୍ତି । ଦିଲ୍ଲୀରେ କୋଭିଡ -19 ର ହଇଚଇକୁ ଦୃଷ୍ଟିରେ ରଖି ଆବେଦନକାରୀ ଏହି ପ୍ରକଳ୍ପ ସହ ଜଡିତ ସମସ୍ତ ନିର୍ମାଣ କାର୍ଯ୍ୟ ଉପରେ ପ୍ରତିବନ୍ଧକ ଲଗାଇବାକୁ ଦାବି କରିଛନ୍ତି । ଆବେଦନକାରୀଙ୍କ ଓକିଲ ସିଦ୍ଧାର୍ଥ ଲୁଥ୍ରା ସୁପ୍ରିମକୋର୍ଟରେ ଯୁକ୍ତି ବାଢିଛନ୍ତି ଯେ, ନିର୍ମାଣ କାର୍ଯ୍ୟ କିପରି ହୋଇପାରିବ ? ସ୍ୱାସ୍ଥ୍ୟ ଜରୁରୀକାଳୀନ ପରିସ୍ଥିତିରେ ଆମେ ଶ୍ରମିକ ଏବଂ ସେମାନଙ୍କ ପରିବାରର ଜୀବନକୁ ବିପଦରେ ପକାଇ ପାରିବା ନାହିଁ କିମ୍ବା ସ୍ୱାସ୍ଥ୍ୟ ସେବା ଉପରେ ଅଧିକ ଚାପ ପକାଇ ପାରିବ ନାହିଁ ।' କିନ୍ତୁ, ସୁପ୍ରିମକୋର୍ଟ ତାଙ୍କ ଆଦେଶରେ ଦିଲ୍ଲୀ ହାଇକୋର୍ଟଙ୍କୁ ଏହି ଆବେଦନ ଉପରେ ଦୃଷ୍ଟି ଦେବାକୁ ଏବଂ ଏହା ଉପରେ ଆଦେଶ ଦେବାକୁ ଅନୁରୋଧ କରିଛନ୍ତି ।

central-vista

ସେଣ୍ଟ୍ରାଲ୍ ଭିଷ୍ଟା ନିର୍ମାଣ ଉପରେ ପ୍ରତିବନ୍ଧକକୁ ଝଟକା

ସୁପ୍ରିମକୋର୍ଟରେ ଆବେଦନକାରୀଙ୍କ ଓକିଲ ଯୁକ୍ତି ଦର୍ଶାଇଛନ୍ତି ଯେ 'ଆମେ ବର୍ତ୍ତମାନ ମାନବିକ ସଙ୍କଟ ଦେଇ ଗତି କରୁଛୁ । ଯଦି ନିର୍ମାଣ କାର୍ଯ୍ୟ 3 ରୁ 4 ସପ୍ତାହ ପାଇଁ ସ୍ଥଗିତ ରଖାଯାଏ, ତେବେ ଏହା ବର୍ତ୍ତମାନ ପାଇଁ ଭଲ ହେବ ।' ସେ ଆହୁରି ମଧ୍ୟ କହିଛନ୍ତି ଯେ, 'ଏହା ଜନସ୍ୱାସ୍ଥ୍ୟ ଜରୁରୀକାଳୀନ ପରିସ୍ଥିତି ସହ ଜଡିତ ଥିବାରୁ ଦିଲ୍ଲୀ ହାଇକୋର୍ଟ ଏହାକୁ ଆସନ୍ତା 10 ତାରିଖରେ ଶୁଣିବା ଉଚିତ' । ଏହା ଉପରେ ସୁପ୍ରିମକୋର୍ଟ ଦିଲ୍ଲୀ ହାଇକୋର୍ଟଙ୍କୁ ଏହି ଆବେଦନ ଉପରେ ବିଚାର କରିବାକୁ ଏବଂ ନିର୍ଦ୍ଦେଶ ଜାରି କରିବାକୁ ଅନୁରୋଧ କରିଛନ୍ତି । କୋର୍ଟ ଏହା ମଧ୍ୟ କହିଛନ୍ତି ଯେ ଲୁଥ୍ରାଙ୍କ ଅନୁଯାୟୀ ଏହି ମାମଲାର ଖୁବ ଶୀଘ୍ର ଶୁଣାଣି ହେବା ଆବଶ୍ୟକ, ଯାହା ଉପରେ ଅନ୍ୟା ମାଲହୋତ୍ରାଙ୍କ ତରଫରୁ ଏକ ସ୍ୱତନ୍ତ୍ର ଛୁଟି ଆବେଦନ କରାଯାଇଛି ।

