କୃଷକଙ୍କ ପାଇଁ କେନ୍ଦ୍ର ସରକାର ଆରମ୍ଭ କଲେ ଅନେକ ଯୋଜନା, କୃଷକ ହେଲେ ମାଲାମାଲ

PM Modi: ମୋଦି ସରକାରଙ୍କୁ କୃଷି ନୀତିକୁ ନେଇ ଅନେକ ସମୟରେ ସମାଲୋଚନାର ଶିକାର ହେବାପାଇଁ ପଡିଥାଏ । କୃଷକମାନେ ଏହି ନୀତିକୁ କୃଷକ ବିରୋଧୀ ବୋଲି କହିଛନ୍ତି, ଯେଉଁଥିପାଇଁ 2020 ପରଠାରୁ ବ୍ୟାପକ ବିରୋଧ ଚାଲିଆସୁଛି । ବିଶେଷକରି ପଞ୍ଜାବ ଏବଂ ହରିୟାଣା ଭଳି ରାଜ୍ୟରେ କୃଷି ସମ୍ପ୍ରଦାୟରେ ଅସନ୍ତୋଷ ସ୍ପଷ୍ଟ ଦେଖାଯାଉଛି। ତେବେ କୃଷି କ୍ଷେତ୍ରକୁ ଆଧୁନିକୀକରଣ କରିବା ପାଇଁ ଏହି ଆଇନ ପ୍ରସ୍ତୁତ କରାଯାଇଛି ବୋଲି ସରକାରଙ୍କ ପକ୍ଷରୁ ଦାବି କରାଯାଇଛି । ଏହି ଯୋଜନା ସଂସ୍କାର କୃଷକମାନଙ୍କୁ ଅଧିକ ନମନୀୟତା ଏବଂ ଉନ୍ନତ ବଜାର ସୁବିଧା ପ୍ରଦାନ କରିବ। ଏହା ସତ୍ୱେ ବିରୋଧୀ ଦଳ ଏବଂ କୃଷକ ସଂଗଠନ ସନ୍ଦେହ କରୁଛନ୍ତି।

ସମାଲୋଚକମାନେ କହିଛନ୍ତି ଯେ, ନୂତନ ନିୟମ କ୍ଷୁଦ୍ର ଚାଷୀଙ୍କ ଅପେକ୍ଷା କର୍ପୋରେଟରମାନଙ୍କୁ ଅଧିକ ସୁବିଧା ଦେଉଛି । ସର୍ବନିମ୍ନ ସହାୟତା ମୂଲ୍ୟ (ଏମଏସପି) ବ୍ୟବସ୍ଥାର ସମାପ୍ତ ହେବାର ଭୟ ରହିଛି । ଯେଉଁଥି ପାଇଁ ଏଣିକି କୃଷକମାନଙ୍କୁ ବଡ କମ୍ପାନୀର ଦୟା ଉପରେ ନିର୍ଭର କରିବା ପାଇଁ ପଡିପାରେ । ଦୀର୍ଘ ଦିନ ଧରି ଚାଲିଆସୁଥିବା ଏହି ଆନ୍ଦୋଳନ ସରକାର ଏବଂ କୃଷକ ସମ୍ପ୍ରଦାୟ ମଧ୍ୟରେ ଏକ ଗୁରୁତ୍ୱପୂର୍ଣ୍ଣ ବିଭେଦ ସୃଷ୍ଟି କରିଛି।

ଅନ୍ୟପକ୍ଷରେ, ଭାରତୀୟ କୃଷିକୁ ଆଧୁନିକୀକରଣ କରିବା ପାଇଁ ଏହି ପରିବର୍ତ୍ତନ ଆବଶ୍ୟକ ବୋଲି କିଛି ସମର୍ଥକ ମତ ରଖିଛନ୍ତି । ତାଙ୍କ ଅନୁସାରେ ଭୁଲ ସୂଚନା ବିରୋଧି ଏବଂ ଚାଷୀଙ୍କ ଏହି ଧାରଣାକୁ ବଢାଉଛି ଯେ ଏହି ଆଇନଗୁଡିକ କୃଷକ ବିରୋଧୀ ବୋଲି ।

