ଆର୍ୟାନ ଖାନ୍ ମାମଲାରେ ସମୀର ୱାନଖେଡେଙ୍କ ବିରୋଧରେ ଦାଖଲ ହୋଇଥିବା ଏଫଆଇଆରରେ କ'ଣ କହିଛି ସିବିଆଇ
ମୁମ୍ବାଇ : ଶାହାରୁଖ ଖାନଙ୍କ ପୁଅ ଆର୍ୟାନ୍ ଖାନ ମାମଲାରେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ର ପୂର୍ବତନ ଜୋନାଲ ନିର୍ଦ୍ଦେଶକ ସମୀର ୱାନଖେଡେଙ୍କ ବିରୋଧରେ କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) ଏକ ଏଫଆଇଆର ରୁଜୁ କରିଛି । ଏଫଆଇଆରରେ ସିବିଆଇ କହିଛି ଯେ ଆର୍ୟାନ୍ ଖାନଙ୍କ ବିରୋଧରେ ଚାଲିଥିବା ପ୍ରକ୍ରିୟାରେ ସମୀର ୱାନଖେଡେ ବ୍ୟକ୍ତିଗତ ତଥା ସ୍ୱାଧୀନ ସାକ୍ଷୀ କେ.ପି ଗୋସାଭିଙ୍କୁ ଫ୍ରୀ ହ୍ୟାଣ୍ଡ ଦେଇଥିଲେ ।
ଏହି ଏଫଆଇଆରରେ ସମୀର ୱାନଖେଡେ, ପୂର୍ବତନ ଏନସିବି ଏସପି ବିଶ୍ୱ ବିଜୟ ସିଂହ, ଏନସିବି ଗୁପ୍ତଚର ଅଧିକାରୀ ଆଶିଷ ରଂଜନ ଏବଂ ଅନ୍ୟ ଦୁଇ ଜଣ କେ.ପି ଗୋସାଭି ଏବଂ ତାଙ୍କ ସହଯୋଗୀ ସନୱିଲ ଡି'ସୁଜାଙ୍କୁ ଅଭିଯୁକ୍ତ ଭାବେ ନାମିତ କରାଯାଇଛି । 15 ମେ 2023 ରେ FIR ସାର୍ବଜନୀନ କରାଯାଇଛି ।
ଏଫ୍ଆଇଆର୍ ରେ କୁହାଯାଇଛି ଯେ, ସମୀର ୱାନଖେଡେଙ୍କ ଟିମ୍ ମୂଳ ରେଡ୍ ସୂଚନା ରିପୋର୍ଟରେ ପରିବର୍ତ୍ତନ କରିଛନ୍ତି । ସେଠାରେ, ସନ୍ଧାନରେ ଯାହା ମିଳିଲା, ତାହା ଲେଖା ହୋଇନଥିଲା । କେତେକ ଅଭିଯୁକ୍ତଙ୍କୁ ଜେଲରେ ଥିବା ଅଭିଯୁକ୍ତଙ୍କ ସହ ଦେଖା କରିବାକୁ ଏବଂ କଥା ହେବାକୁ ଅନୁମତି ଦିଆଯାଇଥିଲା ।
ସିବିଆଇ ଅନୁଯାୟୀ, ଏହି ମାମଲାରେ ସମୀର ୱାନଖେଡେ କେପି ଗୋସାଭି ଏବଂ ପ୍ରଭାକର ସେଲକୁ ଏହି ମାମଲାରେ ସ୍ୱାଧୀନତା ଦେବା ନାଁରେ ଫ୍ରୀ ହ୍ୟାଣ୍ଡ ଦେଇଥିଲେ । ଯାହା କି ସାଧାରଣ କ୍ଷେତ୍ରରେ ଦିଆଯାଇନଥାଏ । ଏହାର ଫଳ ସ୍ୱରୂପ କେପି ଗୋସାଭି ଆର୍ୟାନ୍ ଖାନଙ୍କ ସହ ସେଲଫି ନେଇ ସୋସିଆଲ ମିଡିଆରେ ଏହାକୁ ଭାଇରାଲ କରିଥିଲେ । ଆର୍ୟ୍ୟାନ୍ ଖାନଙ୍କୁ ଗିରଫ କରିବା ସମୟରେ ମଧ୍ୟ କେପି ଗୋସାଭି ତାଙ୍କ ସହ ଥିଲେ ।