କେନ୍ଦ୍ର ସରକାର ଏହି ଆବେଦନକୁ ବିରୋଧ କରିଛନ୍ତି

ଦିଲ୍ଲୀ ହାଇକୋର୍ଟରେ ଏହି ମାମଲା ବିଚାରାଧୀନ ବୋଲି କହି ସଲିସିଟର ଜେନେରାଲ ତୁଷାର ମେହେଟ୍ଟା ଆବେଦନକୁ ବିରୋଧ କରିଥିଲେ । ଆବେଦନକାରୀ ମଧ୍ୟ ସମାନ ଆବେଦନ ଦିଲ୍ଲୀ ହାଇକୋର୍ଟରେ ଦାଖଲ କରିଛନ୍ତି ଯାହା ଉପରେ ଆସନ୍ତା 17 ତାରିଖରେ ଶୁଣାଣି ହେବାରେ ଥିଲା କିନ୍ତୁ, ଏହା ଉପରେ ଶୀଘ୍ର ଶୁଣାଣି ହେବ ।

ସେ ସୁପ୍ରିମକୋର୍ଟଙ୍କ ମଧ୍ୟ ଦ୍ୱାରସ୍ଥ ହୋଇଥିଲେ । ସୁପ୍ରିମକୋର୍ଟରେ ଜଷ୍ଟିସ ଭିନିତ୍ ସରନ ଏବଂ ଦୀନେଶ ମହେଶ୍ୱରୀଙ୍କ ଏକ ବେଞ୍ଚ ହାଇକୋର୍ଟରେ ବିଚାରାଧୀନ ଥିବା ଆବେଦନକୁ ଖାରଜ କରିଦେଇଛି । ତେବେ ବେଞ୍ଚ ଆବେଦନକାରୀଙ୍କୁ କହିଛନ୍ତି ଯେ, ସେ ସୋମବାର ଶୁଣାଣି କରିବାକୁ ହାଇକୋର୍ଟଙ୍କୁ ଅନୁରୋଧ କରିପାରିବେ । କୋର୍ଟ କହିଛନ୍ତି ଯେ ଆମେ ଆଶା କରୁଛୁ ଏବଂ ବିଶ୍ୱାସ କରୁଛୁ ଯେ ହାଇକୋର୍ଟ ଶୀଘ୍ର ଏହି ମାମଲାର ଶୁଣାଣି କରିବେ ।

ପ୍ରକଳ୍ପକୁ ଅନୁମୋଦନ ଦେଇଛନ୍ତି ସୁପ୍ରିମକୋର୍ଟ

ସୂଚନାଯୋଗ୍ୟ, ପ୍ରଧାନମନ୍ତ୍ରୀ ତଥା ଉପ-ରାଷ୍ଟ୍ରପତିଙ୍କ ନୂତନ ବାସଭବନ ବ୍ୟତୀତ ଲୁଟିୟନ୍ସ ଦିଲ୍ଲୀରେ ଏକ ନୂତନ ସଂସଦ ଭବନ, ନୂତନ କେନ୍ଦ୍ରୀୟ ସଚିବାଳୟ ଏବଂ ସରକାରୀ କାର୍ଯ୍ୟାଳୟ ନିର୍ମାଣ ପାଇଁ କେନ୍ଦ୍ରୀୟ ଭିଷ୍ଟା ଏକ ବଡ଼ ପ୍ରକଳ୍ପ । ଚଳିତ ବର୍ଷ ଜାନୁୟାରୀ 5 ରେ ସୁପ୍ରିମକୋର୍ଟର ତିନିଜଣିଆ ବେଞ୍ଚ ଏହାର ନିର୍ମାଣ କାର୍ଯ୍ୟ ବନ୍ଦ କରି ଏହାକୁ ବନ୍ଦ କରିବା ପାଇଁ ଦାଖଲ ହୋଇଥିବା ଅନେକ ଆବେଦନକୁ ଖାରଜ କରି ନିର୍ମାଣ କାର୍ଯ୍ୟକୁ ମଞ୍ଜୁରୀ ଦେଇଥିଲେ ।

ଆମକୁ ଫୋଲୋ କରନ୍ତୁ
Instagram Youtube
English summary
Central Vista Construction : The SC Refuses To Interfere Asks Delhi HC To Consider As Urgent.
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X