ଅନିଲ ଦେଶମୁଖଙ୍କ ବିରୋଧରେ ଏଫଆଇଆର ରୁଜୁ କଲା ସିବିଆଇ, ଘର ସମେତ ଅନେକ ସ୍ଥାନରେ ଡଢାଉ
ଟଙ୍କା ଆଦାୟ ମାମଲାରେ ଫସିଥିବା ଅନିଲଙ୍କ ବିରୋଧରେ ସିବିଆଇ ବିରୋଧରେ ଏଫଆଇଆର ଦାଖଲ କରିଛି । ପୂର୍ବତନ ପୋଲିସ କମିଶନର ପରମ୍ବୀର ସିଂଙ୍କ ଅଭିଯୋଗ ଆଧାରରେ ଏହି ମାମଲା ରୁଜୁ ହୋଇଛି ।
ମୁମ୍ବାଇ : ମହାରାଷ୍ଟ୍ରର ପୂର୍ବତନ ଗୃହମନ୍ତ୍ରୀ ତଥା ଏନସିପି ନେତା ଅନିଲ ଦେଶମୁଖଙ୍କ ସମସ୍ୟା ପୁଣି ବଢିଛି । ଟଙ୍କା ଆଦାୟ ମାମଲାରେ ଫସିଥିବା ଅନିଲଙ୍କ ବିରୋଧରେ ସିବିଆଇ ବିରୋଧରେ ଏଫଆଇଆର ଦାଖଲ କରିଛି । ପୂର୍ବତନ ପୋଲିସ କମିଶନର ପରମ୍ବୀର ସିଂଙ୍କ ଅଭିଯୋଗ ଆଧାରରେ ଏହି ମାମଲା ରୁଜୁ ହୋଇଛି । ଆହୁରି ମଧ୍ୟ ଖବର ଅଛି ଯେ ଏହା ପରେ ସିବିଆଇ ଦେଶମୁଖଙ୍କ ବାସଭବନ ସମେତ ଅନେକ ସ୍ଥାନରେ ଚଢାଉ କରିଛି । ତେବେ ସିବିଆଇ ସେଠାରୁ କଣ ଜବତ କରିଛି ତାହା ଏପର୍ଯ୍ୟନ୍ତ ଜଣା ପଡିନାହିଁ ।
ମୁମ୍ବାଇ ପୋଲିସର ପୂର୍ବତନ କମିଶନର ଦେଶମୁଖ ଏବଂ ସଚିନ ୱାଜେଙ୍କ ବିରୋଧରେ ଗୁରୁତର ଅଭିଯୋଗ ଆଣି ବମ୍ବେ ହାଇକୋର୍ଟରେ ଆବେଦନ କରିଥିଲେ । ଯାହା ଉପରେ କୋର୍ଟ ସିବିଆଇ ତଦନ୍ତ ନିର୍ଦ୍ଦେଶ ଦେଇଛନ୍ତି । କୋର୍ଟ ଏହା ମଧ୍ୟ ସ୍ପଷ୍ଟ କରିଥିଲା ଯେ ପ୍ରଥମ 15 ଦିନ ମଧ୍ୟରେ ସିବିଆଇ ପ୍ରାଥମିକ ତଦନ୍ତ କରି ରିପୋର୍ଟ ଦେବ ଏବଂ ଯଦି ଏହି ମାମଲା ସତ୍ୟ ବୋଲି ଜଣାପଡେ ତେବେ ଦେଶମୁଖଙ୍କ ବିରୋଧରେ ଏଫଆଇଆର ଦାଖଲ କରାଯିବା ଉଚିତ । ଏହି ନିଷ୍ପତ୍ତିକୁ ଭିତ୍ତି କରି ସିବିଆଇ ଏବେ ଦେଶମୁଖଙ୍କ ବିରୋଧରେ ମାମଲା ରୁଜୁ କରିଛି । ତାଙ୍କ ଘର ସମେତ ଅନେକ ସ୍ଥାନରେ ଚଢାଉ ମଧ୍ୟ କରିଥିଲେ ।
Click it and Unblock the Notifications
Sign in with Google