ନୂଆ ବର୍ଷ ପାଇଁ ସରକାର ଆଣିପାରନ୍ତି କରୋନା ଗାଇଡଲାଇନ୍

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ନୂତନ ବର୍ଷ ତଥା ଆଗାମୀ ପାର୍ବଣକୁ ଦୃଷ୍ଟିରେ ରଖି କରୋନା ଭାଇରସ ପାଇଁ ନୂଆ ଗାଇଡଲାଇନ୍ ଜାରି କରିପାରନ୍ତି । ଏ ନେଇ ସୂତ୍ରରୁ ପ୍ରକାଶ ପାଇଛି ।

Published: Friday, December 23, 2022, 13:45 [IST]

ନୂଆଦିଲ୍ଲୀ : ଚୀନରେ କରୋନା ଭାଇରସ ସଂକ୍ରମଣ ବୃଦ୍ଧି ପାଉଥିବା ବେଳେ କେନ୍ଦ୍ର ସରକାର ଏବଂ ରାଜ୍ୟ ସରକାର ଆଲର୍ଟ ମୋଡରେ ଅଛନ୍ତି । ଦେଶରେ ପୁଣିଥରେ କରୋନା ବୃଦ୍ଧି ହେବାର ଆଶଙ୍କା ରହିଛି । ଏଭଳି ପରିସ୍ଥିତିରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ନୂତନ ବର୍ଷ ତଥା ଆଗାମୀ ପାର୍ବଣକୁ ଦୃଷ୍ଟିରେ ରଖି କରୋନା ଭାଇରସ ପାଇଁ ନୂଆ ଗାଇଡଲାଇନ୍ ଜାରି କରିପାରନ୍ତି । ଏ ନେଇ ସୂତ୍ରରୁ ପ୍ରକାଶ ପାଇଛି ।

ବଢୁଥିବା କରୋନା ମାମଲା ମଧ୍ୟରେ ଭାରତ ସରକାର ଶୁକ୍ରବାର (ଡିସେମ୍ବର 22) କୋଭିଡ -19 ର ନାସାଲ ଟିକା ବ୍ୟବହାରକୁ ଅନୁମୋଦନ କରିଛନ୍ତି । କରୋନା ଭାଇରସ ନାସାଲ୍ ଟିକା ଆଜିଠାରୁ କୋଭିଡ୍ -19 ଟୀକାକରଣ କାର୍ଯ୍ୟକ୍ରମରେ ସାମିଲ ହେବ । ପ୍ରଥମେ ଘରୋଇ ଡାକ୍ତରଖାନାରେ ଏହି ଟିକା ଉପଲବ୍ଧ ହେବ ।

ବିଶେଷଜ୍ଞମାନେ ଆକଳନ କରିଛନ୍ତି ଯେ ଚୀନ୍‌ର 60% ରୁ ଅଧିକ ଲୋକ ଆସନ୍ତା ତିନିମାସ ମଧ୍ୟରେ କରୋନାଭାଇରସରେ ସଂକ୍ରମିତ ହେବାର ଆଶଙ୍କା ରହିଛି । ଚାଇନାରେ ବଢୁଥିବା କରୋନା ମାମଲାକୁ ନେଇ ଭାରତ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଭାରତର COVID ପ୍ରସ୍ତୁତିର ସମୀକ୍ଷା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମାନସୁଖ ମାଣ୍ଡଭିୟା ବୈଠକ କରିଛନ୍ତି ।

କୋଭିଡ ସମ୍ବନ୍ଧୀୟ ପ୍ରସ୍ତୁତିର ସମୀକ୍ଷା କରିବା ବ୍ୟତୀତ ରାଜ୍ୟ ସରକାର ନିଜ ନିଜ ସ୍ତରରେ ନିର୍ଦ୍ଦେଶାବଳୀ ଜାରି କରିଛନ୍ତି । ସର୍ବସାଧାରଣ ସ୍ଥାନରେ ମାସ୍କ ପିନ୍ଧିବା ଏବଂ ସାମାଜିକ ଦୂରତା ବଜାୟ ରଖିବାକୁ ପରାମର୍ଶ ଦିଆଯାଇଛି । ଏହା ସହିତ କେନ୍ଦ୍ରର ଗାଇଡଲାଇନ ଅନୁଯାୟୀ, ବାହାରୁ ଆସୁଥିବା ଯାତ୍ରୀମାନଙ୍କୁ ପରୀକ୍ଷା କରିବା ସହିତ ନମୁନାଗୁଡ଼ିକର ଜିନୋମୋ ସିକ୍ୱେନ୍ସିଙ୍ଗ୍ କରିବାକୁ ମଧ୍ୟ ନିଷ୍ପତ୍ତି ହୋଇଛି ।

Published On December 23, 2022