ଆଜି ଠୁ ଆରମ୍ଭ ବଜେଟ୍ ଦ୍ୱିତୀୟ ପର୍ଯ୍ୟାୟ ଅଧିବେଶନ, ସରକାରଙ୍କୁ ପୁଣି ଘେରିବେ ବିରୋଧୀ

ବଜେଟ୍ ଅଧିବେଶନର ଦ୍ୱିତୀୟ ପର୍ଯ୍ୟାୟ ଆଜି ଠାରୁ ପୁଣି ଆରମ୍ଭ ହେଉଛି । ଏହି ସମୟରେ ସଂସଦର ଉଭୟ ଗୃହ ବେଶ୍ ସରଗରମ୍ ରହିପାରେ । ବିରୋଧୀ ଦଳ ସରକାରଙ୍କୁ ବିଭିନ୍ନ ପ୍ରସଙ୍ଗରେ ଘେରିବାକୁ ପ୍ରସ୍ତୁତ ହୋଇଛନ୍ତି ।

Updated: Monday, March 13, 2023, 10:11 [IST]

ନୂଆଦିଲ୍ଲୀ : ବଜେଟ୍ ଅଧିବେଶନର ଦ୍ୱିତୀୟ ପର୍ଯ୍ୟାୟ ଆଜି ଠାରୁ ପୁଣି ଆରମ୍ଭ ହେଉଛି । ଏହି ସମୟରେ ସଂସଦର ଉଭୟ ଗୃହ ବେଶ୍ ସରଗରମ୍ ରହିପାରେ । ବିରୋଧୀ ଦଳ ସରକାରଙ୍କୁ ବିଭିନ୍ନ ପ୍ରସଙ୍ଗରେ ଘେରିବାକୁ ପ୍ରସ୍ତୁତ ହୋଇଛନ୍ତି ।

ଅଧିବେଶନ ପୂର୍ବରୁ କଂଗ୍ରେସ ଅଧ୍ୟକ୍ଷ ତଥା ରାଜ୍ୟସଭାରେ ବିରୋଧୀ ଦଳର ନେତା ମଲ୍ଲିକାର୍ଜୁନ ଖାଡ଼ଗେଙ୍କ କାର୍ଯ୍ୟାଳୟରେ ବିରୋଧୀ ମାନେ ବୈଠକ କରି ରଣନୀତି ଉପରେ ଆଲୋଚନା କରିବେ । ଏହି ବୈଠକରେ ବିରୋଧୀ ଦଳମାନେ ମୁଦ୍ରାସ୍ଫୀତି, ଫେଡେରାଲ୍ ଏଜେନ୍ସିଗୁଡିକର ଅପବ୍ୟବହାର, ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆର ଏକ୍ସପୋଜର୍ ଏବଂ ଲାଇଫ୍ ଇନସୁରାନ୍ସ କର୍ପୋରେସନ୍ ଅଫ୍ ଇଣ୍ଡିଆକୁ ଆଦାନୀ ଗୋଷ୍ଠୀକୁ ନେଇ ସରକାରଙ୍କ ଆଭିମୁଖ୍ୟ ଆଦି ବିଷୟରେ ସରାକରଙ୍କୁ ଟାର୍ଗେଟ୍ କରିବାକୁ ରଣନୀତି ପ୍ରସ୍ତୁତ ହେବ । କଂଗ୍ରେସ ସାଂସଦମାନେ ସକାଳ 9.30 ରେ ବୈଠକ କରିବାର ସୂଚନା ରହିଛି । ଏହି ବୈଠକରେ ଟିଏମସି ନେତାମାନେ ଯୋଗଦେବେ ନାହିଁ ।

