ପିଲାମାନଙ୍କୁ ଶୀଘ୍ର ଲାଗିବ କରୋନା ଟିକା, 1 କୋଟି Zydus Cadila ଟିକା ଅର୍ଡର କରିଛି କେନ୍ଦ୍ର
ଖୁବ୍ ଶୀଘ୍ର ପିଲାମାନଙ୍କୁ ମଧ୍ୟ ଭାରତରେ କରୋନା ଟିକା ଦିଆଯିବ । ଅହମ୍ମଦାବାଦ ସ୍ଥିତ କମ୍ପାନୀ ଜାଏଡସ୍ କାଡିଲା ଠାରୁ ତିନି ଡୋଜ ଟିକା "ଜାଇକୋଭ-ଡି"ର ଏକ କୋଟି ଡୋଜ କିଣିବାକୁ କେନ୍ଦ୍ର ସରକାର ଅର୍ଡର ଦେଇଛନ୍ତି ।
ନୂଆଦିଲ୍ଲୀ : ଖୁବ୍ ଶୀଘ୍ର ପିଲାମାନଙ୍କୁ ମଧ୍ୟ ଭାରତରେ କରୋନା ଟିକା ଦିଆଯିବ । ଅହମ୍ମଦାବାଦ ସ୍ଥିତ କମ୍ପାନୀ ଜାଏଡସ୍ କାଡିଲା ଠାରୁ ତିନି ଡୋଜ ଟିକା "ଜାଇକୋଭ-ଡି"ର ଏକ କୋଟି ଡୋଜ କିଣିବାକୁ କେନ୍ଦ୍ର ସରକାର ଅର୍ଡର ଦେଇଛନ୍ତି ।
ଏନେଇ ସରକାରୀ ସୂତ୍ର ରବିବାର (ନଭେମ୍ବର 07) ଏହି ସୂଚନା ଦେଇଛି । ସୂଚନା ଅନୁଯାୟୀ, "ଜାଇକୋଭ୍-ଡି" ଟିକା ଚଳିତ ମାସରେ ଜାତୀୟ ଆଣ୍ଟି-କରୋନାଭାଇରସ୍ ଟୀକାକରଣ ଅଭିଯାନରେ ଅନ୍ତର୍ଭୁକ୍ତ ହେବ । ରିପୋର୍ଟ ଅନୁଯାୟୀ, ବିଶ୍ୱର ପ୍ରଥମ ସ୍ୱଦେଶୀ ବିକଶିତ ଡିଏନ୍ଏ ଆଧାରିତ କୋଭିଡ୍ ଜ୍ୟାବର ପ୍ରବର୍ତ୍ତନ ପାଇଁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ପ୍ରସ୍ତୁତି କାର୍ଯ୍ୟ ଆରମ୍ଭ କରିବାକୁ ଅନୁମୋଦନ କରିଛି, ଯାହା ସମ୍ଭବତଃ ଦେଶର ଟୀକାକରଣ ଅଭିଯାନର ଏକ ଅଂଶ ଭାବରେ ବୟସ୍କମାନଙ୍କୁ ଦିଆଯିବ ।
ଜାଏଡସ୍ କ୍ୟାଡିଲାର ତିନି-ଡୋଜ୍ ଟିକା "ଜାଇକୋଭ୍-ଡି" ହେଉଛି ପ୍ରଥମ ଟିକା ଯାହାକି 12 ବର୍ଷ ଏବଂ ତଦୁର୍ଦ୍ଧ୍ୱ ଲୋକଙ୍କୁ ଦିଆଯିବା ପାଇଁ ଭାରତର ଔଷଧ ନିୟନ୍ତ୍ରକ ଦ୍ୱାରା ଅନୁମୋଦିତ ହୋଇଛି ।
ସୂଚନାନୁସାରେ, ଜାଏଡସ୍ କ୍ୟାଡିଲାର ଟିକା "ଜାଇକୋଭ-ଡି" ର ଏକ କୋଟି ଡୋଜ ପାଇଁ କେନ୍ଦ୍ର ସରକାର ନିର୍ଦ୍ଦେଶ ଦେଇଛନ୍ତି । ଏହାର ମୂଲ୍ୟ ପ୍ରାୟ 358 ଟଙ୍କା । ଏଥିରେ 93 ଟଙ୍କା ମୂଲ୍ୟର "ଜେଟ ଆପ୍ଲିକେଟର" ର ମୂଲ୍ୟ ମଧ୍ୟ ଅନ୍ତର୍ଭୁକ୍ତ । ଏହି ଟିକା କେବଳ "ଜେଟ୍ ଆପ୍ଲିକେଟର" ସାହାଯ୍ୟରେ ଲୋକଙ୍କୁ ଦିଆଯିବ ।
ସୂଚନାନୁସାରେ, କମ୍ପାନୀ ଅଧିକାରୀମାନେ କେନ୍ଦ୍ରକୁ କହିଛନ୍ତି ଯେ ଜାଏଡସ୍ ବର୍ତ୍ତମାନ ପ୍ରତି ମାସରେ 1 କୋଟି ଡୋଜ ଦେବା ସ୍ଥିତିରେ ଅଛନ୍ତି ।
ଜାଏଡସ୍ କ୍ୟାଡିଲା ର ଜାଇକୋଭ୍-ଡି ଟିକା ର ସମସ୍ତ ତିନୋଟି ଡୋଜ 28 ଦିନ ବ୍ୟବଧାନରେ ଦିଆଯିବ । ସୂଚନାଯୋଗ୍ୟ, ଦେଶରେ ବିକଶିତ ହୋଇଥିବା ଏହା ହେଉଛି ବିଶ୍ୱର ପ୍ରଥମ ଟିକା, ଯାହା ଡିଏନ୍ଏ ଆଧାରିତ ଏବଂ ଛୁଞ୍ଚିମୁକ୍ତ ଟିକା । ଜାଇକୋଭ-ଡି ଅଗଷ୍ଟ 20 ରେ ଭାରତର ଡ୍ରଗ୍ ରେଗୁଲେଟର ଦ୍ୱାରା ଅନୁମୋଦିତ ହୋଇଥିଲା ।
Click it and Unblock the Notifications
Sign in with Google