ମଧ୍ୟପ୍ରଦେଶର ସିଦ୍ଧିରେ କେନାଲରେ ବୁଡ଼ିଲା ଯାତ୍ରୀବାହୀ ବସ୍, 30 ମୃତଦେହ ଉଦ୍ଧାର
ମଧ୍ୟପ୍ରଦେଶର ସିଦ୍ଧିରେ ଏକ ବଡ଼ ଦୁର୍ଘଟଣା ଘଟିଛି । ମଙ୍ଗଳବାର ସକାଳେ ଏହି ଦୁର୍ଘଟଣା ଘଟିଛି । କେନାଲରୁ 30ଜଣ ଯାତ୍ରୀଙ୍କର ମୃତ ଦେହ ଉଦ୍ଧାର କରାଯାଇଛି । ଏବେବି ଉଦ୍ଧାର କାର୍ଯ୍ୟ ଜାରି ରହିଛି ।
ଭୋପାଳ : ମଧ୍ୟପ୍ରଦେଶର ସିଦ୍ଧିରେ ଏକ ବଡ଼ ଦୁର୍ଘଟଣା ଘଟିଛି । ମଙ୍ଗଳବାର ସକାଳେ ଏହି ଦୁର୍ଘଟଣା ଘଟିଛି । କେନାଲରୁ 30ଜଣ ଯାତ୍ରୀଙ୍କର ମୃତ ଦେହ ଉଦ୍ଧାର କରାଯାଇଛି । ଏବେବି ଉଦ୍ଧାର କାର୍ଯ୍ୟ ଜାରି ରହିଛି । ବସଟି 54ଜଣ ଯାତ୍ରୀଙ୍କୁ ନେଇ ସତନା ଯାଉଥିବା ସମୟରେ କେନାଲରେ ପଡ଼ିଯାଇଥିଲା । ତୁଲସୀ ସିଲାବଟ ଏ ସମ୍ପର୍କରେ ସୂଚନା ଦେଇ କହିଛନ୍ତି ଯେ ଏପର୍ଯ୍ୟନ୍ତ 30 ଜଣଙ୍କ ମୃତଦେହ କେନାଲରୁ ବାହାର କରାଯାଇଛି । ସେ କହିଛନ୍ତି ଯେ ଏହି ଘଟଣା ଅତ୍ୟନ୍ତ ଦୁର୍ଭାଗ୍ୟଜନକ ଏବଂ ପ୍ରଧାନମନ୍ତ୍ରୀ ଶିବରାଜ ସିଂ ଚୌହାନ ସକାଳୁ ଅଧିକାରୀଙ୍କ ଠାରୁ ଏହି ଘଟଣାର ସମ୍ପୂର୍ଣ୍ଣ ସୂଚନା ନେଇ ଆସୁଛନ୍ତି ।
ଏଥି ସହ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଏହି ଘଟଣାରେ ଦୁଃଖ ପ୍ରକାଶ କରି କହିଛନ୍ତି ଯେ, ଆଜି 1 ଲକ୍ଷ 10 ହଜାର ଘରେ ଘରେ ପ୍ରବେଶ କାର୍ଯ୍ୟକ୍ରମ ସ୍ଥିର ହୋଇଥିଲା, ମାତ୍ର ସକାଳ 8 ଟାରେ ମୁଁ ଏକ ଦୁଃଖଦ ସୂଚନା ପାଇଛି ଯେ ବନସାଗରରେ ଏକ ଯାତ୍ରୀବାହୀ ବସ୍ କେନାଲରେ ଖସିପଡ଼ିଛି । ତେଣୁ ଆଜି ଏହି କାର୍ଯ୍ୟକ୍ରମ କରିବା ଉଚିତ୍ ହେବ ନାହିଁ । କେନାଲଟି ବହୁତ ଗଭୀର ଏବଂ ଆମେ ତୁରନ୍ତ ଡ୍ୟାମରୁ ଜଳ ବନ୍ଦ କରି ଉଦ୍ଧାରକାରୀ ଦଳକୁ ପଠାଇଛୁ । କଲେକ୍ଟର, ଏସପି ଏବଂ SDRF ର ଦଳ ସେଠାରେ ଉପସ୍ଥିତ ଅଛନ୍ତି । ବସ୍କୁ କେନାଲରୁ ବାହାର କରିବା ପାଇଁ ଉଦ୍ୟମ ଚାଲିଛି ।
ସୂଚନା ଅନୁଯାୟୀ ଗ୍ରାମବାସୀ ମଧ୍ୟ ଲୋକଙ୍କୁ ବଞ୍ଚାଇବାରେ ସାହାଯ୍ୟ କରୁଛନ୍ତି । ଏହି ବସଟି ପ୍ରାୟ 54 ଜଣ ଯାତ୍ରୀଙ୍କୁ ନେଇ ସତନା ଆଡକୁ ଯାଉଥିଲା । ଏହି ସମୟରେ ସିଦ୍ଧି ନିକଟରେ ଥିବା ପଟନା ବ୍ରିଜରେ ଡ୍ରାଇଭର ନିୟନ୍ତ୍ରଣ ହରାଇଥିଲେ । ବସ୍ ଅନିୟନ୍ତ୍ରିତ ହୋଇ କେନାଲରେ ଓଲଟି ପଡିଥିଲା । ଘଟଣା ଖବର ପାଇବା ମାତ୍ରେ ପ୍ରଶାସନିକ ଦଳ ଘଟଣାସ୍ଥଳରେ ପହଞ୍ଚିଥିଲେ । ଉଦ୍ଧାର କାର୍ଯ୍ୟ ଆରମ୍ଭ କରି 7 ଜଣଙ୍କୁ ବାହାର କରାଯାଇଛି । ଏହି ଘଟଣା ପରେ ଗ୍ରାମବାସୀ ଏବଂ ଅନ୍ୟ ଲୋକମାନେ ମଧ୍ୟ ବସରେ ଫସି ରହିଥିବା ଲୋକଙ୍କୁ ବାହାରକୁ ଆଣିବାକୁ ଚେଷ୍ଟା କରୁଛନ୍ତି ।
Click it and Unblock the Notifications
Sign in with Google