କଂଗ୍ରେସର ଜଣେ ବରିଷ୍ଠ ନେତା କହିଛନ୍ତି, ସୋମବାର ଠାରୁ ବଜେଟ୍ ଅଧିବେଶନର ଦ୍ୱିତୀୟ ପର୍ଯ୍ୟାୟରେ ଦଳ ଲୋକଙ୍କ ପ୍ରସଙ୍ଗ ଉଠାଇବାକୁ ଚାହୁଁଛି । ଦରଦାମ ବୃଦ୍ଧି, ଏଲପିଜି ମୂଲ୍ୟ ବୃଦ୍ଧି, ଆଦାନୀ ଗୋଷ୍ଠୀ, କେନ୍ଦ୍ରୀୟ ଏଜେନ୍ସିର ଅପବ୍ୟବହାର, କୃଷକଙ୍କ ସମସ୍ୟା ଏବଂ ରାଜ୍ୟପାଳଙ୍କ ହସ୍ତକ୍ଷେପ ଭଳି ସମସ୍ୟାକୁ ଆମେ ଗୃହରେ ଉଠାଇବୁ । ଆମେ ସମସ୍ତ ସମାନ ଦଳ ସହ କାର୍ଯ୍ୟ ଜାରି ରଖିବୁ ଏବଂ ବିରୋଧୀ ଏକଜୁଟ ରହିବାକୁ ଚାହୁଁଛୁ ବୋଲି ସେ କହିଛନ୍ତି ।

କଂଗ୍ରେସର ଅନ୍ୟ ଜଣେ ବରିଷ୍ଠ ନେତା କହିଛନ୍ତି ଯେ ଅପ୍ରେଲ 6 ପର୍ଯ୍ୟନ୍ତ ଜାରି ରହିବାକୁ ଥିବା ଏହି ଅଧିବେଶନର ଦ୍ୱିତୀୟ ଭାଗ ସାମୂହିକ ପ୍ରସଙ୍ଗ ତଥା ବ୍ୟକ୍ତିଗତ ପ୍ରସଙ୍ଗ ମଧ୍ୟ ଗ୍ରହଣ କରିବ ଏବଂ ବିରୋଧୀ ଦଳ ମଧ୍ୟରେ ଏକତା ବୃଦ୍ଧି କରିବ ।

ଦ୍ୱିତୀୟାର୍ଦ୍ଧର ଏକ ପ୍ରମୁଖ ଅଂଶ ମନୋନୀତ ମନ୍ତ୍ରଣାଳୟର ଅନୁଦାନ ତଥା ଅର୍ଥ ବିଲ୍ ପାସ୍ ଉପରେ ଆଲୋଚନା ପାଇଁ ଖର୍ଚ୍ଚ ହେବ । ସଂସଦରେ ବିଚାରାଧୀନ ବିଲରୁ ସରକାର ଅନେକ ବିଲ୍ ଆଣିବେ ବୋଲି ଆଶା କରାଯାଉଛି । ପ୍ରାୟ 26 ଟି ବିଲ୍‌ ଏବେ ରାଜ୍ୟସଭାରେ ଏବଂ 9ଟି ବିଲ୍‌ ଲୋକସଭାରେ ଗୃହୀତ ହେବାପାଇଁ ପଡ଼ି ରହିଛି । 2 ଟି ବିଲ୍‌ ତଥା ବହୁ ମଲ୍ଟି ଷ୍ଟେଟ୍‌ କୋଅପରେଟିଭ୍‌ (ସଂଶୋଧନ) ବିଲ୍‌-2022 ଏବଂ ଜନ ବିଶ୍ୱାସ ( ବ୍ୟବସ୍ଥାବଳି ସଂଶୋଧନ ) ବିଲ୍‌ , 2022 କୁ ଗତ ଶୀତ ଅଧିବେଶନରେ ସରକାରଙ୍କର ଏକ ଯୁଗ୍ମ କମିଟିକୁ ପଠାଯାଇଥିଲା । 0ଏହି ବିଲ୍‌କୁ କମିଟି ଯାଞ୍ଚ କରୁଛି । ମଲ୍ଟି ଷ୍ଟେଟ୍‌ କୋଅପରେଟିଭ୍‌ ବିଲ୍‌ ସଂକ୍ରାନ୍ତରେ ଆଲୋଚନା କରିଥିବା‌ ସିପି ଯୋଶୀଙ୍କ ନେତୃତ୍ୱାଧୀନ କମିଟି ବଜେଟ୍‌ ଦ୍ୱିତୀୟ ପର୍ଯ୍ୟାୟ ଅଧିବେଶନରେ ଏହାର ରିପୋର୍ଟ ଦାଖଲ କରିବ ।