ବସ୍-ଅଟୋ ଧକ୍କା : 13 ମୃତ

ମଧ୍ୟପ୍ରଦେଶର ଗ୍ୱାଲିଅର୍ ଜିଲ୍ଲାରେ ଏକ ମର୍ମନ୍ତୁଦ ଦୁର୍ଘଟଣା ହୋଇଛି । ଏହି ଦୁର୍ଘଟଣାରେ 13 ଜଣଙ୍କର ମୃତ୍ୟୁ ହୋଇଥିବାବେଳେ ଅନେକ ଲୋକ ଗୁରୁତର ଆହତ ହୋଇଛନ୍ତି । ଦୁର୍ଘଟଣା ସମ୍ପର୍କରେ ସୂଚନା ପାଇ ପୋଲିସ ସମସ୍ତ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରିଛନ୍ତି ।

ଗ୍ୱାଲିଅର୍ : ମଧ୍ୟପ୍ରଦେଶର ଗ୍ୱାଲିଅର୍ ଜିଲ୍ଲାରେ ଏକ ମର୍ମନ୍ତୁଦ ଦୁର୍ଘଟଣା ହୋଇଛି । ଏହି ଦୁର୍ଘଟଣାରେ 13 ଜଣଙ୍କର ମୃତ୍ୟୁ ହୋଇଥିବାବେଳେ ଅନେକ ଲୋକ ଗୁରୁତର ଆହତ ହୋଇଛନ୍ତି । ଦୁର୍ଘଟଣା ସମ୍ପର୍କରେ ସୂଚନା ପାଇ ପୋଲିସ ସମସ୍ତ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରିଛନ୍ତି । ଏଥିସହିତ ସମସ୍ତ ମୃତଦେହକୁ ପୋଷ୍ଟମର୍ଟମ ପାଇଁ ପଠାଯାଇଛି । ପ୍ରାପ୍ତ ଖବର ଅନୁଯାୟୀ, ଗ୍ୱାଲିଅରର ପୁରୁଣା କ୍ୟାଣ୍ଟନମେଣ୍ଟ ଅଧୀନରେ ଆନନ୍ଦପୁରମ୍ ଟ୍ରଷ୍ଟ ସମ୍ମୁଖରେ ଏହି ଘଟଣା ହୋଇଛି ।

ଦୁର୍ଘଟଣା ସମ୍ପର୍କରେ ସୂଚନା ଦେଇ ପୋଲିସ କହିଛି ଯେ, ପୁରୁଣା କ୍ୟାଣ୍ଟନମେଣ୍ଟ ଷ୍ଟେସନ ଅନ୍ତର୍ଗତ ଆନନ୍ଦପୁରମ୍ ଟ୍ରଷ୍ଟ ସମ୍ମୁଖରେ ବସ୍ ଓ ଅଟୋ ମୁହାଁମୁହିଁ ଧକ୍କା ହୋଇଥିଲା । ଏହି ଦୁର୍ଘଟଣାରେ ପ୍ରାଣ ହରାଇଥିବା ଲୋକଙ୍କ ମଧ୍ୟରେ ଅଟୋରିକ୍ସାରେ ଥିବା 12 ଜଣ ମହିଳା ଏବଂ ଡ୍ରାଇଭର ଅଛନ୍ତି । ଏହି ମହିଳାମାନଙ୍କୁ ମଙ୍ଗଳ ଦିବସରେ ଖାଦ୍ୟ ରାନ୍ଧିବା ପାଇଁ କଣ୍ଟ୍ରାକ୍ଟର ଡାକିଥିଲେ । କାମ ସାରିବା ପରେ ସମସ୍ତ ମହିଳା ଦୁଇଟି ଅଟୋରେ ଘରକୁ ଫେରୁଥିଲେ । କିନ୍ତୁ ରାସ୍ତାରେ ଏକ ଅଟୋ ଖରାପ ହୋଇଯିବାରୁ ସମସ୍ତେ ଗୋଟିଏ ରିକ୍ସାରେ ଯାଉଥିଲେ । ପ୍ରତ୍ୟକ୍ଷଦର୍ଶୀଙ୍କ କହିବାନୁସାରେ, ବାମୋର ଅଭିମୁଖେ ଯାଉଥୁବା ସମୟରେ ବସ୍ ଅଟୋକୁ ଧକ୍କା ଦେଇଥିଲା ।

ଏହି ଧକ୍କା ଏତେ ଶକ୍ତିଶାଳୀ ଥିଲା ଯେ ଘଟଣାସ୍ଥଳରେ 13 ଜଣଙ୍କର ମୃତ୍ୟୁ ହୋଇଥିଲା । ମୃତକଙ୍କ ମଧ୍ୟରେ 12 ଜଣ ମହିଳା ଏବଂ ଅଟୋ ଡ୍ରାଇଭର ଅଛନ୍ତି । ପୋଲିସ-ପ୍ରଶାସନ ଦଳ ଘଟଣାସ୍ଥଳରେ ପହଞ୍ଚି ସମସ୍ତ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଇଛନ୍ତି । ଏହି ଦୁର୍ଘଟଣାରେ 13 ଜଣଙ୍କର ମୃତ୍ୟୁ ହୋଇଥିବା ନେଇ ଏସପି ଅମିତ ସଙ୍ଘୀ ନିଶ୍ଚିତ କରିଛନ୍ତି । ଏହି ଦୁର୍ଘଟଣା ଆନନ୍ଦପୁରମ୍ ଟ୍ରଷ୍ଟ ସମ୍ମୁଖରେ ଘଟିଥିଲା ।

ଚାରି ଲକ୍ଷ କ୍ଷତିପୂରଣ ଘୋଷଣା

ଏହି ଘଟଣାରେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଏହି ଘଟଣାରେ ଦୁଃଖ ପ୍ରକାଶ କରିଛନ୍ତି । ସେ ମୃତକଙ୍କ ସମ୍ପର୍କୀୟଙ୍କ ପାଇଁ ଚାରି ଲକ୍ଷ ଟଙ୍କା କ୍ଷତିପୂରଣ ଘୋଷଣା କରିଛନ୍ତି । ମୁଖ୍ୟମନ୍ତ୍ରୀ ସମସ୍ତ ଆହତଙ୍କୁ 50 ହଜାର ଟଙ୍କା ସହାୟତା ଦେବା ନେଇ ଘୋଷଣା କରିବା ସହ ଆହତଙ୍କ ଆଶଉ ଆରୋଗ୍ୟ କାମନା କରିଛନ୍ତି । ପୀଡିତମାନଙ୍କୁ ସମସ୍ତ ସମ୍ଭାବ୍ୟ ସହାୟତା ପ୍ରଦାନ କରିବାକୁ ମଧ୍ୟ ନିଶ୍ଚିତ କରିଛନ୍ତି ।

English summary

Bus Accident in Gwalior, 13 dead.