କେପି ଗୋସାଭି ମଧ୍ୟ ଆର୍ୟାନ୍ ଖାନଙ୍କୁ ଜଡିତ କରି ଶାହରୁଖ ଖାନଙ୍କ ପରିବାରରୁ 25 କୋଟି ଟଙ୍କା ବଟି ଆଣିବା ପାଇଁ ଷଡଯନ୍ତ୍ରର ଏକ ଅଂଶ ଥିଲେ । 25 କୋଟିର ଦାବି ପରେ ଆଲୋଚନା କରି ଏହାକୁ 18 କୋଟିରେ ସ୍ଥିର କରିଥିଲେ । ଏଫ୍ଆଇଆର୍ କହିଛି ଯେ କେପି ଗୋସାଭି ମଧ୍ୟ 50 ଲକ୍ଷ ଟଙ୍କା ଟୋକେନ୍ ରାଶି ନେଇଛନ୍ତି । କିନ୍ତୁ ପରେ ଏହି ରାଶିର କିଛି ଅଂଶ ଫେରସ୍ତ କରାଯାଇଥିଲା ।
2 ଅକ୍ଟୋବର 2021 ରାତିରେ ମୁମ୍ବାଇର ଗ୍ରୀନ୍ ଗେଟ୍ ଠାରେ ଥିବା କ୍ରୁଜ୍ ଟର୍ମିନାଲ୍ ଉପରେ ଏନସିବି ଅଧିକାରୀ ସମୀର ୱାନଖେଡେ ଚଢାଉ କରିଥିଲେ । ଏହି ଟିମ୍ ରେ ବିଶ୍ୱ ବିଜୟ ସିଂ, କେପି ଗୋସାଭି ଏବଂ ଅନ୍ୟ ଜଣେ ସାକ୍ଷୀ ପ୍ରଭାକର ସେଲଙ୍କ ସମେତ କିଛି ଅଧିକାରୀ ସାମିଲ ହୋଇଥିଲେ ।
ଏହି ଚଢାଉ ପରେ 13 ଗ୍ରାମ୍ କୋକେନ୍, 5 ଗ୍ରାମ ମେଫେଡ୍ରୋନ୍, 21 ଗ୍ରାମ ଗଞ୍ଜେଇ, 22 ଟି ଟାବଲେଟ୍ MDMA ଏବଂ 1.33 ଲକ୍ଷ ନଗଦ ଜବତ କରାଯାଇଥିବା ଦାବି କରାଯାଇଥିଲା । ଏଥିରେ 14 ଜଣଙ୍କୁ ଧରିବା ସହ ବହୁ ସମୟ ପଚରାଉଚୁରା ପରେ ଅକ୍ଟୋବର 3 ରେ ଆର୍ୟାନ (24), ଅରବାଜ ମର୍ଚାଣ୍ଟ (26) ଏବଂ ମୁନମୁମ ଧାମଚା (28) ଙ୍କୁ ଗିରଫ କରାଯାଇଥିଲା ।
ଏହା ପରେ ଏନସିବି ଏହି ଆକ୍ରମଣ ଘଟଣାରେ ଆଉ 17 ଜଣଙ୍କୁ ଗିରଫ କରିଥିଲା । ମେ 2022 ରେ ଏନସିବିର ଏକ ସ୍ୱତନ୍ତ୍ର ଅନୁସନ୍ଧାନକାରୀ ଦଳ (SET) ଦ୍ୱାରା ଆର୍ୟାନ୍ ଖାନଙ୍କୁ ଏକ କ୍ଲିନ୍ ଚିଟ୍ ଦିଆଯାଇଥିଲା ଏବଂ ସମୀର ୱାନଖେଡେ ଏବଂ ଅନ୍ୟମାନଙ୍କ ବିରୋଧରେ ସିବିଆଇ ଏଫ୍ଆଇଆର୍ ଉପରେ ଏକ ଆଭ୍ୟନ୍ତରୀଣ ଭିଜିଲାନ୍ସ ଯାଞ୍ଚ କରାଯାଇଥିଲା ।
Click it and Unblock the Notifications
Sign in with Google