ଦିଲ୍ଲୀ ବିମାନବନ୍ଦରରେ ଅବହେଳା, ଇଣ୍ଡିଗୋ ବିମାନ ଆଗକୁ ମାଡ଼ି ଆସିଲା କାର
ଇଣ୍ଡିଗୋ ଏୟାରଲାଇନ୍ସ ଉଡ଼ାଣ ଭରିବାକୁ ପ୍ରସ୍ତୁତ ହେଉଥିବା ବେଳେ ମଙ୍ଗଳବାର ଦିନ ଦିଲ୍ଲୀ ବିମାନବନ୍ଦରରେ ଇଣ୍ଡିଗୋ ବିମାନ ତଳେ ଏକ କାର ଆସିଥିଲା । ବିମାନର ଆଗ ଚକ କାରକୁ ଧକ୍କା ଦେବାରୁ ଅଳ୍ପକେ ବର୍ତ୍ତିଯାଇଛି ।
ନୂଆଦିଲ୍ଲୀ : ଦିଲ୍ଲୀ ବିମାନବନ୍ଦରର ଟର୍ମିନାଲ୍ -2 ରେ ଏକ ଇଣ୍ଡିଗୋ ବିମାନ ସାମ୍ନାକୁ ଏକ ମାରୁତି କାର ମାଡ଼ି ଆସିଥିବା ଖବର ସାମ୍ନାକୁ ଆସିଛି । ଏହି ଇଣ୍ଡିଗୋ ବିମାନ 6E-2022 ଦିଲ୍ଲୀ ରୁ ପାଟନା ଅଭିମୁଖେ ଉଡ଼ାଣ ଭରିବାକୁ ପ୍ରସ୍ତୁତ ହେଉଥିଲା । ଏହାର ଭିଡିଓ ସୋଶାଲ ମିଡିଆରେ ଭାଇରାଲ ହେହାରେ ଲାଗିଛି ।
ସୂଚନା ଅନସାରେ ଇଣ୍ଡିଗୋ ଏୟାରଲାଇନ୍ସ ଉଡ଼ାଣ ଭରିବାକୁ ପ୍ରସ୍ତୁତ ହେଉଥିବା ବେଳେ ମଙ୍ଗଳବାର ଦିନ ଦିଲ୍ଲୀ ବିମାନବନ୍ଦରରେ ଇଣ୍ଡିଗୋ ବିମାନ ତଳେ ଏକ କାର ଆସିଥିଲା । ବିମାନର ଆଗ ଚକ କାରକୁ ଧକ୍କା ଦେବାରୁ ଅଳ୍ପକେ ବର୍ତ୍ତିଯାଇଛି । ଫଳରେ ଏକ ବଡ଼ ଧରଣର ଦୁର୍ଘଟଣାକୁ ଏଡ଼ାଇ ଦିଆଯାଇଛି ।
ରିପୋର୍ଟ ଅନୁଯାୟୀ, ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (ଡିଜିସିଏ) ଘଟଣାର ତଦନ୍ତ କରିବ । ବିମାନ ଚଳାଚଳ ସୂତ୍ରରୁ ପ୍ରକାଶ ଯେ ବିମାନରେ କୌଣସି କ୍ଷତି ହୋଇ ନାହିଁ ।
ରିପୋର୍ଟରେ ଦର୍ଶାଇଛି ଯେ ମଙ୍ଗଳବାର ସକାଳେ ବିମାନଟି ଉଡ଼ାଣ ଭରିବାକୁ ଯାଉଥିବା ବେଳେ ଗୋ ଫାଷ୍ଟ ଏୟାରଲାଇନ୍ସର କାର ଏହା ତଳେ ଆସିଥିଲା । ଅଧିକାରୀମାନେ କହିଛନ୍ତି ଯେ କାରର ଡ୍ରାଇଭର ମଦ୍ୟପାନ କରିଛନ୍ତି କି ନାହିଁ ତାହା ଜାଣିବା ପାଇଁ ତଦନ୍ତ କରାଯାଇଥିଲା, କିନ୍ତୁ ଏହା ନକାରାତ୍ମକ ବୋଲି ଜଣାପଡିଛି ।
ବିମାନରେ କୌଣସି କ୍ଷୟକ୍ଷତି ହୋଇନାହିଁ ଏବଂ କେହି ଆହତ ହୋଇନାହାଁନ୍ତି ବୋଲି ବିମାନ ଉଦ୍ୟୋଗ ସୂତ୍ରରୁ ପ୍ରକାଶ ।
Click it and Unblock the Notifications
Sign in with Google