କୃଷକମାନଙ୍କୁ ସହାୟତା କରିବା ପାଇଁ ସରକାର ଅନେକ ପଦକ୍ଷେପ ଆରମ୍ଭ କରିଛନ୍ତି। କୃଷି ଉତ୍ପାଦନ ଏବଂ ସ୍ଥିରତା ବୃଦ୍ଧି ପାଇଁ ଏହିପରି ଏକ ପଦକ୍ଷେପ ହେଉଛି, 13,966 କୋଟି ଯୋଜନା । ଏଥିରେ ଟେକ୍ନୋଲୋଜି ଏବଂ ଡାଟା ଚାଳିତ ଚାଷ ପ୍ରଣାଳୀରେ ବିନିଯୋଗ ଅନ୍ତର୍ଭୁକ୍ତ ରହିଛି । ଅନ୍ୟ ଏକ ଗୁରୁତ୍ୱପୂର୍ଣ୍ଣ ପ୍ରକଳ୍ପ ହେଉଛି କୃଷି ଭିତ୍ତିଭୂମି ପାଣ୍ଠି, ଯାହା ସଂରକ୍ଷଣ ସୁବିଧାକୁ ଉନ୍ନତ କରିବା ଏବଂ ଅମଳ ପରବର୍ତ୍ତୀ କ୍ଷତି ହ୍ରାସ କରିବାକୁ ଲକ୍ଷ୍ୟ ରଖାଯାଇଛି । 3,979 କୋଟି ଟଙ୍କା ଏହି ଯୋଜନା ଭାରତର କୃଷି କ୍ଷେତ୍ରକୁ ବିସ୍ତାର କରିବା ପାଇଁ ଏକ ବ୍ୟାପକ ରଣନୀତିର ଏକ ଅଂଶ ।

ଡିଜିଟାଲ କୃଷି ମିଶନ ଅଧୀନରେ କୃଷକଙ୍କ ଜୀବନରେ ଉନ୍ନତି ଆଣିବା ଉପରେ ଧ୍ୟାନ ଦିଆଯିବ । ଚାଷରେ ସର୍ବାଧିକ ଟେକ୍ନୋଲୋଜିର ବ୍ୟବହାର ଉପରେ ଗୁରୁତ୍ୱ ଦିଆଯିବ । ଏହି ମିଶନ ପାଇଁ ପ୍ରାୟ 2.817 କୋଟି ଟଙ୍କା ଖର୍ଚ୍ଚ ହେବ । ଏଥିରେ ଦୁଇଟି ଯଥା ଆଗ୍ରି ଷ୍ଟକ ଏବଂ ଦ୍ୱିତୀୟଟି ହେଉଛି କୃଷି ନିଷ୍ପତ୍ତି ସହାୟତା ବ୍ୟବସ୍ଥା । ଆଗ୍ରି ଷ୍ଟାକରେ କୃଷକ ତଥ୍ୟ, ଗ୍ରାମ ଜମି ମାନଚିତ୍ର ତଥ୍ୟ, ବୁଣାଯାଇଥିବା ଫସଲ ତଥ୍ୟ ସାମିଲ ହେବ । ସେହିପରି କୃଷି ନିଷ୍ପତ୍ତି ସହାୟତା ପ୍ରଣାଳୀରେ ଭୌଗୋଳିକ ତଥ୍ୟ, ମରୁଡ଼ି, ବନ୍ୟା ମନିଟରିଂ, ପାଣିପାଗ, ଉପଗ୍ରହ ତଥ୍ୟ, ଭୂତଳ ଫସଲ ଅମଳ ଏବଂ ବୀମା ପାଇଁ ମଡେଲିଂ ଇତ୍ୟାଦି ସାମିଲ ହେବ ।

ଏହାଛଡା ପିଏମ-କିସାନ ଭଳି ଯୋଜନା କୃଷକମାନଙ୍କୁ ପ୍ରତ୍ୟକ୍ଷ ଆର୍ଥିକ ସହାୟତା ପ୍ରଦାନ କରିଥାଏ । 1,115 କୋଟି ଟଙ୍କା ଆବଣ୍ଟନ ସହିତ ଏହି ପଦକ୍ଷେପ କ୍ଷୁଦ୍ର ଚାଷୀଙ୍କ ସ୍ଥାୟୀ ଆୟ ଉତ୍ସ ଯୋଗାଇ ଦୀର୍ଘକାଳୀନ କାର୍ଯ୍ୟକ୍ଷମତା ସୁନିଶ୍ଚିତ କରିବ ।